Uchun 1

1 Bulus inye atkun Yesu ke ufen mbe ukentsen ke efu Ato Yesu. 2 Bo abyi Timoty echom, shishi, na a'avun de na nyishun ke abyi ukentsen Ato de mbe Yesu Ato. 3 Mhwe kpu ukentsen na mhwe ba'a ke afken e we Atom de kiben ni'ise ke itan na mhwe kobumeq du ke ibgum ke itan kyame (de utsu de uken). 4 Ena m'hwe iku de niye'u, m'mbe kiben te na mki de'u aneni mki mgen de acha. 5 M'kobume de gankya na uhwe de'a na udu ke abyi tiken'u Loyis de ayo Afiniki mki gankya nyon ubume gankya na ke kiben imboo. 6 Na nini e ke ikyi na mhwe kobume'u le nyon u vo atsuwo de udi imbe Ukentsen na udu ke itan na m'mbe abgu zen ule na. Ikyi inyon Ukentse le ki ivunvun imbe afiken wa hin, imbe ekye de echon de na bun iskun'i 8 Aneni, kale vge aziki na mbe akqen Ukentsen fke wa, ko ke ikyi na embem Bulus to efu iga. Aneni kya iskun ke uji ekan ke iyi emo na fke-fke. Ke ekye imbe ukentsen. 9 Ukentsen na avo mii, anyon ido de ido na kyekye. A vo ane de e'keq ikyi atsuwo abgu imbi wa, hin e'ke abyi vovo mo de sisi mo. A'ki iyi betuu nike efu Ato Yesu inyen uten na yuse. 10 Hin dedini, embe aken ungun imbe ukentsen ni so fke che we ke bobo Yesu imbi-di ungun. E yesu Ato bo de na tsuse imbe efun, Ambe ungun na le bikya wa bo ke abyi ekkpan akenmo na fke-fke. 11 Aneni e tenmem hwe ngye na fke aken, ingye atkun de ingye na hwen iyi ke abyi be ele yiya aken Ukentsen wa. 12 E ke efu iyi betu u ni m'hwe ji ekan niu. Hin m'nde vge aziki wa, ke ikyi nyon myi ya, ingye na. Mki gankya ke abyimo mhwe de kiben na mbe te nyon Ala dgen iyi na m'mbe ke'a so itan na bobo mo. Bume iyi na uhwen ke abyim ke abyi gankya na kiki de echon na a te abyi Yesu Kiristiq. 14 Iyi ni-isi na Ukentsen ambe kuu na dge'a sisi ke abyi ivunvun na kye-kye na ahwe efui ni. 15 Yi'a nyon be ehwe efu Asiya na vibinya nufun kim. Ke efu udii ehwe de Fijalas de Harmajanas. 16 Ukentsen a'ki na nyishun ke efu idi Onisifaras. Ikyi nyon itan kyama ali bo abyim, ali yam-nde ale vge aziki ke efu iga na mhwe mo wa. 17 E'na a bo Roma, a li gafun sisi abo a'dum. 18 Ukentsen a ke'a du na nyishun ke abyi mo, ke na bobo Yesu Kiristi. Ke ufen kyame a yam-nde ke uten Afisa, mini yiya kyame.