¹ Ngha Jesu bayel ngor Isynagogue, ijolor nenom wendigi nyor neh ukpokpo ubor. ² Anem bandege iyol kune nterr njolor ayebeh limi anob ngor ufnfu Isabbath nogor bor lameh. ³ Jesu ba bong neh nenom ne ukpokpo ubor tem yemi nya ijom bor wa." ⁴ Nyantegah aba bong neh anefonor, ishashab ji nogor alem anonob ngor ufonfu regashe afi ashashab; nok ikpen afi yol?" mbor wah ibele. ⁵ Abreh bor neh uyamtem, item ishabe neh ashashab ntem bor, ababong neh nenom fonor, tenneh ubor ba." aba tenneh, ubor fonor iba nob. ⁶ Aneb Ipharisees iba jok ngor idele-idele fenghe yor lam neh Herodians nah mbor yebeh yolo. ⁷ Ngho Jesu neh ba tontele beh, iba tem ngor mkpa aya, ijom aneh feb iyor toneh ngor Igalilee neh ngor Judea ⁸ neh ngor Jerusalem neh ngor Idumea sheng ngor Jordan neh gor Tyre neh Sidon. igaranty mbor beyok agboro abaga nya amelame aneh feb itonor neh. ⁹ Aba tak ba tontele beh nogor mbor jang ugbang bumeh tieh ijom anefonor, nogor mbor tiba shume gbed ngor ndege. ¹⁰ Ngor nan alame aneh feb inob, iyonji ba ikpilor ilam iba baga nogor akleh bor abor. ¹¹ Idegedege nji ashashab ufu fonor iyeneh, mbo ba gbogor wor rarr gboo, fefene mbor bong, "yor mon Ishor." ¹² Aba nyam mbor ka wun lem mbo ringhe meh. ¹³ atem ngor igol, abacok mba ashebor, mbor ba tobeh. ¹⁴ Aba yegeh ishi igol neh ibal (mba acogor mbor neh ba tonteleh), Nyor mbor ba jolor neneh nyor weh babor tumo nogor mbor yor toror alom, ¹⁵ Nogor mbor fon ikor yor cam ulem. ¹⁶ Nyantiga arangha igol neh ibal: Simon, wor acaleh mbeng neh Peter; ¹⁷ James mon Zebedee, neh John ngbayen James, wor akale mbeng neh Boanerges, Ijugo mbeh, mon ndarn; ¹⁸ neh Andrew, Philip, Bartholomew, Matthew, Thomas, James mon Alphaeus, Thaddaeus, Simon ngor Zealot, ¹⁹ neh Judas Iscariot, nwo gureh. ²⁰ Aba tem ngor itege, aneh ikpe ba feb, mbor mam li ikpaga nshige. ²¹ Igaranti Neb yeh yogor gem igom fonor, mbor tem nogor mbor ji tabeh, ngor mbor bong, apem re item teh." ²² Ascribes ba ijugor mgor Jerusalem iba bong, "ikpi leme ulem ngor ikor nim," neh, ngor ikor nim akpi camu ufu. ²³ Jesu cok bor fenghe bong nebor ngor igan, "Nanor nim ba cama nim yegeh? ²⁴ Njolor iken iye bage ugibeh, iken fonor inem-mal ba yimi. ²⁵ Itaba iye bage ujibeh, itaba jor inem-mal ba yimi. ²⁶ Nim ye tem yimi neh ujibeh fenghe fon mbaga, anim mal ba yimi, nyah aba ngor ikekele jeh. ²⁷ Tip nenan neneh nimal ba yele ngor ityek itenteneh nenom ji yu abodo yeh. ishigim mbeh ayol nenom fonor kem fon iyaga jiitaba je. ²⁸ Timbaga meh mbong neneneh ashashab abaga wah gim mon nenom ibafonor mbaga, jol nrebeh nye mbo ber reb, ²⁹ newor yeh reb inonob ufu nimba fonor nbaga, alem igboro ibebe." ³⁰ Jesu bongho nor tep nenan mbor yol bongho mbe akpi ishashab ufu." ³¹ Nyen neh agbayen ibal yemeh ngor idigbol. mbor tom tegeh, nogor mbor coweh ba. ³² Aneh imemeh shebeh cage mbor ba bong neneh, nyuwa neh ba ngbanye irigor idigbol kpela shebeh." ³³ Afangha bor, ba reror nyuwama neh agbayen-bama?" ³⁴ Abbreh aneh ba ibemor shebeh cage ba bong, "Nyen, nyah agbayen bama neh ayenbama. ³⁵ Ngonan newor lemor ifngha Ishor, neh wor ngbayen jama gor nenom neh nenkal neh nyuwama.