1 Ndinewen itki me ambina ni ba kyen ma, "Asigyoa na e ibi-idjun ati cho eba-indo." Etkime imode me ambisigyo bara kyun ma, ibi-djun ugyen a me eba-indo ugyen, ebaindo ugyen se ame ibi-idju ugyen. 3 Ena-idjun avoatenmo awhere ugo do, ughose avore ino re udjon. 4 Vo'a na ugho ra where eke-afu-egyi itki me uegyimo, udjon ra wheasi. Ufu na imiqwen, udjon wheare eke-afu-egyi egyimo se ugho. 5 Niti whadena egyimine azuni-edo se ena ni nyon sire re egyi mune, ke etki akenfun. Ni voino ke ni where ufonna ni foufo. Akpumore ni bokya iggye, ke shentan ati dju uwu na abo mode-nne itki me na eni tebun nna egyimine'a ma. 6 aken nawen temo echonmine vo'a ena awhe itsosi-ewha. 7 Nna chonna eba danma eki te zi ame. Abi tere ikye-ikyo ine azwi Ukanchan moima. Eyen na ngyen where abgu atemo, ena ngyen when where enambo. 8 Abine eba ta gyi'a ibi-idjun re be-gho efen, aki si na niki te ichincho mine, zi ena ame nwhenma. 9 . Ke ede ke'etebun aka itki egye, eso ka ban udjonban. Asi tkan na eban udjunban re ena embe ikibe zewhe efun. 10 Edinewen abineh eba ban re udjon banma, nna to nne udon wen, vo'a ame - imbi-iidi, ugho ra ko kpua re udjon. 11 (Ke ama ko kpu re re udjon, a kya ban udjun ban, se a ka nyon kya kpu re udjon), re ino udjon ati ko kpua re ugho. 12 Abine eba dan ma, ame - ame vo'a imbi-idi - ke uvgini na where ugho na ta so uzwen, ka ara don na arawhe, ati kokpu re edo. 13 Ke nanimi na me udjon na ta so uzwen, ke ara donna ara whe, ati kokpu'a re edo. 14 Udjon na ta kpe'e mo esa mba whefen itki me ngho, where ino ugho na ta so uzwen e samba whe ename udjon ka ma voino imba mine ra te imba asha. Ino efun sakpue ban fenre. 15 Ke eyenna so'a uzwen ara don na aka so, uto'are ka aso, ufu na niniwen, uvgini ko nani nanmi wen eteme whe'a itki eke me egyime. Ukechan tan', ke ibo te gyengyen re egyi. 16 Ugyigyi ine, abu baindo, baseh uwhe eyen fkazi udjunmu? ko ugyigyi ine, abu baidjon, baseh uwhe' eyen ta fkazi ughomu? 17 A hwere innowen, azwi imbi-idi ke itki eyen azwimoma, ke itki eyen avo aten na emo tanfun ma. Awen akkenmi na nna nyon ikpi emo na nsofun. 18 Eyenna fun kere uzwi ine nigi aki so uzwen, ati me egyimmo ka so zi ena ata ke uzwima. Eyenna fun ta ke'a uzwi ine nigi aki so uzwen, ati me egyimo kaso zi en a kere uzwi. 19 Vo'a ena uke uzwi ko ukewa uzwi ambina ra dgo'i ma. Ambina dgo'i ma iche udon me ukechan. 20 Aban-aban a senwhe azwi ambina Emo tan ino mu ufonna afun so uzwen ma. 21 ufun qwhe usovi etenna emo tan iro ma? Ti gye wa utsu fun ke ema fkuntorunre ke ukpeme awhe'uure itke. 22 Eyenna imbi-idi ra tan nyo'a awhe uswi, a whe eyenna zire uji. Ufu namiwen, eyen fun whe'a iken uji, ke ema tan ke a so uzwen a kare uji me Krisiti. 23 Efun kpen'u re asho, ino we nti kawa uswi me eyenwhe. 24 Ebe-uvgini burra, azwina ufun whe ke udju inottan when ma, ni senwhe re emo igye. 25 Edinewen itki me eba gyi'a baidjuma, nwhema re udon nazi azwi Emo. Nchona nko'a gire zi eyenna ni kpere inomo re nigyi ishi me emo. 26 A where-ino, nna tku nyon etki me ibwe akpo na ra boma, a ki asi ena aban-aba ki senwhe azwi asenwhemu ma sisine. 27 Ke ema temeru re ugho mu? Ena kuko kya whe'a ke ema fkun tore re ughomu, ukya don wa ugho na ugyen. 28 Ke uma so ka ban udjonban, vo'a edn, ke Imba-edoona ta do fkan'a re baidjun so ka ba udjunban a dan edan'a Eba vo edere ma dju itki ewhomu ifkine, era don'a na abine se ni dju. 29 Aken nna nyon, baidimi bura, ufon kya fki'a. Chowen so, eba te ughoma eteziena etearedo. 30 Eba ra chen-egyen, ekya egha zina era chen'a-egyen, eba ra ten utsu, ewhe i ena eraten'a utsu, eba ra kpen ambi ewhezi ena ewhe'a re ambi. 31 Eba ra voaten re azwi efu'uten, eti me wheazi ena evo zwere aten redo. Efume ena efuuten wen ra zwere. 32 Nchoma na eniwhe ta-eken. Eyenna ta ban-udjonban ame ikibe mo ra ke ukechan, re ambina avo'asi ukenchan. 33 Eyen banre udjonban ikibe mo zenwhe azwi ambi efuuten ate re na voasi ugho, akko kpu egyo ate. Eba indo na ta ban udjun ban re eyen gyi'a ibi-djun, ikibemo zenra whe azwi ame imbi-id, azwi ena sakye me egyimo kikye iken nvun. Ibu ugho eyen, ikibemo zenra whe azwi ambi efuuten ate re ena a voasi udjon. 35 Ambi wen nna nyon enasisi mine, voa na nna donna nse bwun kpuuenne. Nna nyon akenna he itki ufu, ke ni me egyi mine ke imbi-idi ke ambi ugyen ti vwe mezi ikibe mine. 36 Ke eyen gi ke atte bun'a ka etki egyo, ke egyi mo vonsire na ara ban udjunban, a where ena ara vo, avoambina a chonre ara vo'a edan. Eban udjunbai. 37 Ke ade asen whe aka mo sisine iiken ikibe, vo'a ena eseni'a a tebun'a kambo egyi mo nne ate bun kambo ikibe mo eto are awhe. 38 Eyenna tebun me etki egyo na ara me kyya etki egyo ara voatan siatkan eba ufi. 39 Ibi-edoo etetora re udjon uufonna udjon where ugyon. ke udjon ma fure a chon aka me ibi-idjun na ufi iken mbe Imbi-idi. 40 Ame nna tan ewhan nyon'a iki siatkan na aki whe azwi whe etki egyo aki ten-ikibe atkan. Nna tku nyon ame se nwhere nvun me ukenchan.