1 Aneni o imbam, kye-ekpo kiben ke aya na'ate ke efu Ato Yesu ni. 2 Iyi be ufken ke abyim, na bingye hwose epyi'ido dea, mbele ki bingye ba gankya be e la di'a na hwen ba'apyere. 3 Aneni, kye-ekpo kiben ke ekan na jiji tenyen e soja imbe Yesu Kiristi. 4 Ingye le hwemn na vo atu wo soja, a'kena ambe iskunmo we ke ungun na utenni, a la le di'a na vo iyi na ala ske imbididimo e'kiben wa. 5 Te a ne, Akena ingye a we ndgo amu dgo unghan na cheche, ale la ji wa se ala ba undo na embe te na. 6 Ingye ivo na kye-ekpo, ume la te eswen ji abyiswun moo. 7 Tku aken be mnyon a'tuni, Ato Ukentsen la ku na yi'a ke iyi kyame. 8 Kobume de Yesu Ato Ukentsen, ke eswi Dauda, na embe nyitsen ke efuu. Te enyon ekpan aken afke ane. 9 Na m'mbe ji ekan na byita te nyon ingye na vo iyi na byita, embem te-hwe iga, hin ekpan aken Ukentsen le te iya wa. 10 Aneni, m'kye kiben ke iyi kyame ke ikyi be evume we hwe ke e du ungun ke efu Yesu Ato Ukentsen, de ehwo na le bikya wa. 11 Aken ni e gankya, a kina ifure de'a, ila hwe de udi dea. 12 Akina ikye kiben, ila ji uhwe de'a de udi akina ise'a, ume hin la sei. 13 E na ile hwe de gankya wa, ume hwe ingye na gankya ke itan kyame, A'le hga'a iskun mo le wa. 14 Kobume we le de iyi betuni vgewe atkun ke e'swen Ukentsen ekale hwe tken-aken na uya ale te-emo wa. Ikyi nyon ane la jime be ewe fkeni na. 15 N'tku ke ehwe ingye Ukentsen na gankya, na ede la du we de aziki wa. Na ehwe hwen de gankya na uda'are te wa. 16 Vo sisi de be ekpan aken we a we bo de uda, na ale la ki bingye mbe kiben ki Ukentsen wa. 17 Ekpan aken we li tenyon efkkon na efu'aben. Ke efuwe ihwe de Himinayus de Filitus. 18 Itsu-ingye betuni ekpu ke ufen na gankya. E hwe nyon, na nyitsen ke ikyi umgen vontsu. Eki mingye hwose kpu-ikpu ke gankya we. 19 Ane hin, ito iyi na yuse mbe Ukentsen bunte kye-ekpo hwe de ikyido mo: "Ato Ukentsen yi'a be e'hwe imamo," anqeni, ingye na ahwe de eben imbe Ato Ukentsen te kyese na ala koto de iyi na byita. 20 Idi na ahwe de iyi, dey itken ba byuniazi de ba vge kiben bikya wa. Anehin ahwe de itken imbe uti, de ikyiiben. Ba'apye e'ba vo atsuwo ni'isi de'a, ba'apye eba vo atsuwo na byita. 21 Ingye na a sakeme iskun mo ke iyi na byita, ahwe itken atsuwo ni'isi. E vonme'a te itken atsuwo imbe Imbididi, aneni e'kyame'a te ke ikyi atsuwo ni'isi kyame. 22 Bun-iskun ke eske imbe imbiskun bo-uzun, ba iyi ni'isi, gankya na kiki, echon de na nyishun de be we ba Ukentsen de kiben na kyekye. 23 Hin, semo aken uvkan, de ehwen ihwan. Yiya nyon (i bo de akafun). 24 Imba upyi Ukentsen te fun akafun wa. Aneni ali hwe ingye na nyishun de mingye kyame, ingye na ala diya na hwen iyi de ingye na a la diya na hwen iyi de ingye na bun kiben. 25 Te kyese na ahwen mingye be ewe tken aken de'a de kiben na bun-bun (nyishun) ateni Ukentsen la ke we ekye na fkabinya kibe ke e yiya gankya. 26 Ela diya na mbe tku-tku we bo abyi dunyen, ela tose ufen satan na abume we ke atsuwo mo.