¹ Na Jesu jolor tom itaba-ndor shaga, nton-tolor we nwarang ba bong neneh na, "mkpe-kpele, bre atanikor atal ne atanikor ataba!" ² Aba bong nene, "Akpe nyene agboro ataba nyangha? utal mbereng-mbereng irem mbi mbor ba taba kono ne ntem mbi mbor ti ba fele wa ba ngor ndege." ³ Na abumor ngor igol Olives ngor mbok itaba-ndor, Peter, James ne Andrew iba babe ngor weleh, ⁴ "Tak wurr, ba igara abaga nyangha iba jolor?" Ba inyonor iba jolor ngor igara-nti abaga nyangha wa-a iyagor jo-ol?" ⁵ Jesu ba kom ibongho ne bor, "Kono-won-nterrr inyor nne-ndege-ndege ti ba won nime-togor. ⁶ Feb iba baga ngor mbeng yama ba bong, 'Mme weyor,' fufo mbor ba nimeh anne feb tugor. ⁷ Igara-nti wun ye yok gom nta ne mmumor nta, iti wun kaa ilam; abaga nyangha itigiba jolor, nghor ikukulor ikakomyijolor. ⁸ Tep ibugor iba tomo-yeme ne ibugor, fufo ikun ne ikun. Mfam ne mfam, fufo ugbah iba jolor. Nyangha yaa iriro ayikitolor nyaam mbel. ⁹ Lok ngobji. Mbor ba fenghe nena ka ba-lamilam, fufo mbor yaba dugor ngor ataba-ikobashi. Aba yeme ngor ushamarr ba topshi abugor ne atol ngor ishi-jama, na ntensheh togor bor. ¹⁰ Alome fonor itigiba gbogor mbarr toro alom-Ishor ka abugor wa-a. ¹¹ Igara-nti mbor ya bok fenghe nena ka, kaka ujiba ilam ngor ijom nji aba bongho. Tep nghor igara-ntinghor, mbor nyaba kaga nti iba bongho; inimba jolor wo nji abonghor, inonob-ufu bii. ¹² Mgbanyen nnenom iba fenghe ne mgbanyen aneblome ka nghor iku, ne nde-nne, mmone. Abon ba tomor yeme ne ba nde-ne lenbor nogor mbor yol bor. Nnendegendege ba fonor ujing nena tepne mbeng yama. ¹³ Nnendegendege nyor ye boitem ri ngor ikikolor, nne wenghor ba shoror. ¹⁴ Aye nyen ibom nji uyabatem iyemor ngor idii nji ikalagor nogor anne mba iriror ngor Judea ibok shong ngor ngol, ¹⁵ nogor nne nyor kumor ngor iborr-itek ti budor ba yel ngor itaba afi tab ijom njindegendege jok shaga, ¹⁶ fufo nogor nne nyor riro ngor idii njindegendege ti kuro ba tab iwuro je. ¹⁷ Nghor iyo-o ijol ne anne mba ikpelor abon ngor ibebele fufo ne anne mba ime le-e abon-ibele nghor atuu nyanghor. ¹⁸ Jom wun ndor mbe iti bor ngor igara alok. ¹⁹ Tep igara ntinghor iba jolor igara agboro akanya, nkok nyi kabo jijol gbep ngor iyekitolor, igara-nti Ishor lemor mfam, tete ri ntiga, ijom-jom no inimkpe jol ngor ikpen igengeng. ²⁰ Shinghim-mbe Ntol bu fele atuu gbet, ngobji nyindegendege nimbe fonor nnogor. Ngor tep-ishi nyige, mbor mba ayigor, afele atuu kpet. ²¹ Nghor ijolor nnendegendege bonghor nena, "Bre, nya Christi fonor yor,' afi, 'Bre, nghor we yor!' ka tama. ²² Tep achrist nkekeme ne ba-nyene-amarr nkeme iba joko jor ba teb anyonor ne atanikor nogor mbor ba yige. ²³ Lok ngobji! Mme mbu wun tag abaga nyangha wa-a kon igara. ²⁴ Igara-nti igboro unyene-akanya mbe nghor ibe sheng, "njol ba gbogo ijannghe umwerr inimba kaga irana te, ²⁵ arogondo iba foror ngor mborombonta fufo kor wa-a nti irio ngor ikon-iborr iba nenghe. ²⁶ Igara ntor, mbor ba nyene mmon nnenom meba ngor agbogbodo-mborobonta ne igboro ikor ne nkaga. ²⁷ Nghor aba tomo ba-tot-itom be fufo aba kogor mbor mba abe yige ngor agbangha ani ba bodo idii njereng, yekitolor ngor ikokolor ndege ringor ikokolor mborombonta. ²⁸ Kpele mkpele ngor ite ifik. Ba-ba na ibubor iyejol teke nnyana-ye ifenghe foror abu kon mbe ulom ibu kped. ²⁹ Nno fufo, igara-nti aye nyen abaga ime gbor, aba kumor mbe abu ri ikpedikped, kulor mbo. ³⁰ Ngor itembaga, mme mbu wun tak, nnap nyangha nimba shenghe tom shenghim mbe abaga nyangha wa-a ibu gbor. ³¹ Iborr ne ndege iba shenghe tom, alom yama inim tege sheng tum. ³² Gara nghor ufomfo afi igara ntinghor, neneh nyim, jol ba-rogor-itom Ishor ngor iborr, ikom ba jol mmon, shenghim Ada. ³³ Jol ngor uloko ngobji! Gom, tepnenan wo anyim igara fonor. ³⁴ Iri na nnenom nyor tomor ngor ijen-ajor tom itek shaga fenghe neji kak ba tama itom beh ngor ubor, ntem-tem ne ite ifangha, fufo aba ka ngomo-idii ikor nogor a jol mber-mberr. ^{35 36 37} Nyha-nteiga jol ngor ngomo tipnenan wo anyim igara nti ada mfon-tek ba fenghe koro; iyima jol ne igorr, ne atu kpa-a, igara-nti nkok ba ngor mgbede, ka lem ka-e aba kona ame lal. Nti mbe bong ka-a mbu bong ka nnendegendege: Gom!"