Uchun 9

1 Ekpu to mmuna? Nkpu vo ma ebachen? nfun kpu dema Yesu imbi-idimi'a? Ne te nn atenmi azwi imbi-idimi? 2 Ke nvoma ebachen me Yesu azwi baufi azwi ine nwhe ena mine. ni te eken na tsun nyon nwhe abache me imbi-idi. 3 a wen ifi na nme ke ebara ka aken itkimi ma: 4 I whe ka'a re eke na iria ji-ambi re ambi-ivo? 5 I whe ka'a re eke na mbe nanimi aghan ughomi zi ena ebachen me Yesu ba ufi, re be-uvgini azwi imbi-idi, re kefas vo ma? 6 Ko ame re Barnabas eba te'are ufu ne ira voaten. 7 Eyen whera ke egyo ekan ziena a whe soza ma aban? Eyenna tko ite'ombi na ara ji avanmbo ma aban? Ko eyenna swu ambi-uswu ara vo inno'ame mo ma aban? 8 Nna nyon aken ten re eke me eyenuwhe? Eto udon whe'a itki aken wen? 9 Musa fun to udon nyo a "Ni ti te mine unu uyon etenna are voaten azwi ambi-iji te efun." Uyon m'ba ambina dgo ukechan ma? 10 Ara nyon'a aken ten itkimi'a? A nyon itkimi, efu me na eyen na re vo ivo, avo sisi ne. Eyenna ra bwen ambi ara bwen re ikibe ugyen ken ara ji'ambi efun. 11 Ke abi itko ambi nvun azuaimine, awhe edan na abi ikpe itken azwi mine? 12 Ke eyen ba-ugyen ra fkan eska azwi mine, abi iki fkan itkan iya ba'imi? Abi kpe me'a efo nawen. Inno ivo ekan itki egyi aken ena iti whadento nne aken me Krisiti. 13 Ni gyi n'na aken eyen ra voaten kikye ra ji ambi-iji ikpiemu ma? Ni gyi n'na aken eyen ra voaten ikiswen me Emo ra ji azwi ambina zi efun zi aboma? 14 Ufu namii wen, Emo gye eke nyo akenmo, ra ji-ambi-iji azwi akenmo. 15 Ame nkpe kpu aken ten whema inno. Avo'a ena nna ba ma ke ni vo'ambi ken. Asi tkan na nfu, re ena eyen ugyen a wadento ame nyon nti dne ma egyi. 16 Ke nma ra nyon aken me Emo, nwema re ambina ken nna dne-egyi, awhere na n'na vo inno. Ishi-shi mi ke n'nyon ma aken me Emo. 17 Ke mma ravo re ikibeq ugyen nwhe re abgu ewhan. Ke ama voma inno se, ntere eba nna whan'e ambi. 18 Abgu ewhanmi ekon? na ame nyon aken me Emo ke ine, nkpema ma ambi azwi mine, nkpu djuma eke-afu-egyi na whe azwi aken fun. 19 Ame nto egyimi ke ambi ufi kata, nwhe uswi me aban-aban, ke ngha ji eyen ifkine. 20 Azwime Yahudawa bura, nwhe zi ena yakudawa ma, ke nyon ji kpu'e yakudawa. Eba te ichi udonma, ame nwhezi ena ugyen iken me ma ken nyon ji kpue eba te ichi udon. Nwhema inno, nvome egyimi whezi ena whe ichi udon. 21 Eba te igyi me udon, nme itki egyimi whezi ena nka whe ma azwi udon, vo'a ena nka whe ma azwi udon me Emo ama nwhe azwi udon me Krisiti. Nvo inno ke ngha ji kpu eba ka ta azwi udon fun. 22 Eba te'are eke-afu-egyi'a, amese whezi na abeq ma, ke nji kpu eba te'are eke-afu-egyima. Nghan ambiten ma kata so azwi eyenuvohe, ke nvo fkazi eba ugyen. 23 Nna vo ambiten ma kata itki me aken me Emo, ke ame ndju ambi sisi ba tefun ma. 24 Ugyiwa aken ugyen chiche aba-aban ra che, eyen ugyen m'ba ra kpeme idjon mu asi. A whe inno ma abu utkan ke ukpe me idjon fun asi. 25 Eyen na ra che ugyen terabun etki egyo, era vo inno ke ekpe idjon na ra jiabin, abi ra tkan ke idju idjo na whe'a chuchu. 26 Awhe innowen ni de azwi ame nna chema, vo'o ena nche ra jiabin, eghami nna vo ma vo'a zi ena nna che itki uggyo'a. 27 Nse bun me egyin whe zi ena m'ba uswi, ufume ena nyon aken me ukenchan kereq eba-ufi, ame ebo dgan to'n.