¹ Afdi ikpirido ira so italiya, imbe zu Bulus de ba isun tsu bayen imbe ke yuliyas ikemi Agustas. ² Ika ungha ika so adramatiya, nna a hire ba de uji mi Asiya, iso ujim. Aristakus na ahwe ba Makidoniya de so. ³ Ukin na a zem ne ika bu uten mi sidon afdim Yuliyas vo Bulus naisi, Asotoa ka so afdi isgo mu bara, ke a debe. ⁴ Afdi kan ne, ika so uji iba'a so a kpasko mi kurbrus, na ihwe ba de islanu ike mi uyo na ikefiyi. ⁵ Ini ne i kanyi uji so kpasko mi kilikiya de Bamfiliya so mira, uten mi Lisiya. ⁶ Afdim imba bufken, do ugha na Iskandariya na ara so Italiya. ⁷ De ikari mi uyo, ikin de asku ine, mu ukin bara ika bu sinidus ikeimi sa imina afdi uyom asuto ne. ⁸ Iba bu afdim, de ikan kekena ibo afdi na iha tan afdi na isi, hwe bade uten mi Lasiya. ⁹ Imbe re ufon skonone, na tsu Ahwe mi Yahudawa vonzure, ikin ira sima na tso, Bulus sheke be. ¹⁰ A nyo na suso, bene, ra hwere de afgu tze de ufou, vode isken. Ko ughan buba, ukena de nyohwe. ¹¹ Ino bufkem, mbe kumbe mu te afdi baskuho bare de bami ungha ne, fkan amina Bulus aha nyo. ¹² Keke afdim ra skama mi uyo ane , mayin ufkine nyo isuto afdim. kena aku ra si, iku bu uten mi finikiya; ke ihwem mi uyom. ¹³ Afdi uyo na atise, ha vun de asku ne, inyo ambi iha done idure, ino ibungha ungha so karita hive ba de gaba. ¹⁴ Ufan tsika ine, uyo na ketiyi na iha Yuro kilidon, hwe ha bei, akitsan de a tise. ¹⁵ Iken na ungha uyo skan ke mu ne, iba afdi uyom aha zubone. ¹⁶ Inone ibo tan kauda, ino de ikan imbe ungha na tsika te de na skuho. ¹⁷ afdi na ikun sko ungha ne, imbe u tze mbe te ikibon mi sirtis afdi iha ken fiken, ive de so. ¹⁸ Ivo ikan uski fdin, ukin na zem, ba ungha baram, mbe iskin nken ungha ha bobin. ¹⁹ Ukin na ti itta, ba ungha mbe isken ba ihwe nken ungha, mbe abin de afghu be. ²⁰ Ukin ufkine, ide bi ugha mi ukin de iske, ihwe de uskiftin baba, iyi ma ko ihwe fkanzu. ²¹ Ino ihwe mbe re ufon, vo de ambi tzetzea. Ino Bulus fanzu nken mi mba vomovo mu ungha, anyo, mayin naka ni ku fkan, ami bara ne kura voma. ²² Ndine, ni bon kumbe, ira doni mi unyon me nyowe unye, sa idoni ungha. ^{26 23} Afdi nure, ufti me uketsa na, nzum ne, na nha nyon ibenmu, maleka mu sewe ikpaskom. ²⁴ Anyo, ku kenwa fiken, Bulus. Ura senhwe akuften mi kaisar, ude, uketas afdi ami si mu, mbe kure mayinba na ni gha kin dudi ne. ²⁵ Inone hwe de ikefiyi, mayin! nkpido de uketsa, nyo ara vo iri na ishe kum ne. Hwe ni ira sehwe de afkan bi ami banye island. ²⁷ Utsue bwo-imba fan, afdi ka so ikin bi uji adriyat de ukuko utsu, mba nyi ungha konyo ibure utenanye. ²⁸ Afdi ikpe du nyohwe utze, ihwe su ufi ikpe nyohwe ihwe bwo-imba skun. ²⁹ Fike bonbe, ikena ide nyona ungha ra bwe iski aken, ino ivunzu ami ini, ika foufo nyo afdi angho muemue. ³⁰ Manyi bami ungha, tsona ira fkube ungha nanyen imba ta uji, ivo tsona ira mbe ami ini rata utsi ungha. ³¹ Ino ne, Bulus sheke nyohwem de ba te iyi, ikene mayin ba ra rane, ra suhwe be ungha, ira fkazu be. ³² Ino ne, mba te iyi ba, yemi utzem ike aka so. ³³ Afdi, afdi ha nghare ne, Bulus she be nyo itzi amistzi, anyo uki bure bwo mba-iskun, ni ha vo ikan ifu uji hyi tzime ambi. ³⁴ Ino ne, nha sheni, ni ko ambi tzi, ke na ne hwe na fkazu bene, ike na ko nyohwe unye, itsi iskimu ra vunzu ma. ³⁵ Afdi anyo aken, abe zu ufgha hwu afgu ke uketsa afdi me manyi, ino akoto ufgha ahwe na tzi. ³⁶ Ino manyi du karfafa itzi. ³⁷ Ihwe anyi 276 nken ungha. ³⁸ Afdi itzi be re ne, ibe zu atzi ba ungha mbe bo nuben. ³⁹ Afdi ngha rene, ideyi ma atem ufia, afdim ide ike nanye, ishe she de nyo sken be, ko ira mbe ungha ka te fdikan. ⁴⁰ Ino ne, iyemi utzem, mbe se ungha isuto a uji. Ufon tsika ine, ifku be utze ba iha ve ungha de ambi fe ungha, i ba kuko uji. ⁴¹ Afdi ika bu afdi uji koto ifan, ungha senhye, ungha fabon. idube afdi ira kpanshi bo ino ne ami ve ungha na keto, ike mi na shishi mi nuben. ⁴² Ba te iyi, ha tsu ira bwa be ba tsu bara ne kekena nyo hwe unye vo zuma nuben ma. ⁴³ Ino ne ba iba ungha ne tsona ira fkazu Bulus, ino a koyi de ingha be ide asheke ha ivovi nube ivon zu ungha kaften ke iso agun. ⁴⁴ Ino mayi ba idan, iba, banye uti de banye afdi ambi ba ihwe ungha. ufi ane iba, idu zu agun.