¹ Aba jok ngho idinjor fenghe ba ga ibogor je, batuntolor beh ituneh. ² Igara nti sabbath ireror, aba kpele ngor itaba ndor, ane feb iyogeh ifenghe tan bor ikor , mbor ba bong "nganor akolor nkpele nya? ba nkped ulongho ngha nyi mbor ber ka, ba ataikor nya ameh lame ne abor ye? ³ Ngha nkomo ataba shangha, mon Mary ne ngbanyen James ne Joses ne Judas ne Simon? are ngbanyen nyor nekal shang reror ngho nenere? item iba shab bor ne Jesu. ⁴ Jesu ba bong nebor nyene amerr yom jol ber akpem nkaga shenghe ngorr ibogor je, ngor igom ba ngbayen, ne ane ba ngor itekje. ⁵ Amam laim igboro ifangha ntendegedege, shenghen akono abor ngor igom ane teke ba iyolor yam, lame bor, mbor nop. ⁶ Ikor iba tane na mbor kayolor tama, ngha ba jen sheber ngho mon ibogor yor kpele. ⁷ Ngha, aba igol ne, aneber abal, ishi ibal. ishi-ibal afenghe ba kobor ikor shenghe asha-shap afu waa. ⁸ Fenghe tak mbor mber mbor ti tap ijom-jom ngho ijen bor ntor, shenghem itete, itijol nshage, ibam afe ne ayerr ngor agbanu bor. ⁹ Won ba kaga abodo akpada kawon kak ishimi-ibal ¹⁰ Aba bong nebor, igara nti won yelor ngor itek jol wun tete wun tum idi jol shaga. ¹¹ Njolor ibogor njendegedege ika kolor won afe rangha wun atong igara nti wun tumor idi njor shaga, kom kom ibubu lada ngho akpada yene na tenshe ka bor. ¹² Mbor ba jol, yor ji toro alom, ber ane iyanyha mbene. ¹³ Mbor ba kam ulem yege fenghe, dok ane feb akor uyam fenghe laim bor, bor nop. ¹⁴ Ntol Herod yok ntigha, tep ne mbeng Jesu, mbor ba nyie waa, mbandege iyol bongho ber, John nworo alep mbor ber nyemer ngor iku, fefene noyor iwedor ka abaga utanikor, ireror ngor ikor nene. ¹⁵ Mbandege ibabaong mbe Elijah yor, ngha, mbandege ikpe bong mbeh nyeneh amerr yor, na nyene amerr nyondege ngor igara nti imene. ¹⁶ Ngho igara nti Herod yogor nta, aba bong, John ji mernyole mbor ber yemer. ¹⁷ Herod ba tom ber mbor bob John gbaye ji kak ngor ngbagobor nor gor atoro gara Herodias (Ngbayen nkal philip) tep nean abe kor. ¹⁸ Tep ne John taga Herod,mbeh ilagem nogor atap nkal ngbayi kor. ¹⁹ Yor item ibalobayam Herodias, afenghe sheb nogor ayole amameh yole. ²⁰ Herod yol bele John tep ayele mber ayemededede fenghe jol wele-weleh fenghe abomer nbor nogor. Na ayolor rangha atong, iba lemer akpen jol iji ber ngha ategeh yogeh ne uyebitem . ²¹ ngha ategeh ufonfo mba, igara ti Herod fonor iyaga ufonfo mbi mbor bele, aba laim ijom lili ka ashoja ye ne anepkol ishoja ne atobishi nghoGalilee. ²² Mon nekal Herodias fonor ben-aben ka bor, iba yeberHerod item ne ajenneh nya ibalor ngho ikak fonor,. Beb mer ijom njendegedege nji amer sheb mer nyaba kagah. ²³ Aba tere bong mbeh, ijomgededege abebor mer nya ba kaga jol ijarr ite utol jama. ²⁴ Aba jok ji bong ka nyen, " ba jom mer nyeber bebe gum? aba bong , ishi John nwuro alep. ²⁵ Idulidulor aba fenghe frefere toum ngor idi ntol, ba beb bong, nkpe shebeh aka meh ngha ntega-ntega mkpashi John nwuro alep ngor ikpakpala ijarr te." ³⁰ Ba tuntulor ber ngor idi njereng nejesu. ba tage wa nya mbor ber lame fenghe kpele. ³¹ Ngha ba bong nebor tum ba wun bafonor nga iti irero bem nogor wun ba rege ashe teke. ³² tep nenan feb, iyol-bala yor fenghe fefene jol igara mbor fornem yor li ijom lili fefene mbor ba tum ngor ugbong tomidi mbor ber kpo atek shga mbor ba fonor. ³³ Mbor ba nye mbor ngor ikpen feb irenghe bor, fefene mbor ba tobuji idi njereng ngor akpada ngor abogor waa, mbor gbor mbarr re kabor. ³⁴ Igaranti mbor rerogor nkpa aya, aba nyen igboro igom aneh mba afonor uyenimok kabor, tep ne nan mbor jolor na ujoro bi ka kpelor ngomgomo, tep neh nor aba kpeb bor abaga feb nkpele. ³⁵ Igaranti igara iber mal, ba tontulor ber iyor ba tober ba bong, ngha ikankang ifu ji nga igara imal. ³⁶ Tum mbor, mbor shong iyor nji mbor mal ba jege ngor abogor nya reror ikpedikped neh ngor abon abogor nogor mbor ji gono ijom lili mbor ba fonor. ³⁷ Aba fangha ba bong nebor, wor ka won bor ijom lili, bor ba bong nene, umal ba shongho ji gono ne ikobo atel-igol nshege ba kobor, nogor mbor li? ³⁸ Aba bong nebor, ikpongho ibek won kpelor? shong won ji nyen igara nti mbor shebor kun mbor bong ikpongho iron ne akobor abal. ³⁹ Aba ka ikor ber ane wa ibemor ngor ndege ngor aju-aju ngho mbele. ⁴⁰ Mbor bemer ngor ajuju-ajuju kpeb ngor atel aron ne atel abal ne igol. ⁴¹ Aba ta ikpongho bengho iron ne akobor abal, aba bre ngor iborr, ba yege iya ba bund nshege fenghe neyi ka ba tuntulor ber, nor mbor bom ka ane fefene akpe ba bag akobor nyangho abal ka bor waa. ⁴² Mbor wa ili tete mbor yoror. ⁴³ Mbor ba kpo arrurogor nshege ntetere ngol neh ibal ror kerr, neh arugu akobor fefene. ⁴⁴ Mbor jolor anep lom atetel nkpe iron na ilelor nshege. ⁴⁵ Iduledulor alame ba tuntolor ber iyel ngor ugbang nogor mbor gbor mbarr kae shongor igbugor njogor tom ngor Bethsaida, na atomo igom ane yum. ⁴⁶ Igaranti mbor ber tum, aba tum ngor iborr igol ji jom ndor. ⁴⁷ Ikurr iba gbor, ngha ugbang ijolor ngor nnom alep, fefene ajolor neteng ngor ndege. ⁴⁸ Aba yen mber abor ikpe yege amul yor ji irap kpon ikongho, tep neh ifefe iyol ksle bor ilam, ngor igara nkarenka ini ngor netu, ayor ba top bor, yor jen ngor iborr alep, yor shep nogor asheng ngor idi bor. ⁴⁹ Igara nti mbor yene amer jen ngor iborr alep mbor ba rtobor ber ufu bi ba rerjok. ⁵⁰ Tep neh nan mbor nyeneh fenghe fon ubol, iduledulor aba bong nebor, na ka bor, fon wun atunor, mer yor! Ka wun kpe ber ubol. ⁵¹ Aba yel ngor ugbang nebor, ngha ifefe iba yaga abor ngor nleme, mbor wa ikor iba tan bor. ⁵² Tep mbor kakun ijom nji nshege jogor, ngha ntem bor ye ifengho tunor. ⁵³ Igaranti mbor ber kem komo, mbor yor ba ga ndege ngor Gennnesaret ba laga ugbang. ⁵⁴ Igaranti mbor jogor ngho ugang, ane bangho ibe renghe idulidulor. ⁵⁵ Mbor ba tobo sheber ngor ibogor njor waa,ji gbeb anep uyam kukor ba ngor akpa bor jigor idendegedege mbor yogor areror. ⁵⁶ Igara ntendegedege ayelor ngor aborn abogor afe ngor agboro abogor afe ngor nfam gborogodo, mbor ba bomo anep uyam ngor idi are; mbor gore nogor ayaga bor abor mbor , mbor lop laga abor ngor ngok iworo ye, na mbor roro ji re mba ilagor wa innop.