Uchun 4

1 M'be ki undonni ke eswen Ukentsen de Ato Yesu na ala fken be ehwe de ungun de be efure ehwen, de ke na bobomo de uten uhwe mo. 2 M'be ekpan aken ni fke. Bunte ke hwumo, ke itan na uhwwe de uvon de itan na uvon ale te wa. Vge we atkubn, nuwe, dkuwe aken ke efu udi (kiben na nyishhun) de iyi na hwen-hwen. 3 Aneni itan we bo na mingye e de la pyido de iyi na hwen-hwen na gankya wa. Aneni ela kpu ba hwen iyi na kiben we achon na. E la we che we iyi na atkun we achon na. 4 E la swibinya atkun we ke iyi na hwen-hwen na gankya, ela gare so abyi anukpen na de uvgi. 5 Hin, bun iskun ke iyi kyame. Bun kiben ke ekan na jiji vo atsuwo ingye na fke aken emo, keq u'kyame. 6 M'beq iskun ki te enyon e riben udi na vovo, itan na soso ibmam te abgu. 7 Mvo uzun sisi, mkyame atsuwon m'bume gankya kye-ekpo. 8 E mbe ekah - uhwe na sisi tendey. Ato'ukentsen na ahwe ingye na fken ehwen na gnakya la mbe kim ke uken na. De a'm bikya wa hin de mingye kyame be qe we chon na bobo mo. 9 Dku de ekye kyame ke uho abyin bmya-bmya. 10 Ikyi nyon Dinas tomse. Iyi ne uten ni vgeme kiben mo a so Tassanika, Kariskis so Galatiya, Titus hin so Dalmatiya. 11 E Luka bikya hwe din'u. Gafun Markus ke a be du ikyi nyon ahwe dem uya ke efu atsuwo ni. 12 N'tkun Tikikus so Afisus. 13 Mbele atukpo na bke-bke na mtose ke Taruwasa (Troas) ke abyi Karbus, na bo, de ewe afka, na tkan ane afka na. 14 Iskandari ingye na nde-ufon dalmavo mi iyi na byita sisi. Ukentsen la kpa abgu atsuwomo. Bun iskun de'a ikyi nyon, ali hwe tken aken ke ikyi ekpan a ken imbii sisi. 16 Itan na de isise na m'be peme iskun ingyen dunyen le pyido dim wa, aneni e we kyame kusi ke iskom. N'de con nyon abgu eh'wen iyi betuni a bo ikyi we wa. 17 Aneni Ukentsen Ato hwe dim, A kye me ekpo kiben, ke ikyi nyon ekpan aken na fke-fke a du na so efyen sisi ke abyim, ke mingye kyame ee fken. Aneni mvontsu ke nifyen ato-ihwu. 18 Ukentsen la vomem ke abgu atsuwo ba vo ioyi na byita, A la pemem (fkame) ke ikyi uten uhwe mo na etsu na. Ehwo ni'ihwe te abyi mo na tsuse le te wa. Amin. 19 Kpu Biskilla, de Akila, de idi Onisifurus. 20 Arastus hwe korinti, hin mtose Turufimus ke Militus le si a yi wa. 21 Ndgu ke u bo abyim bmya-bmya inyen unenq anghan. Yubulus we kpu,, ane hin Budis de Linus de Kalafidiya de e we imbayo kyame. 22 Ato Ukentsen ahwe de ivunvu'u. Uya ahwe de.