¹ Ndine festas ka nke, afdinm, a hive me ukin ita a fan zu a kaisa ri ya a ka so urushelima. ² U hwan na skuho de basku ho ba yahudawa mbe aken iskimi Bulus ba she festas. ³ Ifgu festas nyona, asuto Bulus ka so Urushelima, ke ika bwama ufin. ⁴ Festas kpido shekebe, nyona Bulus hive inye voyi afdi kaisariya. inone ara tzan mu ufon, ame de iskim na som. ⁵ Hwenone nyo hwe na ara voyi ide so, hwenone inye na ama whe de aken ifdi iskimo ara nyo. ⁶ Festas hivem skamu, ukin itita ko bwo ino ne aka so a kaisariya, afdi nghazu a suwe a zuwe ma afdi kpe hwa ake ike nyo imbe Bulus zubu afdimu. ⁷ Afdi Bulus a zubo ne, yahuda ba urushelima sewe ikemu, de imbe akan ba ifdi iskiniu ufkine ba, a kade ufden. ⁸ Bulus fkazu iskimu anyo, nvoma nyo hwe uney ami fdifdi de Yahuda ko de afdi fun iskimu ketsan, ko de kaisar. ⁹ Inone festas tsu na adu itzo, afdi Yahuda ba, ino akpido she Bulus nyona, utsun ka sko a Urushelima ke nna tau ihwan afdi amiba ane? ¹⁰ Bulus nyo, nse hwe kuwe afdi kpen ihwan me kaisar, afdi na ira tam ihwa, nvo ma ami ifdi iskimi yahuda ba iri na uyine. ¹¹ koma, ma hwe na nvo ami fdifdi, kekena ira bwam, nsema na nna fuma. Keke na, ima nyo aken idofi, nyuwe unye ku mbem kebea. Nha ku itzo kaisar. ¹² Afdi festas a nyo aken de butsen bara, akpido nyo, uha tan ibemi kaisar ura sode kaisar. ¹³ Nkan mi ukin banyen, uhwe na Agaribas de Barniki, ibo a kaisariya ke iba bande festas. ¹⁴ Afdi ihwem mi ukin bara, festas mbe aken mi Bulus sheke uhive, anyo, Filikus suto nyowe nanye ate na ahwe nyowe na itsu. ¹⁵ Iten na nhwe Urushelima ne, uhwan na skubo de mu bo afdim iha fgu ke ibwa mbe. ¹⁶ Afdima akene, nkpido shekebe nyo vo ambi uten mi Romawa bara, nyo ike nyowe itzo, ino na imbe aken mu ke ikena ara nyozu nyosken mu. ¹⁷ Whenu ne afdi ibo dudi ate, nsehwe ma, ino wcin na azen ne, nsuwe afdi tan-ihwam, nke uvon nyona imbea bo. ¹⁸ Afdi inye na imbe bo, fanzu akitsa ne, iduabe de ambi unye na ahwe ifdia. ¹⁹ Keken na idu, de aken ive, na nyo afdi ami hwuhwanbe, iskimi Yesu na a fure, ibu Bulus tsona a hwe de unyon. ²⁰ Nyima iri nna fgide akena, ino ne, nka nyo ko ara so Urushalima ke ika kpen aken mu. ²¹ Ino afdi Bulus don imbe te, kaisar a kpen a ken mu, ino nke uvon nyona imbete ate, gcena nma skure so afdi kaisar. ²² "Agaribas sheke festas. "Ame ma nna bo ke mba fkan aken mi nyo imohwem. Ikpi ura fkan;, festas nyo." ²³ Afdi nghazu, Agaribas, de Birniki hode manyil ibo nken isun de ba baskiho ba te iyi de manyi ba itzo mo uten. Afdi na festas nyo aken. Imbe Bulus bo afdi be. ²⁴ Festas nyona, uhwe Agaribas de manyi be ni hwe aten de abi, nyide nyo hive ane, manyi ba yahuda tam ido a Urushalima de ate ufi, ingha ido kum nyo istuna a hive de unyoa. ²⁵ Ndema ami na avo ke ira hwama, ikena afdi ambe akem sore kaisar, ntanre ihwa iskimu. ²⁶ Ino nka ade aken na nna ba so afdi kaisar, ino ne mbe bo afdi bene, uhwe Agaribas, ke ndo amina nna ba iskimu ²⁷ Hwe ami na isa, ntsuma so afdi tsu vo de mba ami fdifdi mu.