¹ Bulusu de bachen ino ara n'yon be ufgini nhwe eyen vo'ambi nke mbe Ukechan,re ikube mi ugyen bo bu na ten-hwen. ² Uhwesi ka'egyi Hannaya shei ba ra teh mu ma e be afgu u'nu. ³ Bulusu shei, Ukechan ra abe uhw,abina ba sugyo.Ni teh ke kpenzwi mme ra e hwan,ni shei e'yen re-voswen tkansi udon-mu? ⁴ Aba sen ba fen n'yon ino ne ukyo uhwesi ka'egyi mbe ukechan? ⁵ Bulusu n'yon ngyima ,ufgini ke a hwe uhwesi ka'egyi.E ba hwe,ti nyon na zwizwi mbe eyen-duuten mbe eyen hwe. ⁶ Ze Bulusu de e bachen ten ba-ugyen teh sadukiyawa ba-ugyen teh farisawa mbe uvun atan nken swen'ukpa, be ufgini, a'me nhwe Bafarise, imba farisawa.Etke na nhwe uzwen mbe na shi-shi mbe ba fure ne kpen ahwan. ⁷ Ze n'yon ino ma nchan'a zi nken mbe farisawa re sadukiyawa,eba ko-kpu idi-ifan. ⁸ E'etke na sadukiyawa n'yonna na-shi'shi hwa,uhwesi hwa,nvun keke hwa ,amma farisawa n'yon ambi-ten teh. ⁹ Azwe kan nchan'a yun,e ba ba-ambi mbe farisawa n'yon,edzu wa eyen-hwen re eden.Ugyi ko e bachen re nvun ra-n'yon aken? ¹⁰ Azwe akenmu swen re nswen ma,bakaegyi hafsa afiken mba ken nna aba bun mbe Bulusu,a shei soja ne ka mbezi'a ekiswen mbe bachen ten. ¹¹ Azwe uchu voma ukechan ra sen hwe a shei tiken wa afiken, azwe u'yon na-isi mi Urushelima, ino mbi ura n'yon re ino e Roma. ¹² Ze azwe ke ma,yahudawa ba-ugyen fun-etke eteh mba ambi sugyo; e'yon era jii, ekpe vo'a se Bulusu ma fure. ¹³ Eyen hwe tkan uji-ifan e fun'm etke ambi sugyo asi. ¹⁴ E ka so azwe mbe baka'egyi uhwesi re bachen e ka n'yon,ambi kpere-ndo ra ambi sugyo hwen,era jii e kpu vo'a-ya se ema bwan mbere Bulusu. ¹⁵ Ndini hwen,baka'egyi ne she baka'egyi hafsa ufu a'mbe Bulusu bo za na era ko ehwan hwen ma.Abi etonsire e bwan mba fkanzi eba bu aten. ¹⁶ Amma,imba ugyo mbe Bulusu fkan na era do-ubo,e ka si'a azwe mbe Bulusu aka shei. ¹⁷ Bulusu tan eyen ugyen nken mbe jarumai a'yon,mbe imba-edon hwen ka so azwe mbe baka'egyi hafsa,ahwe ambi na ra shei. ¹⁸ Jarumin hwen mba ka so azwe baka'egyi hafsa e'yon, Bulusu imba na emuchu hwe ma n'yon na mbe imba-edon hwen bo azwe-bwu.Ahwere aken era n'yon era shu'e. ¹⁹ Baka'egyi hafsa hwen mba bn-fen,e ka'ambi chon na ura she'n mbe ekon? ²⁰ Imba-edon hwen n'yon,yahudawa kpere-ndo era fgu mbe Bulusu bo ikpi azwe mbe baka'egyi uten,za ana er n'yon aken isi-etki-mbo. ²¹ Na fgu ti-kpe wa-ndo,eyen hwe tkan uji-ifan hwere bare.Ajire-iki era jii ambi ekpu vo'a se amma bwan mura, ndini hwen e hwere ku ke ufu. ²² Baka'egyi hafsa shei imba bi edon hwen ka so ze n'yon swere ma amma ti shei wa eyen-hwe. ²³ E tan Jarumai ifan,ne s-kpe sojoji uhwu ugyen, e ka so kaisariya, eba kon uti egyen uhwu, egyen eba uti ugyen ujii ita imba bwo ka so e sho ita na uju'u. ²⁴ A shei eden kpe uyon na Bulusu re tko sisine so azwe mbe filikus gwamna. ²⁵ E ba wasika ine. ²⁶ Na nbe-edo kuludiyas lisiyas so azwe mbe gwamna Filikus. ²⁷ Yahudawa bun mbe eyen hwen era chon na ebwan mba, awe mbo nma re soja e to're azwe fkan e hwe eyen Barome. ²⁸ Nchon na nke egyi ambi ke ra seh aken mbo,nbezi ka so eswen ukpa. ²⁹ Nfkan egyi ka ra se aken itke mbe e'ka-ka tkere ahwan-mbe vo' ambi na ke ka de mba ko na nbwan. ³⁰ E bo bu-shen ke era chon na nbwan ma,be ntu-to azwe mbu nmu'ene,eba eze-mbo nshei ke buso awe mu, tke n'yon-sisi. ³¹ E soja vo biyayya re aken na e shei ma mbe Bulusu so ka ke Antibatrus re juju. ³² Azwe ke-ma,soja kaso kya ato eba kyun re-uyon ma. ³³ ze azwe ba ra kyun re-uyon ka bura kaisiriri mbe wasika mbe ke gwamna re Bulusu ka'ta. ³⁴ Azwe gwamna kpe wasika nma, e ka Bulusu zi a'no. Azwe fkan ahwe imba uten kilikya. ³⁵ Eyon nna na fkan'u sisine nke ba ezemu ma bore.Eyon na mbe hwe swen ukpe mbe Hiridus.