¹ Ino Agaribas sheke Bulus, ura nyo aken iskimu. Hwe no Bulus mbe sko a fgy mu a nyo aken. ² Nha ten ikumbe, abu uhwe Agaribas, iskina nna nyo aken, mi ami na Yahudawa ba, inyo iskim ne. ³ Kena, nyi na uhwe inye ambi uten de aken kika. Ino nha fguu ufkan akem de kumbe nshin. ⁴ Ufden, ba yahud yi azhwem tun nta hwe imba ufken, utem de Urushalima . ⁵ Iyim afdi kaiften, ufi ikura kpido nyona nvo ufken, afdimi Bafarase, iboo ba iha ten kombe ufkine afdi mi ami buba be. ⁶ Ndine nsehwe ke ikpen ihwa, ike mi na iha te utu ike ike mi uketsan attah bi. ⁷ A hwe ike ike, na ifti biro mba ifan, ite utu ira kpe afdi iha von ibemi uketsa mu ufte utsu de uki, hive ibu uhive, na yahuda iha nyo aken ne. ⁸ Ahgo voibu na, nyowe ra hwe unyo na uketsa ara tanzu ba ifure? ⁹ Ndine, ame de nyo skem nha ko utu nyo, nna vo ami fdi fdi iskim Yesu banazarat. ¹⁰ Nvo ami ane ane a urushalima, mbe manyi ufkina mu uketsan tsu isun, afdi ike na nkpe afdimi uhwa, Ino afdi ibirare abene, nke be itzo. ¹¹ Nke manye, ikan ufkine afdi mi fun iski me emo. de ntsun na ntilasa be ke idan idan. Nso akuften de uften, ntsanata be so uten skuho ba akayi. ¹² Afdi nha vo ami ba ra ane nso nso Dimasuku de ike afdi mi ba skuho mi firistoci. ¹³ Nkemi ikim de nkin, uhwe, nde afdike zu akpo na askan afdi de uki, tsiketom de ba iha so dadi de amene. ¹⁴ Afdi ikpu ikuwene, nfkan uvon ha nyo aken de ame, aden mi ba Ibraniyawa nyona Shawulu vone uha tsananta? Ahwe de uften u vo ami na uha kone. ¹⁵ Ino nyo, abu aba emo? Emo nyo ime Yesu na uha vo fdi ibem ne. ¹⁶ Ndine fanzu akitsan usehwe de afkau, kekena hwe ami na nzubo afdi ne, ke nvumu ke uwhe uftim de na ude ambi ba na uyi iskim de na tsun ufon kpitine. ¹⁷ De nna fkazu afdi manye de iyi ma aken mi emo afdi nna skune. ¹⁸ Ke ufkoto aji be, ubungha be afdiutsu so afdi ungha, de iko mi shetan so afdi uketsan, kekena ira kpe afdi mu uketsan, na fkazu mi ami fdi fdi de iske-ifeu na mbe kebe de ufde afdim. ¹⁹ Inone, uhwe agaribas, nkema iskike de ambi nde akpoa. ²⁰ Ino afdi ba ihive a Dimashku kaften, de ba Urushalima de afdimi uten mi yahudiya de ba iyi ma aken fdi ke ifka bungha afdi uketsan, ivo ami ba isi nyokema, ami ane yohudawa bumi afdi von uketsan, iha tsun ira bwame. ²¹ Ikema, ami ane yahudawa bumi afdi von uketsan , iha tsun ira bwame. ²² Inone , ndu ivoyi afdi uketsa bo natene, de nsehwe afdi maym tsika de kpanta, nyo ami, anabawa de Musa inyo ara vo. ²³ Nyo Kristi ara vo ikan ikena a hwe na kaften fanzu afdi uwhe-ifu, ara mbe afdi uken rabo, afdi yahuda de ba iyimi uketsan. ²⁴ Afdi Bulus akpan kare aken ne, festas bo-uhu nyo Bulus uha kaimi umuu iski ku ikake. ²⁵ Bulus nyona nha nyo aken ufden de ihwa na nshen. ²⁶ Keken uhwe, yi ami bara, ino ne nhanyo de ike afdi mu, ikena nyi ami ba ane tuma-ntun afdimu, keke na ivoba a kpasko. ²⁷ Use ufden ke inye na aha de ikpi uhwe Agaribas, nyi nyo ukpido. ²⁸ Agaribas sheke Bulus nyo, ufon tsika utsun ura mbem na hwe na hwe ba, ba uketsa? ²⁹ Bulus nyo, nfouto ke uketsa. nyo ko uton kpiti ko ngun, vo abu buba, de manye ba ifkan natene; ra hwe zua ame, vode, sarka bane ³⁰ Inone, uhwem fanzu akitsa, iski de barniki de nyowe ba ishwe de Barniki de nyowe ba ishwe de ibune. ³¹ Afdi i suto isume ne, inyo aken de nyo skebe, nyowe ane kaide idan na ira bwa ko itsu. ³² Agaribas sheke festas, nyohwem, isuto ikena imbe aken mu soma kaisar.