IBWOKO 3

1 Aneni, ena ile la diya na vo ka wa ni itkun nyon sina e ki toise ke Athens. 2 Itkun Timotaus, imbayoi de ba ihwe vo atsuwo Ukentsen de udi ke ekpan aken Kirisiti, ke ikiwe ekye de na kyewe ekpo kiben ke gankya we na kiki. 3 Aneni, ke igye dunye akale kpi-ikpu ke ekan na jiji wa. Mini yiya nyon eke ikyi iyini evumen. Egankya itan na ihwe de mini, iche mini ke' eswen nyon itan we bo na ila jiekan. Aneni, vo aneke mini eyiya. 4 Uzwen, ufon na ireene hwe ma, ishene fkanzi ambi ra vo yonna iyan re na ira vo ekan, ambi vo tan eni gyi ma. 5 Etki ino, azwi nkya zwen a ka ma ikube ma, ntkun ichun ke ngyi azwi eni senhwe-hwe nken uzwen. A voa isi enyen egha hwen bo egha kpurene, k aten mi ji re abin. 6 Azwi Timotawus bo ma aki a she isi etki me uzwen re echon mene. A shi aken eni kora bun redi, eni ra don na eni ki de'i azwi abi ben ira don na ikia de ene ma. 7 Etki na ibure hwen, befgini, idzu ikube dow iki azwi ekan re ikube zwi-zwi mi etki uzwen mene. 8 Azwi hwahen i hwe re ugyon, nke eni ma sente re kiefugyi nken mbe Bami-idi. 9 I hun abgu ke Ukachan vo na eti modide'a etki mene, etki ikube tenten na i hwe re do ikiswen mbe Ukatsan etki mene? 10 Kpu-ukin kye aswi ira foufo kagyi ine ki ide eninhyi mene ke na ira ke ene ambi na e don ni azwi uzwen mene. 11 Ke Attah Ukachan mi re tkiegyo, re Bamiidi mi Yesu, a tsun ufu'u na so azwi mene. 12 Ke Bamiidi a ke ene eni tketke nken mbe echo udi mene, re enyenhwe kata, azwi abi ben ihwe re do so azwi mene ma. 13 Ka ake ene ekefugyi nken ikube mene, ke ati hwa re edan nken ena kikye mbe Attah Ukachan, fkan ten na bobo mbe bami-idi Yesu re kata mbe ba kikye mbo.