1 Nhwen mbo befgini, ira ke ene ekefugyi nken mbe bami-idi Yesu. Azwi eni kpe udon azwi mi mbe na eni ra kyunikyun ke eni vo ten Ukachan ikube ma, eni hwe kyun ino, ke ni vo tkan ino. 2 Eni gyi udon na ikene nken mbe Bami-idi Yesu. 3 Ahwen utsu mbe Ukachan, azwihwe kikye mene, eni che to uni usho re, 4 ke nken mene enyenhwe ambe ugho nken mbe efo na kikye, 5 ati hwa re ikube ska ambi skiska{ atan ba gyi Ukachan ra vo ma}. 6 Ti ke enye ugyen ati vozwia re udi mbo etki aken hwen. Ken Bami-idi hwe asi enyen na ra kpara ke enyenhwe ambi ten kata, azwi imi afu to ene udon re na afu yon to re ma. 7 Ukachan tan i mba ite eba ajia, a tan'i so azwi e na kikye mbo. Ahwe ino, 8 ke enyen na ma sembo aken hwen voa enyenhwe a se'a, Ukachan a se, na ra ke Nvun mbo na kikye azwi mene ma. 9 Ambi tke re echon udi, eni ra don yon eghan uchi ba mi kene etji mbo ufia, ken eni gyi Ukachan re tkegyo hwan ene eni chon udi mene. 10 Uzwen igibo, eni vo ino ke kata mbe befgini ba e Makidoniya. I she ra kya ene befgini vo ino a tketke. 11 I mbe tke kya enere mu, eni hwe azwi hwe udi, mbe ikube te azwi aten mene, ke eni vo aten re abgu mene, azwi imi ifu to ene udonma, 12 ke eni hwe azwi hwe isi enigyi mbe eba igyi na tsun'e aken eni ra bun na ekan mbe ambi ugyen. 13 I chon iya yon eni hwe nken mbe ichefu etki, befginimi bra, etki mbe dow re edo,ke eni ti vozwi nna ikube zena eba ta reuzwen mbe azwi era so muma. 14 Nke ima so uzwen Yesu fu a shi kya, hwe nino Ukachan ra kpu eba dow edo ten nghanto ra bo igigye re do. 15 Etki na bure hwen ira shene nken uvun mbe Bami-idi, yonna abi eba te uwun, etn na bobo mbe Bami-idi, ira kai yaiswen mbe eba dow re edo ten. 16 Etki na Bami-idi re tkiegyo ra zi kpo surabo. Ara bo re evun, re uvun mbe Malaika kagyi, era ven mpuu mbe Ukachan, eba fdu nken mbe Krisiti ma gha-gha ra shi. 17 Nenighi abi eba te uwun ba dante ma, re eba shi ten ra dzu igyi mi attan nken umbuu ika dzu Bami-idi etki ugyo. Atan ino ira hwe re Bami-idi. 18 A hwe ino, eni hwe yon gyen udi mene ikube re aken hwen.