1 Ambi tke re ufon re eten, befgini, eni hwe nna re ichefu etki mbe na enyen ugyen ra ba ake ene'a. 2 Abine eni gyi yon ukin na bobo mbe Bami-idi ra bo zena uzwi uchuchu ma. 3 Kena e ma ra yon aken mbe "azwi gyen re azwihwe isi," era de ma ambi sigyo ra bo etki mbe. Ara hwe re zena isan ti bun e buro efude ma. Enyen na fki na che tabiuzi hwa. 4 Ahwe ino abene befgini, ene hwe nna nken ichefu'a ke ukin hwen bi a dzu ne zena uzwi'a. 5 Ken kata mene e ni te ibumba ugha re unkin. Ivo ya ibumba uchu re ichefu'a. 6 Ino hwen I ti dow iya edow zena ebab chuto. Nino se, i gho eningyi mi ake i hwe uwun. 7 ken ba ra dow ma ra dow uchuchu, eba ra swen ezwen ma se ra swen uchchu. 8 Etkina i hwe nken mbe unkinma, ahwe kin na ira hwe uwun ake imbe uzwen re echon ra se igyi ze ikpo eka, re uzwen etki fkazizi na rabo hwen nken ikube mi ze ambibwe etki. 9 Ken Ukachan hwokpuiba na etki uwuon mbo, etki na ki dzu na fkazizi nke Bami-idi mi Yesu krisiti. 10 Ibu a hwesi enyen na fu-efu etki mi, kena ima fufu a'u ima hwe uwuon ira he igigye. 11 Hwe ino eni yon ke ikube mene a do iki, azwi eni vora bo ma. 12 Ira she ene, befginin, ene de eba ra vo ekan nken mene ehwe ikiswen mene nken mbe Bami-idi, re ba yon aken mbo ra ke ene ma re iche etki etki. 13 I ngha uchi ra she ene yonna eni ke efo nken mbe echon etki mbe aten mbe. Ni hwe azwi hwe udi nken mene. 14 I ra tke ene re aken na ra ke ene kfugyi, Ni to enyen na rake etki udon, enyen usku'u eni vogyi a re, ni zwen ikube re enyenhwe kata. 15 I ti kpi-ino ke enyen ugyen akpa ambi izwi re ambi izwi'a. Ahwe ino, ene te bun ambi na si ake udi mbu re eba chuto kata. 16 Eni ten utsu reukin-ukin ine. 17 ke eni foufo ati ndge'a-ndge-ndge'a. 18 Nken mbe ambi kata eni hum abgu. Ken a hwen utsu mbe Emo nken mbe Krisiti Yesu etki mene. 19 Ni ti fedenna ufi mbe Nvun'a. 20 Ni ti senna aken ufon na ikiswen. 21 Eni mo'de ambi kata, eni tebun mbe ambi na sisi. 22 Eni se kata mbe ambi sigyo 23 Ke na gyenshun mbe Emo ake ene ni hwe eba kikye. Ke Nuvun mene, re ichu etki mene, re igyi mene kata, e dgen kpue eti hwa re edan'a fkan azwi ena bobo mbe bamiidi Yesu Krisiti. 24 Enyen tan'u ma hwe re ikube sisi, a hwe enyen ra vo a kene. 25 Befgini, eni foufo etki mi. 26 Eni be kata mbe befgini re ikube ugyen. 27 Nna bgu ene re eben mbe Bamiidi yonna ufka eni kpen ke kata mbe e befgini mi. 28 Ambi sisi mbe Bami-idi mi Yesu Krisiti re ene hwe.