¹ Ne ufomfu pepeb, anebkol Udim iba konoashi ngor njereng ne anebkol ne ba nyonor mbeneh fufor ne anebkol Jews waa. Nghor mbor ba nuro Jesu tabe tom. Mbor ba fenghe nene ka Pilate. ² Pilate ba bube, "Wor yor areror Ntol Jews fii?" ³ Aba fangha, "Wor yor abongho nor" Anebkol udim ijolor yor keme-lege gom abaga feb. ⁴ Pilate kpe ba bubeh, "Wor ajom ka mfangha? Nyen na mbor me keme nkekeme laga gom abaga feb!" ⁵ Nghor jesu kpem jor fangha Pilate, nti itane ikor waa. ⁶ Ngha-ntega ngor igara ikak Pilate jor yige ne mgbagobor nwereng ka bor, ne mgbagobor mbor shebor. ⁷ Fufor nenom jolor gor nyor mbor jolor koge ne Barabbas ngor ating mgbagobor ne ba-tonishi ngor mfam mba ibe yol ane ngor igara nti mbor jolor nock ne ikor mfam. ⁸ Igboro igom ane iba ngor idi Pilate b a bube nogor alem kaa bor na abe lem ngor njam. ⁹ Pilate fangha bor fenghe bong, "Wun kpi shebe nogor mme yige Ntol Jews ka wun nor?" ¹⁰ Tep akikon mbe tep ne uligala bi iwedor anebkol Udim ibe fenghe ne Jesu kea. ¹¹ Nghor anebkol udim iba kack igboro igom ane mbanghor ikor mbor ran dol mbe mbor yige Barabbas yaga abor. ¹² Pilate kpe ba fangha bor fenghe bong, "Ba ijom mme ba leme ne Ntol Jews?" ¹³ Mbor kpe ran, "Kume wun" ¹⁴ Pilate bong ne bor, "Ba ibebak abe lem?" Nghor mbor kpe jor ran dol, "Kume wun" ¹⁵ Pilate shebe nogor alem na iba koror igom ane mbanghor, tep nor aba yige Barabbas yaga abor kabor. Aba sheb ilam ka Jesu fenghe ba fenghe nene ka mbe mbor kume. ¹⁶ Anebwuror iba tabe yel ngor ikon-ilam fenghe ba kok igom anebwuror mbanghor waa konorashi. ¹⁷ Mbor ba fenghe ne inonob nnige kono Jesu, mbor ba gbah kpo ajonghor bodongor idi njereng fenghe tap kono. ¹⁸ Mbor ba kome kage nyor fengh bong, wurr uba kag nyor, NtolJews!" ¹⁹ Mbor jolor jor febe ne ijarite fenghe jor shor atel wurore. Mbor ba kumor arong fenghe gu-ishikae. ²⁰ Igara nti mborbe kialol fenghe yole, mbor ba fonghe inonob nnige minghor fenghe ba kage awuror ye, fufor mbor ba tabe tum nogor mbor ji kume. ²¹ Nenom nyor ndege, Simon ne Cyrene, jolor jor ba ngor mbok ibugor njinghor (ajolor nde Alexander ne Rufus), mbor ba nore nogor ashol ijarite nji ishegor ne ntem. ²² Anebwuror mbanyhor iba kor Jesu ba nyor idi mbor jor kok ne Golgotha. ²³ Mbor ba kea amom ma mbor be shumor alolo abodo, nghor atamim wor. ²⁴ Mbor ba kume fenghe bag awuror ye shengor urogor akpaga ifa nogor mbor kon ijar nji fel nne iworo ka kogor. ²⁵ Ijolor igara nkarinka ira nji mbor kum. ²⁶ Nghor inyonor mbor ba nyon ishashab gome, "Ntol Jews" Bodo nene mbor kumo aju ishi ibal, ²⁷ nnyereng ngor mkpa uboblom nnyigor ngor mkpa uboblom. ²⁸ Alom Ishor iba jol nya ibongho, "mbor fale bodo ne ane mba ikao gbe mbene; ²⁹ Ane mba ijolor sheng ngor mbarr ijor rebe, fenghe jor fag-ashi bor fenghe jor bong, "Ah! wor nji aba ronghor itaba ndor fenghe joro nyor ngor atuu ara, ³⁰ Nog ujiba nogor a budor nghor ijarite shege ntem njingor! ³¹ Nghor mbarr nyinghor anekol Udim ijolor jor yole ne atem, shumor ne ba nyonor mbene, fenghe bong, "Ajor nog ane mbagor, uji be anima nog. ³² Nogor Christy fonor, Ntol Isreal, budor ngha-ntiga ngor ijarite nji shegor ntem, inyor wurr uba nyene fenghe tama." Ane mbagor mba mbor kumo laga nene ibangha jolor ngor uyam-tem nene. ³³ Ngor igara nkarinka irara, ijanghe iba bolo ndege nyinghor waa tete igara nkarinka iromugol. ³⁴ Nghor igara nkarinka iromugol Jesu ba rerr jok ngor igboro ilom, "Eloi, Eloi, Eloi, lama sabachthani?" Nji mbor joro toror na, Ishor jama, Ishor jama, nan iwedor abe me ten?" ³⁵ Anembandege mba iyimor nghor iyok alom ye fenghe bong, "Bree akpi koko Elijah." ³⁶ Nnendege ba tobo, ji kog amang-mang amom ngor anogor-nshob, tab jom ngor irarab itete, fenghe ba tab kae nogor wor. Nnenom fonor ba bong, "Wurr utogor nyen jolor Elijah ba baga ba bude fenghe nga ndege. ³⁷ Nghor Jesu ba rerr jok ngor igboro ilom fenghe kpor. ³⁸ Mbomor ataba ndor Ishor iba yarr ijarr ibal, gbeb ngor iborr ri ngor itolor ³⁹ Igara nti ne Centurion nyor yeme fenghe jor bree Jesu nyenor mbe abu kpor ngha mbarr nyingha, aba bong, "Itembaga nenom wengha Mon Ishor yor." ⁴⁰ Anebkal ibangha jolor nghor mba ijolor bree ngor idi fee. Nghor igom bor ijolor Mary Magdalene, Mary (nyen James, monshe ka Joseph) ne Salome. ⁴¹ Igara nti a jolor ngor Galilee mbor jolor jor tone fenghe roge. Anebkol mbagor feb ibangha tone tom ngor Jerusalem. ⁴² Igara nti igorr ibe ba tep ne nan ijolor ufomfo ulogo ngobji, ngha ijogo mbe ufomfo mbiga njam nogo ikum ri nya rege ashee. ⁴³ Joseph ne Arimathea bala-nghor. Ajolor ne nyor mbor fonor nkaga ye nghor igom nji ijolor shek ikuniborr Ishor. Aba tom ne utono-item ngor idi Pilate fenghe ji bube gom ngobji Jesu. ⁴⁴ Pilate ikor iba tane dol na Jesu bekpor aba kok nne Centurion fenghe bube jolor Jesu be kpor. ⁴⁵ Igara nti Pilate kunor sheng ngor idi nne Centurion mbe Jesu bu kpor, aba tab ngobji ye ka Joseph. ⁴⁶ Joseph ba kor mbambara mbomor ba . Aba bude ngor ijarite nji ishengor ne ne ntem, gbae nghor mbabara mbomor nyinghor fenghe bomghe ngor ulom mbi mbor be kem yige ngor igboro utal. Nghor aba bamghe utal tim mbok ulom mbinghor. ⁴⁷ Mary Magdalene ne Mary nyen Joses nyinyen idi nji mbor kpelor Jesu kag.