Uchun 8

1 Ambi ira nyon aken etkimbo mba hwe asi: I hwere uhwesi dna hwe iki azwie abgu udi azwi hwe uhwe dna hwe akpo. 2 Ahwe uswi,azwi keke hwen. Ikpimbe Ukenchan dna uzwen dna Ukenchan mbete, voa enye- uhwea. 3 Uhwesi kata ehwo rakpue era kpa ambi era ke ambi. Ahwe idno ma, asi ikihwere ambi ugyen dna ikimbe ake. 4 Deke kirisiti ki hwe azwi-igyi, Akirahwa uhwsia. 5 Ebara kpa ambi tembu azwie udon nyoma, era voa ambi ba te ututo akpoma. Itan Ukenchan ve Musa enye tku azwie aracho na ara ta ikpimboma. "Debo," ukenchan nyina, uvo ambi eta ehwau etkie ihwema. 6 Ndi dne hwen Yesu kpe aten dna tkama kata, azwie ibumbu ahwe asi enye udnu na gigye dna kaghi, dna ambi sisi dna tkama. 7 Deke udnu gigye dnaka iswen hware ambi sigyo nkemboa, ambi dna ke edo-akya dn to ifan mba ekon. 8 Azwie Ukenchan dere enyen-uhwere edah mba, anyi dna agyea kya udnu dna fifi idimbe Isra'ila re idimbe hahuza. 9 Ara hwea ze-edna nfu vore batikembi dne ma, nfu kpue ko abgu, nkpu buzi uten masar, ekya voa aten re ambi dna nfure nyo mba, ambe se m-muji, to rede, Ukenchan nyo-asi. 10 Edna hwen hwe asi udnu igye dna fifi dna nra vo idi mbe Isra'ila ukin ba bi voa ziten. Ukacha nyo asi. Mbe udon mbi ra te udnun swembe, bumbe ra ba ikimbe, ambe dna hwe ukenchan mbe.Ambe era te engye mbi. 11 Ekya hwa eba idi atko, ba-idimbe "dni gyi Ukenchan" Abe kaka era gyim azwie ete biski era kyeredo. 12 Ambe dna dere adni gyi ishishi azwie ambi ba eravo dna sigya ma, ambe nkya koa bumba re ambi zwi zwimbea. 13 Azwe atan udnu gigyemu edna "fifii" anye udnu gigye dna ngah edna ukpi, ambi dna ngare ukpi mbue kaso.