¹ ibala ba jol atu abal nogor ikok ikukolor ijomlele ne nti ikpaga-nshege. Anebkol udim ne ba nyomor-mbeneh ijolor yor tobor na mbor mal ba wele bob Jesu nogor mbor yole. ² Tep mbor jolor jor bong, "iti jol ngor igara ikak, inyor iyok ne abrr itiba jolo ngho igom bor." ³ igara-nti Jesu jolor ngor Bethony ngor itek Simon ne-abele, na ajolor budor ngor ikporo, nenkal nwereng ba tobe ne mkponkpong anonob akorr ma iyor tonor-are ma ijolor werr. Aba waa mkponkpongfonor fenghe yangha akorr manghor wure ngor ishi. ⁴ Nghor ane mbandege jolor mba item iyamor bor. Mbor bong ne atem mbe, "mfele ronghor nyinghor ijoko nan? ⁵ Akorr mangha wurr jol ba goro shenghe ideri atal-ikorr, fenghe tab ka akpak-ane," Nghor mbor ba tene. ⁶ Jesu ba bong, "yage wun. nan iwedo wun me kailam? abu lem inonb ibaga kame. ⁷ Wun yor fon akpa-ane fel igara nenane, fufor igara ntendegendege nti ikoro wun, wun yima lem inonob ka bor, nghor wun nim jor ba me nyene fel-igara. ⁸ Abul lem nti amalor-leme. abu wede ngobji yama akorr ka iku? ⁹ Itimbaga me mbu bong ka wun, idi njendegendegenji mbor be torror inonob ikikala Ishor ngha mfam waa, ijom ji nenkal wengha be-lem mbor ba bongho gom, jor kor nboro-ye." ¹⁰ Ngho Judas Iscariot, nwerer-ngor igom igol-iba, ba tom ngor idi anebkol udinm inyor amal be fenghe nene ka bor. ¹¹ Igara-nti anebkol udim ibe yok, item iba yebe bor fofo mbor ba kono nyor mbe mbor yebe kaga anyerr. Aba komishebe iyaganji aba koba kogor fenghe nene kabor. ¹² Ngor ngbor mbarr ufonfo nyi ikpaga-nshege, nji mbor be yolayal ne mon njoror, batontulor Jesu iba bong nene, " ngan ame-shep nogor wurr uji joro inyor aba lige ijomlili ikukulor?" ¹³ Aba tom ba-tama-tom be abal fenghe bong ne bor, Shong wun ngor ating igboro-ibugor, nenom nyondege nyor sholor irong alap ba wun konor. ¹⁴ Tone wun. Idi aye yel ngor itaba, tone wun yel ngor ating itaba nogor wun tag mfonor itaba weghor, Mkpekpele mbe, "itaba ajen-neh jama njigor njin nji me mba ligeh ijomlili ikukulor neh ba-tama-itom bama?"' ¹⁵ Ayaba tebeh igboro inonob mkpak itaba ngor iborr wurr," Ba-tamitom be iba tom yel ngor iboro ibugor njigor. ¹⁶ Mbor ba nyen ijom ba lok ngobji ijom-lele ukukoloor. ¹⁷ Ne igorr aba kor ishi igol-netibal ba. ¹⁸ Na mbor nonghor ngor ikpokor jor le ijom lele, Jesu ba bong, "ngor imbaga, me mkpi bongho ka wun, ne nwereng ngha igom jane nyor meh li ijomlili nenama ba mer ronghor." ¹⁹ Mbor waa iba jol imogimog, fufor mbor ba kum ibengho nene ngor ne nwereng-nwereng, "itibaga mer shang? ²⁰ Jesu ba fangha fenghe bong ne bor, ne nwereng ngor igom igol-ne ibal, wenji mer tuu nshege nenama ngha ikpenghe. ²¹ Tep mon nenom ba tomor na mbor nyonor gomeh. Nghor nyongho ijol ne-neh sheng nghor nyor mon neh mbor yebe wronghor! ijol ba nobor kae kin mbe mbor ka bele ." ²² Na mbor jolor li ijomlili, Jesu tab ikpaga-nshege yike inya, fele bon, ba fenghe neji ka bor fenghe bong." ²³ Aba tab igbngala, ba ka igagor fenghe ba ka bor, mbor waa iba wor nghor ating. ²⁴ Aba bong ne bor, "Ngha along mama maa ngha ma ukonoy-nyor,along ma meh fador ka ane-feb. ²⁵ Ngor itembaga me mkpi bongho nenane, me nimkpe ba wogor ayeyebe amom mangha, tee ufomfo mbighor mbi me mkpeba wogor mfenfe ngor ikoniborr." ²⁶ Igaranti mbor be tom ibem, mbor ba jok tom ngor igol olives. ²⁷ Jesu ba bong ne bor, "wun waa wun ba gbogor, tep mbor bu nyon, me mba romo ngomo-ubol fufor ujoro fonor iba rada.' ²⁸ Ngor igaranti mbor yeme yob yoror, me mba gbogor mbarr ka wun tom ngor Galilee." ²⁹ Petr ba bong nene, Jol ane waa igbugbor, meh nimba gbogor." ³⁰ Jesu ba bong nene, "Ngor itembaga me kpi bongho nena, ilela-ay, nya atu mangha-nogor nom-nkok kom kok igol ibal wor abameh teneh igol ira." ³¹ Nghor Peter ba bong, Jolor me ntege ba kpogor nena, me nim yaba tene." mbor waa iba lem ukono nyor mbereng. ³² Mbor bangor idi nji mbor jor kok ne Gethsemane, fufor Jesu ba bong neba tontonor ber, "Bime wun nghor nogor me ntogor jom ndo." ³³ Aba tab Peter, James Ne John tom nene fenghe jor ji nyen akanya ne bor fufor item iba kome kaga ilam doo. ³⁴ Aba bong ne bor, "ufu bama ikpe igboro ilam, jol tete ri inyor mkpogor, shaga wun nyha nogor wun kono nterr." ³⁵ Na Jesu balor ba jen teke tom ngor mbok aba gbor ndege fenghe jom-ndor mbe ken mbe ire kpereng igara ntigor ijol ba baga ba sheng shaga me. ³⁶ Aba bong, "Ada, abaga waa ire kpereng shng ngor ngobji ya. Yige igbangala njingha shaga me. Sheng ngor ikor tama shang, shenghim ita. ³⁷ Aba fenghe ba njem bor mbor me lal, afenghe ba bong ne Peter, Simon, wor akpi lala? ³⁸ Wor animjom ngor igara-nkarinka nyerenghe? Gom afenghe jom ndor nogor ati agbor yel ngor uyongho. Ufu ngor itimba ikpi shebe, nga ngobji bu korr." ³⁹ Kpebodo nnghor, aba kpe ba tom fenghe jijom ndor, akpe fenghe bong alom fonor pii. ⁴⁰ Igara-nti akplor fenghe ba, akpe ba nyen bor. Mbor konom ijom nji mbor yebe taga. ⁴¹ Akpe fenghe ngor igol ira ba bong ne bor,Wun kpe kpi lala fenghe jor rege-ashee? ibu nob! Igara ibu ri. Bre! mon ne mbor be ronghor fenghe tabe kak aneba-bebag ngor uboh. ⁴² Tem wun yeme; nogor utom wun. Bre, ne nyor neme uronghor bu ri ikped-ikped. ⁴³ Na ame kpe bong, Judas, ngor igom igol-ne-ibal ba ri, fufo igom ane. Feb ijolor ne ne age bodo ne ntete, ngor idi tol adim, ba nyonor mbeneh, ne anebkol. ⁴⁴ Ngha-ntiga nrironghor we bubor ka inyonor, kpe bongho na, "ne nyor me nyebe shodo nyor nenom fonor yor nghor. Tare un nogor wun tabe tom sheng ngor ngomo." ⁴⁵ Igara-ntig Juda lomo nghor, aba sheng dedede ba ngor idi Jesu ba bong, "ada," fenghe ba shode nyor. ⁴⁶ Nghor mbor ba kole abor fenghe tare. ⁴⁷ Ngor ne nwereng ngor igom bor nyor yemor koleba torr uge be fenghe borm ntama itom udim mbi nen kem utong be. ⁴⁸ Jesu ba bon ne bor.Wo abu jok ba nog ne nkagafeme ne age fufor ne ntete nogor aba bob me? ⁴⁹ Igara-nti me njolor nenane fel ufomfo mfenghe jor kpele ngor itaba-ndor, wun bombim me. ⁵⁰ Ntingha jolor inyor alom-mbong-ishor imalba jolor na ibonghor " ⁵¹ mon nenom, nyor kagor mbabara iworo nyi mber gbalor shibe ka, jil tonor Jesu. Igaranti aneblom fonor ibe bob-tara. ⁵² Aba tom mbabara iworo fonor shaga fenghe tobo tom. ⁵³ Mbor ba tab Jesu tom ngor idi udim nyor nen. Adim nyam nnen waa ibala ba yeme nene, anebkol, ne ba nyonor mbeneh. ⁵⁴ Ngha-ntiga Peter ba tone ngor njam fee, iraba ringor na ikor-ilam ntol nyor nen. abime ngor igom ba gom-gomo, mba ijolor yobor ngon. ⁵⁵ Ngha-ntiga atol udim ne anebkol Jew waa ijolor jor jang itimbaga gara Jesu inyor mbor yebe yolo. ⁵⁶ Nghor mbor tekim nyen ijom-jom. Tep ane feb ikolor atotoro nkekeme gome ba, jol nghor nkekeme bor itegem kon. ⁶⁰ Udim mbe nen batom yeme ngor igom bor ba bob Jesu," wor akpe mfangha? ba ijom anelom mbangha ime toror goma? ⁶¹ Ngor aba ble kpede afanghim ijom-jom kpe bodo nghor udim mbi nen kpee bab fenghe bong, wor yor aroror Christi mon ne nyor mbor be yige inya? ⁶² Jesu ba bong, me yor, fufor aba nyene mon nenom igara-nti aye bime ngor mkpa uboblom mbi ikpelor ikor fufor mbi ijor ba ne ⁶³ Udim mbe nem ba torr aworor ye yarr fenghe bong, ukpe kpi shebe atenshee? ⁶⁴ Wun bu yok ngaba fonor . Ntobor yane renan? Mbor ba fele ronghor na ne nyor lagor iku. ⁶⁵ Mbandege ikom ishogor atel wore fenghe jor bule ushamarr fufor mbor jor rome fenghe bong nene, "bong nti iba jilor ngor mbok!" Anebawuror ba tabe tom ji due,. ⁶⁶ Na Peter jolor Ngor ndege ngor iga-ishob, ntama-itom igboro udim nwereng nyor monshe nenkal ba tobe. ⁶⁷ Aba yen Peter me lok ngobji aba bre ikpede-kped fenghe bong, "wor abangha ree nene Nazareth, Jesu." ⁶⁸ mer nyim afi nim jor kon ijom ji wun me bong gom." Nghor aba jok tom ngor itelok. ⁶⁹ Nghor ntama-itom nyor monshe nenkal ba nyene fenghe jor kpe komi bongho ne ane mba ijolor nghor, "Nenom wengha ne nghor igom bar yor." ⁷⁰ Nghor mbor kpe ten. mon igara teke ane mba iyimor ngor iba komibongho ne peter,"Ngor itimbaga wor ne nghor igom bor yor, tep wor fufor wor ne Galilee yor." ⁷¹ Aba komikaga ujibe nto fenghe jor tereh, "me nyim nenom wengha nyhor igara ntinghorpi ngor igol ibal. ⁷² Nghor Peter ba boro alom uya Jesu be bong nene."Nogor nom-nkok kom kok igol-ibal, wor aba me tene igol ira." aba gbor ngor ndege fenghe jor fab abebeh.