¹ Ngha Jesu ba gbeb bor nkpele ngor ngan; Aba bong, "Ifonor nenom nyor talor igbe ate, ba kag mbob shebe kak, fenghe ikpa iberr ika ukana amogor kak. Aba tob idi komor yen abaga, afenghe yama igbe ate ka ba taga akurunku ate. Ngha aba tum ngor ijen. ² Ngor igara nti iber re, aba tom nrogitom ji ngor idi ba taga ate, nogor aji kor ngor idi bor amogor ate nyandege ngor iber ate. ³ Ngho mbor ba ta be, wer fenghe tomer fenghe aborabor. ⁴ Fefene akpe tum nrogitom nyong ndege, mbor lamer ijom ngor ishi fenghe kae ndone. ⁵ Ngha ate-kper-tom nyong ndege, werngha mbor yole. Fenghe kpe felle mbom mbagor ngho mboro mber nyor, yor due mbangdege, fenghe yor yol mbagor. ⁶ Akpe kpe nwereng nyor akpe yeber tomo, mone nyor yor korre, wer yor jolor ne ikukulor ne nyor atomer, aba bong mbor ba fonor nkaga monama. ⁷ Ba taga ate iba bong ne atem, ngha ngbang Ntol yor, ba won nogor uyole, iyor ji abodo ulege-ibon jolor ka wurr. ⁸ Mbor bober yole fenghe ror yege ngor igbe ate. ⁹ Ngha ntege, ba jom nji nfonor igbe ate ba lame? Aba ba-ga ba rungho ba taga ate, fenghe ne igbeh ate ka mbagor. ¹⁰ Won ka kog alom nya? Utal mbi ntobi-itaba temor, iber ka jol utal itolor itaba. ¹¹ Nta iyor ngor idi Ntol, fefene ikpe nobor ngor amerr yere. ¹² Igara ti nta ibejol, atobishi Jewish shep mbar nye na mbor yeber bober, tep ne nan mbor bala ba runghe ber ayol tobo ngan nya gum bor, Ngha mbor yol fonor ubol igom ane, tep ne nor mbor ba tum mer shaga ba fenghe tum. ¹³ Ngha mbor ba tom aneb Pharisees mbangdege ne Herodians toge nogor mbor bata ne alom. ¹⁴ Igara ti mbor balor mbor ba bong nene, nkpekpel, wor uyinyi na aka kor ntobor nendegedege, fefene ayom tama togor newereng ngor idi an. Wor ngor itembaga kpele mbarr Ishor ikpe ibene nogor ata ikpanda ka Caesar afi ikpen? Wor ka afi uti ka? ¹⁵ Jesu ba renghe ndege won yongho mer kor won ba kamer ideri iyor mba bree. ¹⁶ Mbor kor njereng ba ka Jesu aba bong nebor, "Mba nfongho, ne ayonor ngha? mbor bong Ceasar's. ¹⁷ Jesu bong ka Ceasar abaga nya ireror Caesar fefene ka Ishor nya ireror Ishor ikor ibatan bor nene. ¹⁸ Aneb Sadducee, mba ibongho mber nyeme jok ngor rem, iyor ba tober, mbor ba beber ba bong. ¹⁹ Nkpekpele moses nyonor kawor, mber njolorgbanyen nenom kpelor, tum nkal shaga nya njem, mon fe, Nenom lap nkal ngbangyen, nogor abel abon ka ngbangye nyor bekpor. ²⁰ Ifonor agbanyen ishi iremini, nghor mbarr kor nkal aba kpor, mon fe, ²¹ Igborbolo kae kpe kpor, mom abelem, fefene igborbolo ira ngho mbar nyorninor. ²² Borishi remini itum mon fe, ngor ikukolor je waa, nekal fonor ba kpor. ²³ Ngor nyeme jok, igara nti mbor kpe ba nyeme jok, Nkal nyonor aba jolor? ka akpanyen ba shi iremini waa iforne na nkal bor. ²⁴ Jesu bong, nyanghe shang won mer shodor ngha, tep ne nan won nyem alom afi ikor Ishor. ²⁵ Ngho na mbor nyemor ngor iku. mbor kor akal afi mbor kabor ngor ibal ngha bor rena arogitom ngor ikun iborr. ²⁶ Ngho gara ngor iku na mbor ber yermer, won ka kog ngor amerr Moses, ngor nyonor gara ibu, na Ishor bongho nene, mer yor nreror Ishor Abraham ne Ishor Isaac ne Ishor Jacob? ²⁷ Wer Ishor iku shang, ngha ka nenene. Won kpe shodor. ²⁸ Nwereng ngor igom ba nyonyonor ba ranghe aton ngor atotoro bor ba nyeng ber Jesu fanghe bor kpekpe. Aba beber, Ba ibene igalor kpe ifan waa? ²⁹ Jesu ba fangha, Nti igalor nop ire na yok, Isreal, Ntol Ishor jere, Ntol nwereng. ³⁰ Aba fonor ikorr Ntol Ishor ja ne item ta waa, fefene ne atunor ya waa. ³¹ Ibene igborbolo ibal ire na, aba fonor ikorr ntema ne ita wor fonor, ibene ntendegedege ngor irem nti ifulor shenghe ntiangha ³² Ba nyornyor iba bong, inonob, nkpekpele wor aber bong itembaga wor ber Ishor re njereng. Fefene ber nyondegedege kpem regor gara. ³³ Nogor afon ikorr ter ne item wa ne nkonor ya waa, ne atunor ya waa, nogor te kper fon ikorr ntama na ita wor fonor. Ntingha, fenghe fullor shenghe nka nyogor ne uyala-nyala. ³⁴ Igara nti Jesu ber nyen ber wer ka iteng tenghe nfangha abong nene, arem fer shaga ikun iborr Ishor, igara nti ntor ibejol nene kpem yongho beb Jesu mbeber. ³⁵ Igara nti Jesu yolor kpele ngor itaba ndor Aba bong, Nanor ijolor ba nyonyonor iba bongho ber Christy yor reror mon David. ³⁶ David fonor ngor inonob ufu bong, Ntol ba bong ne Ntol yama, bemer nga ubob lom bama, teter mer leme anep ujeng ba idi nyede akpada ya. ³⁷ David fonor koge Ntol, Nan iba wede Christy jol mon David? Igboro igom ane ba fan uyebitem ranghe aton. ³⁸ Ngor nkpele ye Jesu bong, ken won ne iji bene gara ba nyonyornor, nbor mba iyor shep nogor mbor jen ngor arab gbon alege nogor bor kak mbor nyor ngor ujere are. ³⁹ Nogor mbor fun ite nji igalor nnop ngor itaba ndor ne idi nji ikpelor nkaga ngor ikak. ⁴⁰ Fefene mbor rungho atek anepkal mba ika kpelor alom, fenghe jom arap kpon aro nogor ane iyen, Ane mbangha ba kogor igboro nrungho. ⁴¹ Jesu ba bemer nshek-nshek ngho idi mkpukpo nkaga itaba ikorbashi reror. ayol bree ane ma mbor yolor kaka akobo bor ngho nkpukpo. Agboro ane feb ikaga ayer na feb. ⁴² Ngha nenkal nyor gbolor akanya ka kpelor nom ba kak ideri ibal nya ifulor na ipeny. ⁴³ Akog ba tuntulor ber ba bong nebor, ngho itembaga, Nekal akanya wer ka kpelor nom ma, ber kak shanghe nendegedege ngha waa, ba itubor kak nghor mkpukpo mkaga nyor. ⁴⁴ Tep ne mbor waa ikala ngor feb nji na mborkpelor, ngha nenkal nya wer ka kpelor nom, sheng ngor akanye ye akak ayerr yer waa, nya abe kogor nene ikpen.