1 Udon nvun mbe ambisisi dna ra bo a voa asi ambi'a mbure etkie gyea.Eba ra bo azwie ukechan mba ambi zwizwi mbe sa-kye zi'a azwie hadaya dna uhwesi ra vo ugyen nkye mbe enyi mbah. 2 Deke a hwe idno,asi edna eki swekpu hadaya? Eba ba ukechan eki sakye akpe afka ugyen eki kya voa ambi zwizwi re ufia. 3 Etkie hadaya dnaten, etere enyenhwe ba vo ambi zwizwi.Enyi re enyi. 4 Ara hwe ra ka idnoa dna eken mbe idnoh kagi re ambe itonre ibwe asakyera mbe ambizwizwi enyen uhwe. 5 Azwie krisiti bo azwigigye hwe ma, anyi dna va hadaya re sadaka dna ura choa, ukya mbe igyi ken dna mbe hadaya. 6 . Ura chonwa sadaka re hadaya mbe eyen ugyie etki mbe ambi zwizwi. 7 . N'nyon nyi na debo, ambe nbore, nboke mbi vo ambina ura chonma azwi mbe ba hwe ufka etki mbi ma. 8 ka iswenmbo "Hadaya re sadaka ,hwa dna tkitken itki mbe ambi zwizwi ura choa. Ura fkan wa eska mbea, ibure te asi hadaya dna ekpureke etki udon. 9 . A nyon e na a mbe boru mbivo ambi dna ura chon ma," ambe zire ambi vuvu dna ka iswen ambe dna toh i fan bore. 10 Ambi vuvo na to ifan e-sakpu abi ke ukechan azwie ambi na ara chonma etki mbe na Yesu Krisiti mbe etki egyo ke hadaya mbu afkan ugyen. 11 "Uhwesi seh ra hwe a vo aten ra ke Ukechan ukin re ukin.A kpara kya mbore hadaya voa afkaugyea, hadaya na sakye ra ka ambi zwizwi mbi'a. 12 Azwie Krisiti mbe egyo kye afka ugye ma, ahwe abgu uji mbe Ukechan. 13 A hwe ra ba ukin na eba ra chon aswi re do mba ra na ambi naambe afka mbo ra che etki mbo ma. 14 Egyo na ambe kye afka ugye ma,a sakye kpuri nhwe nbo hwa. 15 Nvu na keke chu kyai ka-swen anyi na, 16 Nna hwen udnuna gyere de ma de ke ukin ten mba bivozire imbi-idi n'yon asi.Mbe udon mbi te ikibe mbe ,mbe ra ba uchu kukombe. 17 Ambi zwizwi mbe nkya kera ba ma re do uffi'a. 18 Azwie na to kike hwen mu, hadaya vuvo etki mbe ambi izwi kya hwa. 19 A hwe idno ma befgi ni mbi i jure ekye afigyi, na ira ka asi azwi nkah gyi hwen nkembe eken mbe Yesu. 20 Ana hwen ena fifi re ufuna afkoto ke a'abi nkye labulle, chuna ibi egyi mbo. 21 A hwere uhwesi na kagyi idi mbe Ukechan. 22 A so re ikibe uzwen i chu nyina i so re uzwenre ikibe itin ikibe na esakye mbire azwie uchu koko mbe ambi izwi re na a sakye re igyi mbi re anibe keke. 23 Ndi tebwu re ekye afigi uzwen na i so re ma.Enye na vi gye un du ma hwere uzwen. 24 I de ambi na ira vo na mbe echonre ambisisi ra bo ma. 25 Etki funfun mbe ati ngea eta eba ugyen voma,ivo kya udi mbire iti swenkpu iya, azwi ira de ukin kpu'a bore ma. 26 Deke imba ka so kya azwie ambi zwizwi, azwie ikpere ambi gigyi mbe uzwen hwen, hadaya mbe ambi-izwi kya hwa. 27 Ngyi ambi na ra bo mba afken mbe ehwa ikpukpere ufi na ra ji eba ra chon Ukechan ma. 28 Nigi enyi na ma se udo mbe Musa ra fu anigi ishishi hwa mua anigi mbe enye ifan ko enyen ita. 29 Ambi na ura de era vo enye ba dengah imba mbe Ukechan ma akombi,re eba mbe eken mbe undu giyi hwen zena ata sakye mbe mba,enye ba nken mbe eken ma a sakpu ke Ukechan eyen ba dgo ambi dgo re nvu na vo ambisisi? 30 Nigi enyena nyon nyi na,'kpakye" edna mbi, ambe, nkpakye "ido mbi imbidi ra kye enyenhwe mbo bra ekahwa. 31 Ambi afiken ukpu abgu mbe Ukechan na hwe chu-chu. 32 Nni,kobwun re eten bafu vozi ma azwie nijure ughama iri na ni zwen iki be nke eka vuvo. 33 Ekye ne igyibi egye eyen,eji'ene iskan igyi kyone -atku,ni fka igyi na eba ugyen fkama. 34 Ni de ishishi mbe eba ekpue chutema ni kpe idno ke ekpe kpuzi ambi nitere do mo.Ke nigyi ken abi ne ni ra ju ambi na ra tka idno. 35 Niti mbe ikebe nzwen mbi ne ta na abi na ni ra ju ambi kagyi etki mbo ama. 36 Ni ra don ikibe-nzwen eten na ni ma vore ambi na Ukachan ra chon ma,ni ra dzu ambi ba efu gye udnu re de ne mu ma. 37 Ara mbe ufoa, eyen na ra bo ma, ara mbe'a ufo'a ara bo. 38 Eyen mbi bate keke ma ra dzu ena fkazizi de ke amakazi kya re enyufu,na fkama eska mbo'a. 39 Abi ite-iya nken mbe ba nghauchi ka so kya azwie uhwe fu mba Abi ite eba tere uzwen,imbe ugyombi te.