¹ Ngha iyege tulor alom Jusu Christy, mon Ishor. ² Na iyornor ngor Isaiah nyene amer "Bree mer kpe tomo ntomitom wama ba ngho ushemerr ba, wer nji ba joro mbar ya. ³ Ilom weh nji mer kok jok ngor ikankan ifu, lok ngubji bom mbagah Ishor, laim mbarr ye torr. ⁴ John ba yor woror ane alip ngor ikankan ifu, fenghe yor toror gum uworo alip ngor uyanghi ikpemn iyor nji mbaga ba jolor ka abebag. ⁵ Ngha abogor nya ngor Judeawa, neh anep Jerusalem wa itum ji tobeh. ⁶ Aba woro bor alip ngor aya Jordan, yor torror abebag bor. John yol kaga aworo nya mbor kolor ngor nyam sholutoka kor laim, neh ngoyam nege shebe ibone je kak fefene ayol lile agruber neh acru ukon . ⁷ Aba torro neh regor nyor ba babagah nyen mal, wer nji kpelor ikor shanghe mer. ⁸ Wer nji jol alege abodo akpade ye nka rero iyor nji mer fungho. ⁹ Mer kpi won wurror neh alep, weh ba won worror ne inonob ufu." Ijolorngor atu nyagor mber Jesu yor ngor Nazareth. ¹⁰ ngor Galilee, fefene John yor wore alip ngor aya Jodan. Na Jesu jogor ngor alip, ayok jok ngor iborr iber bak, reber, neh ufu bi iyolor bodor ba tober na idogo ngha. ¹¹ Ilom iba jok ngor iborr, Wor yor arero monama were yor korr mer, imer yebe ne na." ¹² ufu nuro yege jok ji ka ngor ikankan ifu. ¹³ Ajolor ikankan ifu ngor atu adel -abal nnem yor yanghe, ajolor neh uyam ifu ne barogitom iyor bree. ¹⁴ Ngha, igara nti John mbor borbe, Jesus yor ba ngor Galilee yor toro anonob alom Ishor, ¹⁵ Aba bong, igara fonor ibe re ikun iborr Ishor iba ikpedekped. Yaga won abor ngor abebag, nogor won tama alom. ¹⁶ Igare nti ayolor jen ngor nkpa aya Galilee, aba yen Simon neh Andrew ba ngbayen Simon, mer ror iyeri ngor aya tep neh nan mbor jolor ba yolo akobor. ¹⁷ Jesu ba bong nebor, ba wun ba tonor mer, mer ba won lame ba bobor ane. ¹⁸ Ngho idulodulor mbor tum ayeri bor shaga ba torne. ¹⁹ Na Jesu yolor jen mon ikedefer, aba nyen James mon Zebedee ne John ngbayen, mbor yobor ngor ugbang yor kodo ayeri bor. ²⁰ Aba kok bor, mbor, ba tum nde bor Zebedee shaga, ngho ateng ugang neh ba roggitom ba akolor bor; mbor ba torrne. ²¹ Ngha mbor yor ba ngor Capernaum ne ngor ufonfob uregeashe, Jesu ba tum ji yel ngor itaba ndor ji kpele. ²² Ikor yol tana bor ngor nkpele ye, tep nenan ayol kpele bor na ne nyor kpelor ikor, ijolem na ba yonyonor. ²³ Ngho igara ntor nenom jolor ngho itaba ndor bor, wer fonor ibe be ufu, rar jok. ²⁴ Ba bong, ba jom ukpelor nji uba leme nena, Jesu ngor Nazareth? abe ba nogor aba rongho worr? mer nji-nji ne nyor areror, wor yor areror inonob mon Ishor. ²⁵ Jesu ba bele nnem fonor ba bong ble, nogor ajoge shaga. ²⁶ Ibebe ufu bingho iba tebe top ngor ndege,shoro ba joge shaga na ayolor rer jok neh ilom ti kpo. ²⁷ Ane wa ikor iba tan bor, mbor ba beb atem, ngha ba jom ma? Nkpele nfenfe ne ikor, jol abebe afu anyor ka bor ikor mbor fenghe kage. ²⁸ Alom nyanghe iba gen re ngor feli idi ngor ajobor abogor nya ngor Galilee wa. ²⁹ Igara nti amer jok ngor itaba ndor, mbor ba yor ba yel ngor itaba Simon neh Andrew fefene neh James bor ne John. ³⁰ Ngha nyen nkal Simon nongho yor yaru ne abele amer mbor ba tak Jesu gare. ³¹ Ngho aba taber ngor ubor, fenghe yeber yoror, gbuleche aner nya iba jok ge shaga, ashoror kpep bor mbree. ³² Ngho ne igorr tingho igara ti njol yagor nem, mbor kor ba kae ba wa imer yam, afe ibebe ufu imer bor ka ilam. ³³ Nfam nyi gor wa ba konashi ngor mbo. ³⁴ Aba leam feb inob mba iyolor yam, akpede ayam feb, fenghe rom ulem yege, atamemka ulem bingho ibong tep nenan mbor yienyi . ³⁵ Aba tum yeme ne fonfo pipip, igara ntor ijenghe ikpe kungho, aba jok tum ngor ndi nene ka reror ji jom ndor. ³⁶ Simon neh mbor ba ijoloe nene, iba janghe,. ³⁷ Mbor ba nyene fenghe bong neneh, aneh wa ikpila jangha. ³⁸ Aba bong utm ngor idi ndege, jok tu ngor abogor nya ishebor worrkak, iyor nji mba fonor alom ngor fenfene,nor yor iwedor njogo bangha. ³⁹ Aba jen shebe ngor Galilee wa, yor tororalom ngor ataba ndor bor fenghe yor kam abebe ufu. ⁴⁰ Nne abebe yor ba torbe, yor ba gorre, aba kumor aung ba bong nene, ijolor kora ayi ma mer lame nnob. ⁴¹ Aba tum ne uyeni mok, Jesu ba tenner ubor beh ji lage ba bong neneh" mer kpi shebe.Wor wele. ⁴² Ngho idulidulor, abele iba joye shaga. fefene ashoro nnob. ⁴³ Jesu ba nyameh na kang, fenghe tumer shong. ⁴⁴ Aba bong neneh, kono nterr ka bong ijomjom ka nendegedege, fenghe shong aji tep ijiba ka udem, nogor aka nkaga ka nrogo ya barr na Moses kolor ikor na itengteng ibaga kabor. ⁴⁵ Ngha aba jok, shoro ji gbe ntoro aborabor, fenghe nyangha alom, na dol igor nji Jesu ti kpe yor ba yele ngor ibogor kpol, iyor ayor ba jolor adi ny ikelor nkpogor ngha ane yol te kpel bala ba tober ngor adi wa.