¹ Igara nti ufomfo ndor ibe sheng, Mary Magdalene, Mary nyen James, ne Salome igono anonob akurr ma mbor mal ba kogor ba tama ngobji Jesu. ² Ne ufomfo pipib ngor mgbogor mbarr ufumfo ngor irede, mbor ba tom ngor ulom ngor igara nti njol be jok. ³ Mbor jolor jor bong ne atem, "nyonor ba banghe utal mbinghor ka wurr ngor mbok ulom?" ⁴ Nogor mbor bre ngor iborr, mbor fenghe ba nyen mbe utal fonor mbor bu banghe, tep ifulor na do-ol. ⁵ Mbor ba yel ngor ating ulom fenghe ji yen monshe nnenom kagor mbabara iwuror, bemor ngor mkpa utob lom, ifenghe ba tan bor ikor kaang. ⁶ Aba bong ne bor, "Ikor iti wun kpe tan kaang. Wun kpi shebe Jesu, nji jugor ngor Nazareth, nyor mbor kume laga ngor ijarrte. Abu nyame jok! Ngha akpem re-e. Bre wun idi nji mbor nonghe. ⁷ Shong wun, tak wun ba tama itom be ne Peter, aferr ngor mbok mane ngor Galilee. Ngor yor wun yebe nyene, shengor na atagor wun." ⁸ Mbor ba jok fenghe tobo shaga ulom, mbor jolor jor kob sha shag ikor fenghe tan bor do-ol. Mbor bonghim ijom jom ne nne we nji ndegendege tep ne nan mbor jol, bube ubol. ⁹ Ne ufunfu pipib ngor mgbogor mbarr ufomfo ngor iredenji abe nyame, aba gbor mbarr ji gbede Mary Magdalene, nji ayige ashashab afu arimini. ¹⁰ Aba tom ji tag anne mba ijolor nghor nene, nji mbor nonghor iku ne fenghe fab abibi. ¹¹ Mbor ba yok mbe are ikpen fufo mbe abe nyen, nghor mbor tamem. ¹² Igara nti abaga nyangha ibe sheng aba gbede mbor ishi ibal ngor ibugor fonor. ¹³ Mbor ba tom ji tag irek ba tama itom be mbagor, nghor mbor teghim tama togor bor. ¹⁴ Jesu ngor mon irong ronghor igara ba gbede ishi igol ne nne nwereng na mbor bimor ngor ikpokoro me rege ashe, fufo aba ka bor ndon ngor mfaba bor ne utonor item, tep ne nan mbor jolim jor tama togo anemba ibe nyen nji abe nyame ngor iku. ¹⁵ Aba bong ne bor , "Shong wun ngor mfam waa, nogor wun ji toro alom Ishor ka anne mba Ishor lemor waa. ¹⁶ Nne we nji ndege ndege nyor ye tama fenghe wuro aleb ba fonor nnogor, fufo nne nyor ka tamor aba kpogor tan. ¹⁷ Anyonor nyangha iba tonor annemba iye tama: Ngor mbeng yama mbor ba yige ashashab afu. Mbor ba bongho abugor mfemfe. ¹⁸ Mbor ba taba nyorngor abor bor,fufo mbor ye fenghe wo ijom nji ndege ndege nji imal ba bor yolo, inimba bor leme ijom jom. Mbor jor ba laga anneb ayam abor mbor nob. ¹⁹ Igara nti Ntol be bong ne bor, mbor ba tabe tom ngor ikon iborr aji bime ngor uboblom ishor. ²⁰ Ba tama itom mbe iba tom jor ji toro alom ye ngor idi nji ndegendege, na Ntol jolor lem ifangha ne bor fenghe sheb nyen alom fonor sheng ngor ayonor nya ijolor jen ne bor.