¹ Azwe ukin vonzi mma,ebwe Ananiyas baka'egyi uhwesi hwen.E bachen-no re eyen n'yon egyi aken e ben mbo Tartilus, e ka so azwe kan.E'mbe aken mbe Bulusu mu-so azwe gwamna. ² Ufun na Bulusu sen-hwe ekiswen mbe gwamna,Tertilus agyu n'yon ambi Bulusu ra vo-ma shei gwamna, etki mu edzu na hwe-isi, nken ino ura hwa ikpi,ve mbe nakikya bo nken uten. ³ Nken ino ambi na uma vore e'kpe afgu ifan re utsu nten,eyen ga'egyi Filikus. ⁴ Nti muma ufun, nna fgu utke ke ufun n'yon mbe aken hwen kpe-ekiti nne. ⁵ Edzu e'yen hwen ra ten ufo, a ra egha eyen hwe yahudawa katta egyi ateh ba ve aken bo ⁶ E ra tkan e vozwi mbe ikpi mbe ukechan, bi bun mba. ⁷ Amma Lisiyas e baka egyi ba ebu fkan muzi afgu mbi re kafi'egyi. ⁸ Ke ummaka Bulusu nken abi ba ira n'yon ten,e bu re tke-egyu ude egyi. ⁹ Yahudawa katta seh aken mbe Bulusu,tke ambi ra n'yon ten uzwen. ¹⁰ Amma, azwe gwamnan ke Bulusu aken nyon ma,Bulusu kpi-ndo, ndegyi ubme re ufun uhwe eyen kpen hwan uten teh,ino nna ten-utsu nna n'yon aken redo. ¹¹ Abu re tke-egyu ura gyi atkan ukin bwo imba-ifan na nka Urushelima ka nvun. ¹² Azwe dzu ikpi mbe Ukechan ma nde vema aken, ino uffi ngha ma n'yen-hwe ikpi mbe Ukechan ko nken uten. ¹³ A hwere ru uzwen azwe aken a re n'yon teh etke mi. ¹⁴ Amma nku ra gyi, ambi e be ra kpen ufu hwen re ino ambi nna ba Ukechan Attah- ami. Nso-uzwen kattah etki mbe udon re annabi ¹⁵ Nna tku-utsu azwe mbe ukechan, ettke na eyun mbe ba vosisi re ba vo-ambi zwi zwi. ¹⁶ Ino na tkan ke hwe e'yen vo'o ambi azwi ekiswen mbe Ukechan re e'yen hwe. ¹⁷ E 'gyi nna bore e ke sadaka re baiko echon. ¹⁸ Azwi nvo ma,yahudawa ba Asiya dzu'n nken utsu nten mbe na sakike ikpi mbe Ukechan, vo'are eyen hwe egye ko etke-ndo etke. ¹⁹ Ekya hwe ino ba ten kya bo ikiswen nbwu na ten, nke ma hwere aken etkimi. ²⁰ Nkya'ama vo ino,ka ba ten n'yon azwi na e den vo ambi izwi-zwi u'fun na senhwe ikiswen mbe yahudawa. ²¹ Nke e hwe nken amu-ugyen na nbe uvun ikiswen mbe,etkere na yun-yun mbe ba fure ne kare hwen ugyo ke ni bun bme. ²² Filikus agyi ambi ten kattah ufu hwen,ambi ka akpu aken mu teh-kya.E ra n'yon, nke Lisiyas na ra ke ufu ma zi Urushelima ma bore,e ra ko e hwan. ²³ Nken ino e shei Jarumin a hwe de Bulusu amma kesi'a ufu,etiswen e be-edgo mbo abo azwe mbo ko vogyire. ²⁴ Nken uhwu ukin bo-ugyen,Filikus re Druskila udgo boma,ibu imba yahudiya e tkun a ka tan mbe Bulusu afkan ambi tke uzwen mbo nken Krisiti Yesu. ²⁵ Amma azwe Bulusu ra n'yon aken a tensisi,teh bun'egyi,re a hwan na ra boma ,Filikus ken afi ken a'yon,ndini hwen ka so mu.mma dzure ufun,nba tan kya'a. ²⁶ Ufun hwe ara tku Bulusu ra ka asho, a ra tan ufun-ufun ka n'yon aken rado. ²⁷ E gyi-ifan vonsire, Borkiyas Festas hwe gwamna eyun fun mbe Filikus,are tkan ka dzu ibuasisi azwe mbe yahudawa,a'yon mbe Bulusu ka chukya.