Uchun 8

1 Edinewen etki ambi jiji nna eme kpa iki redo. Igi nyon abi kata igyi-ambi ambi-gyigyi ra ke egyi dnedne, echo ra ke'i ke atko atan. 2 Eyen na ra de whe zi'na ibu agyi ambi, atta gyia azwi aki gyi ma. 3 Eyen ma chon Emo, ibuse ara agyi'a. 4 Awhe ino ma, etki nyon iki vo'a ambi ugyen efunten ate, vonzi uchechan ugyen mba. 5 A whe'a chuchu, ite re ukenchan ba chika, azwi akpo re azwi ikiwhe (itere ukenchan ba chika re imbi-id ba chika). 6 Azwimi iwhere ukechan ugyen mba, atta na azwi mo ambi kata ra te, re imbi-idi ugye Yesu Krisiti, azwimo ambi chito ziabo, itki aabi iteminde. 7 A whe ino ma, ambiwen vo'a itke eyenuwhe gyi ino, ukpi eba ugyen funra kpa iki era ji ambi-iji ba eme kpa fun. Iken ikibe fun vozwire efu me ena awhe ambi gyen egyin. 8 Ambi jiji vo ambina me i'ra so azwi emo, ke ima ji, ivo'a eba sigyo tkanma, ke ima seami ira te'a eba kye tkan ma. 9 Whe idno wen iti ke ufu na idju when ke eyenba gyengyen te iken uzwen ma ekpu. 10 Ke uwhe ra ji ke eyen degyi'u ikpi emo, de uwhe ra ji ambi-ji iki, ke eyen immi uzwen mo who chika ine, ibuse a soka aji. 11 Azwi na udegire ambi tkere iki, eyen na whe'are eke na Yesu Krisiti fu etkimo ma, ukea ajiabin. 12 Ke uma ke udimu na wheare eke-afu-egyi kpu, udanre edan azwi me Krisiti. 13 A whe ino ma ke imbi jiji vwe ke udimi ra kpu nna ji'ma ambi nafun ke invo ke udimi akpu.