¹ Aneb Pharisees neh mbandege gor Scribes mba iruror ngo Jerusalem mbor ba yemeh shiberkag. ² Mbor yen ba tontulor mbandege imeli nshege neh abor nya mbor felor rungho. ³ Pharisees ne aneb Jews iyotogor roh abor kum li, tep mbor yor gbe mbeneh anebkol. ⁴ Aneb Pharisees iyefenghe ngor idi arreh, mbor yor togor roh abor kumli, fenghe fele abodo feb na agbangala, akpanghiyor, akpenghe fele abodo feb na agbangala, akpanghiyor, akpenghe ne agomlili. ⁵ Aphrisees neh aneb scribes ibib Jesu, nan iwedor batontulor ba itior tonor nbene anebkol, mbor jom togor roh abor kum li nshege. ⁶ Abatag bor mbe, Isaiah yene amerr kpekpe gum wun aneb udangha, ane bangha iyokok me ngor alui-mbo,ntem bor irefer shagame. ⁷ Mbor yom tekme kpekpe, mbor yor fenghe tonor na mbeneh ane ibongho. ⁸ Aten mbeneh ishor fenghe tonor ibene ane. ⁹ Abangha bong nebor, nan ilago nogor wun ten mbeneh Ishor fenghe bom ibene tineh. ¹⁰ Mosesbongho nor, kag nshua ne nyua, nenyor bongho ibebe nde afi nyen tegeba kpogor. ¹¹ Ngha wor afenghe ba bong, wombe nenyor ye bong neba ndeh ukagubor mbi njolaba kaga ilaganka Ishor. ¹² Ijonor, iyaga ikpemre nji mbaleme ijom ka nde ne nyen. ¹³ Ibene tineh ibufele alom Ishor tan. ¹⁴ bakok igum bong nebor, rangha wun ne atongwun waa nogor wunyi. ¹⁵ Nti iruror idigbol iyom rungha, nti iruror ngho ateng ti iyor rungha. ¹⁶ nenyor kpelor atong yok. ¹⁷ Nji Jesu bebatom igomane shaga yelgor itaba, batotulor ibiber gum igan fonor. ¹⁸ Wor akabangha nyene, ijomga itigila iyelor ijom rugnher? Tepnenan ijominima yelgor item iyor yel gor sheng yel ikoro-abeng. ¹⁹ Noyor iwedor Jesu lemor agomlili waa iwile. ²⁰ Mbe nti ijogor ngho idi nne ti ijor runghe. ²¹ Ngho item nne yor is hashashab ntobor na uju, unonghone atem ayele-ayele, uyolatem iyor jok gor item nne. ²² Ibebag nden, utara abodo aneh, ushabtem, unimane, ishab-shab ntobor, abebe amirr, urungho ne, ufugiji, ngbogor. ²³ Abaga ngha waa iyor jok gor idi, fenghe feleneh rugho. ²⁴ Abatom ngor ibugor Tyre ne Sidon, aba yel gor itaba, shebe ane iti nyi idi areror ategim na shele. ²⁵ Tembaga, na nenkal nyor mone fonor ishashab ufu, yogo gum, aba gbor nonghe ngor akpada. ²⁶ Ngha nenkal Greek, nne ibugor Syrophoenician ,aba gore nogor ayege ishashab ufu shaga moneh nyor nenkal. ²⁷ Aba fanghe mbe, abonche itogoli.Ilagim atab ijomlili abonche ka uboor. ²⁸ Aba fangha, ay ntol, uboor imalba lige nya ibe forogbor ngor ala ikpokoro. ²⁹ Aba fanghe mbe, amalba shungho, nim bujok shaga ngobji mona. ³⁰ Afenghe tum ngor itek ji yen mon be nogho gor ijomnong, nim fer. ³¹ Ngha, akpebajok shaga ibugor Tyre, shengor Sidon lomo gor aya Galilee lomogor ibugor Decapolis. ³² Mbor kor nlagatong nyi cayoma bong ba, fenghe gore mbe akone ubor ngor ishi. ³³ Ngha, aba tabe shaga igomane, aba kage inyogobor ngor atong, fenghe shor atel kage ngho ilebe. ³⁴ Ngha abiribori, babong nene, rebeh. ³⁵ Idulidulor, atong iribe, ilebe ifungho, aba kumibongho gbol. ³⁶ Jesu baka ikor, katag nenh. Nghoyor mbor yolokpe ran tag anne. ³⁷ Ikor itana bor ri ikukulor, abulem abaga waanob, jol ntimatong buyen, nkimane bubong.