1 Mbor ba ngor igbongho aya njigor ngor ibogor Gerasenes. 2 Igara nti Jesu jogor shaga ugbang, idulidulor mbor yor ba tober, yor jok ngor alem, nenom uyor fonor ishashap ufu. 3 Nenom fonor yor nene ngor adi ulum. Neneh yorm maeh feleh fenghe njim, jol ngbagobor. 4 Ngor igara feb mbor ber gba ne agbagobor, akem akongho nya ne agbagobor bom ugbangha fele rad. Neneh fornem atunor nya amal yebe yebe fele nara. 5 Fele atu ne njol ngor ulem ne ngor ngol, ayorrer jok fenghe yor bom iji ber ne akokurr atal. 6 Igara nti ayenor Jesu ngor idi fer, aba tobo ji tor ber guishi kaeh. 7 Aba rer jok ne ilom gboh ba jom, mer kpelor nena Jesus, mon Ishor ji fullor shang waa? mer ba goro ngr mbeng Ishor fonor, mer ne atimer shumotugor. 8 Tep ne nan ayor bong nene, jok shaga nenom nya, wor ishashap ufu. 9 Abeber, mbor koga nan? Aba fanghe mbeng yama nyen ne Legion, te wor kpi roro. 10 Aba goro fefene mber ati bor kam jok shaga ibogor fonor. 11 Ngha igboro ijom akomba ijolor ngho igol yor lili. 12 Fefene mbor ba gore ba bong, tom wurr kak ngho akogbor, nogor uyel ngho ateng bor. 13 Ngha aba yaga bor abor, ashashap afu iba jok fenghe ji yel ngor akogbor, mbor ba tobo sheng ngor ikpokpok igol sheng ji yel gor aya. Re akogbor atetel nkpel-iron waa ji tan ngor aya. 14 Ngha mbor mba iyorlor gom akobgbor ba tobo tum yor ji toror ijom nji iberjol ngor ateng ibogor ne ngor akpa-kpa ibogor noyor ane ijogor tum yor ji yen nti na iber jol. 15 Ngha mbor ba ngor idi Jesu, mbor yen nenom yor ulem ijolor ka ilam, wer nji Legion imer ibebob abemor ngho, kak abodo fenghe jol iji-ber mbor fenghe fun ubol. 16 Nbor ba iber nyen nti ijolor ne nenom nyor ulem ishumetogor, mbor ba toro kabor tretre, fefene mbor kpe bor tak gara akobgbor. 17 Mbor yege itulor yor gore nogor atum iyaga bor shaga. 18 Igara nti ayolor yel ngor ugbang, nenom nyor ulem yolor shometogor ba goro ber wer ba jolor neneh. 19 Ngha Jesu kalem wer iyaga njor, afenghe bong neneh, shongor itek ja, fefene ngor idi anebanogor aji tak bor nti na ntol be lame ka ne nah abe tep uyenimok." 20 Aba tum yor ji toro ngor Decapolis, agboro abaga nya Jesu ber lame kae, fefene fel ne ikor itane. 21 Ngha igara nti Jesu ber kper ta igbongho tum ngor ubangha mbogor ngor ugbang, igboro igom ane iba shere kak, na ajolor ngor nkpa aya. 22 Ngha nenom wereng wer bagor jol ntobishi ngor itaba-ndor wer nyenor ne Jairus, ba, fefeme igara nti ayene agbor kumor arung, monama, nyor nenkal we nshe reng kulor iku ikpedikped. 23 Mba goror ba, aba kone ubor ba ngho ishi iyor nji amal ba nobor fenghe yemeh. 24 Ngha aba tum nene, fefene igboro igom ane itorner, yor shem atem reng kuler. 25 Ngha nekal jolor ngho wer yolor tup alone, ngor igol ne nda-ibal. 26 Aber yen akanya ngor ubob ba lame ayam feb, fefor aber tama ijom njendegfedege nji akplor, ngho ukokobulop bi aba nobor ifenghe yor shap lele. 27 Igara nti aber yok gom Jesu, aba yor ba nga njem ye ngor igom ane ba lage ubor ngor aworo ye. 28 Ngho aba bong, jol mer laga abor ngor iworo je mba nobor. 29 Igara nti alage, utubu along fonor iba mal , fefene aba renghe ngho ngobji yer, ber wer ber nop ngor ayam yer. 30 Jesu idulidulor ba renghe ber ikor iber jok ngho ngobji, aba sheber bree igom ane fenghe beb, nyor nor be me laga abor nga awuro? 31 Ba tuntulor ba bong nene, akpe nyene igom ane nji imer nyede yor sheba kak ngha, akpe kpi bongho wor mber nyonor be mer laga abor? 32 Jesu bree shebe kak nyen neyor ber lame ijom jor. 33 Nenkal fonor, ber nyi nti iber jol nene ubol ne nenghe, ayor ba gbor nonghe ngho, fenghe tage, item baga je waa. 34 Aba bong nene, monenkal ntama ya balame abor nop, shong ngor terre, nogor afon nobor ngor ayam ya. 35 Igaranti ayolor bong anep mbandege iba yor ba ngor idi atobishi nya ngor itabe ndor ba bong mona ber kpor, nan iwedor amer kper ka nkpekpele ilam? 36 Igaranti, Jesu , yogor mor mer kem ikekala fonor, aba bong ne ntobishi itaba-ndor, kafon ubol, tete tama. 37 Akalem nendegedege ikor ber atoner shegm Peter,James ne John ngbayen James. 38 Mbor yor ba ngor itaba ntobishi itaba-ndor fefene aba yen ngho ane mer lame iyok, mbor yor tab abibi fengheyor rer kpooo. 39 Igaranti ayelor ngor itaba aba bong nebor "Nan iwedor wun mer rerr? mon nya ka kpor akpi lala. 40 Mbor ba yoler, aba yege bor wa jok ngor idigbol fenghe ba tap nde mbor ne nyen, ne mbor ba ijolor nene, aba sheng yel ngor idi mon nongho. 41 Atap ubob mon, ba bong nene, "talitha koum!" mer mber bong nena tum yeme. 42 Ngho idulidulor mon tum yeme fenghe jen (ngor ajolor igol-ne nda-ibal). Ngho idulidulor mbor ba ror ne utenikor. 43 Aba nyam mbor na kang fenghe ka ikor mber nene ti-yi gom nta. Ngho aba tk bor ber mbor ka ijom nogor ali