Uchun 3

1 Hin mini enyiya nyon: uken na hwen-hwen na itan ekan la bo hwese. 2 Aneni mingye la chon iskunwe, ba chon asho, ba tken ikpe de ba fkin-kpeq, ba da uda, ba le fken aken ba bmabma we ba le ki udi wa, ba le sakeme iskun we wa. 3 Ba le hwe de echon wa, ba le to ekpo wa, ba to akafun, ba le bun iskun we wa, ba tsun e'hga, ba le chon iyi ni'isi wa. 4 Ba nyon a minyon, ba kyi-kyi ba tken ikpe, ba chon eske na utenni dkan uketsen. 5 E la tsun nyon ehwe ba ba'emo hin, ela semo ekyo (uya) ma. Swibinya nufun ke we. 6 Itsu betuwa, bapye la we ka idi a we hg'a bondo be ele hwe de ehg'a wa. Nanini e bondo be iyi na byita admyen kibe we, e swibinya nufun ke ikyi echon na uten ni. 7 Bondo atuni e we hwen hin, ele we yiya gankya wa. 8 Te enyon e Jannes de Jambres e kye-atkun de Musa. Aneni ba fge-acika atuni e we kye-atkun de gankya. Mingye atuni kiben we le si wa, ele pyido de gankya wa. 9 Hin e de la so efyen wa. Ikyi nyon ufkan we la butsu se iyii ke azi mingye kyame, te enyon imbe betu'a na. 10 Hin, ba iyi na hwen-hwen ibmam, de vo vo, de ufen ibman de gankya na kiki, de kiben na kye-kye, de echon de na bun iskun. 11 De na tetem, de ekan na jiji, de iyi kyame be e vo dim ke Anta kiya de ikoniya de ke listra. M'bun kiben ke efu ekan ibmam kyame. Hin ke efu iyi betuni klyame, Ukentsen vonmem. 12 Aneni ingye na achon na mbe ungun mmo ki ke atsu wo Ato Yesu la ji ekan. 13 Mingye ba vo iyi na byita de ba hga mingye, ela jise. E la we hga ba'apye. E we de iskun we hin la kpi-kpu. 14 Hin, so efyen de iyi be uhwen de be uki gankya de kiben dunyen na uyiya ingye na uhweniyi ke abyi mo. 15 Uyiya nyon, itan na uhwe imbiskun uyiya afka ba gankya iyi betuni la ku hwe ingye e'hga ke ikyi inyon ungun na vontsu te ke abyi gankya na kiki ke efu Ato Yesu. 16 Ekpan aken Emo esasa tsu abyi Ukentsen, Hwe de nya ke iyi na hwen-hwen, de na kyakya, de atkun na vge-vge, de na sakene ke ikyi iyi ni'isi. 17 Aneni ke ingye Ukentsen abmyen ahwe sisi ke ikyi atsuwo ni'isi.