¹ Igaranti afengho ba ngor Capernaum igara nti abon atu ibe sheng nboyogo waa mbeh are nghor itek. ² Ane na feb ikonoashi ji re idi jol iyaga ika-kpelor jol, jol ngor mbo fefene Jesu, bong ikon kabor. ³ Ngha aneplom mbandege iyor ba torbeh ne mbunor nenom; Ane ani ba ishole. ⁴ Igara nti mbor ka yolor ma-yen kule tep ne igom ane, mbor ba rebeh iborr itaba ngor iborr Jaus, igara nti mbor beh rebeh, mbor ba kak ikpa nji mbunor ngor nongho. ⁵ Ngor nyene ntama bor, Jesu ba bong ne bong ne mbukor, mon, abebe ya iba-bag. ⁶ Ngha aneb Scribe mbandege ibeme ngho bor yor ba tobor ngho ntem mbor, ⁷ Nan iwedor ka nenom nya yor ba bongho na? Aba bong abeb nyonor mal ba baga abebaga ishanghem Ishor netengg? ⁸ Idulidulor Jesu ba nyi ngor ufu na-mor-meh tobor ka-iji-bor. Abong nebor, nan iwedor won meh tobor abaga nya, ngor ntem yene. ⁹ Nan ireror kpereng nogor abong ne neyor tioma jen, ababaga ya iba bag afi abong, tum yeme, tap ikpa ja nogor ajen? ¹⁰ Ngha nogor ijol ber aba yege na mon Ishor kpelor ikor ngha nedege nogor abag abe bonge, Aba bong ne mbunor. ¹¹ Mer mbe bong ne na tum yeme tap ikpa ja nogor ashong ngor itek ja. ¹² Aba tum yeme ngho idulidulor, tak ikpa je, shoro jok ngor itaba fonor ngor ushemerr nendegedege, Ngho mbor wa ikor iba tan bor, mbor fenghe tek Ishor, mbor ba bong wurr uka nye mbori ibaga nya. ¹³ Akpe jok ngor idere alep. igom ane waa iyor ba tober, fefene aba kpele bor. ¹⁴ Na ashengho aba nye Levimon Alphaeus mbe mor ngor itaba nkogor akpanda aba bong nene, tunor mer, atum yeme tunne. ¹⁵ Jesu jol lele ijom lili ngor itek Live, ngho ane akpanda febne anep abebe abaga, iyol lele ijom lili nene, ne ba tuntulor be waa, tep ne nan mbor roror, fefene mbor waa itorne. ¹⁶ Igara ti ba nyonyonor mbor ba, ijolor Pharisees, iba nyen mber Jesu kpe lege ijom lili ne ba leme abebag ne anep akpanda mbor ka ba tuntulor ber, Nan iwedor aba lege ijom lili ne anep akpanda ne annep abebage.? ¹⁷ Igara nti Jesu yogor nta aba bong nebor, Ane mer tunor ngor ngobji yom kpe shep leme uyam shenghem ane mba mer yam ba iyor shep mer mbalem mene nogor mba kok anonob ane shenghem anep abebaga. ¹⁸ Ngha ntega ba tuntulor John ne anep Pharisee iyol bemer njal, ane mba ndege iyorr ba bong nene nan-iwedor ka ba tuntulor John ne ba tuntulor Pharisees imeh ber mer njal? ¹⁹ Jesu ba bong nebor, iye ma jol mbeh ane ba ibalor ikag ibal iba bemeh njal nji ba konor ibal ikpelor kungho nebor? Jol iraba-nan, na nkono-ibal kpelor ku ngor nebor, mbor nemalbeme njal. ²⁰ Ngha ufunfo iba ibaga nji ba leme ibal, mbor ba bor taba tum shaga bor, fefene ngho atu nya mbor ba bemer njal. ²¹ Nene gor rane wer yor jum mbomor nfenfe laga ngor nkokolo iworo, ikajolor nor nkodo fornor ba yara shaga, Nyi nfenfe ngor nkokolo ngor ishashab njaga yi. ²² Nne ne youm kak amem nfenfe ngor nkokolo ntok, ika jolor nor amem fonor iba waga ntok fonor, ngho amem ne ntogatok iba tama. Ukokobulop mbor amem nfenfe, iyobor ngor ntok nfenfe. ²³ Ngho ufunfob reagashe, Jesu ba jen shang ngor idi mbo talor abodo ba tun tulor be iyor ba, bun asheshak. ²⁴ Anep Pharisees iba bong nene Bree. Nan iwedor mor mer lame abaga nya imer bob ibene ngor ufunfob reagashe? ²⁵ Aba bong nebor, wor aka kok-nkogor yok nti David lamor ngor itembaga ne ngor njal, Wer ne ane-mba nene. ²⁶ Ngha aba tum ji yel ngor itaba Ishor, igara nti Abiathar, jolor Ntol Udim fenghe li nshege, ngor idi je, nji ikpelor ibene, be ilagem, nendegedege li shenghem Udim, ngha nyandege akala ane be ba ijolor nene? ²⁷ Jesu bong, ikorbashi mbor leme ka ne, Nne shang mbor lamer ka ikorbashi. ²⁸ Ngha ntega, mon Ishor yor reror Ntol jol ngor ufonfob Ikorbashi.