¹ Ngha ntiga na mbor balor ngho Jerusalem, mbor jolor kulor Bethphage ne Bathany ngho igol Olives, Jesu ba tom ba tom ba tontulor beh ishi ibal. ² Ababong nebor, "shong wun ngho ibugor nji ireror wana abog nenire, wun lubo yel ngho wun ba yene mon nyamshorltuka nyor mbor kabe ti fing, funghe wun bakame. ³ Nne nyor ye bong mbe, 'nan wun me lem na?' Fanghe na, 'Ntol kpi shebe, aba tomo fenghe ntiga ntiga.'" ⁴ Mbor ba yen mon nyamshorltuka fonor, mbor be gba ngor itigila ngho mbarr, mbor ba funghe. ⁵ Ane mbandege iyeme ngho, mbor ba bong nebor, "Bajom wun me fele fungho?" ⁶ Mbor ba fangha na Jesu tagor bor ane fonor iyaga bor abor, mbor tom gho idi mbor feror. ⁷ Mbor kor mon nyamshorltuka fonor ba ka Jesu mbor ror awureh bor bolo ngho. Aba bumeh tugor. ⁸ Ane feb iyala awuru bor ngho mbarr, mbandege iyala abombom ya mbobe kem ngho ifu. ⁹ Anemba igbolor mbarr ne anemba itoneh iba ran "Hosanna! inya ijol ka nnenyor balor ngho mbeng ntol. ¹⁰ Inya ji imeba ngho ikun iborr nshuwere David! Hosanna ngho iborr!" ¹¹ Ngha Jesu batom ngho Jerusalem ngho idi jomo ndor ji bire abod waa. Ngha igara ibusheng, aba tom ngho bethany ne ishi igol ne ibal. ¹² Ntem fonfo, na mbor me jok shaga Bethany, njal ba yame. ¹³ Aba bire lomo gor feer, aba yen ite nji kpelor nyana. Aba tom ji bire njige aba yene amogor ngho ite fonor. Igaranti abe lomo ngho, ayenum ijom jom shengim nyana. Ijolim igara tenghe amogor. ¹⁴ Aba bong ne ite fonor, "nen nim kpeba lige mogor ngha idi ja." Ba tontulor iyok. ¹⁵ Mbor ba Jerusalem, aba yel ngho atengh ba kume kama ba goro abodo ne ba gono abodo ngho idi ndor. Ashibe ikpokoro anemba ime yangha anyerr ne anemba ijolor goro adugbenye. ¹⁶ Atigim yaga nene tap ijom gugoro sheng gor idi jomor ndor. ¹⁷ Aba kpele bor babong, "inyonim, itek jama ibajolor idi ndor ka nfam waa? Wun butab shere idi aju." ¹⁸ Atol udim ne aneb scribe iyok ijom ji abe bong, mbor ba tobor na mbor yebe yolo. Mbor fonor ubol be tepne nkpele ¹⁹ ye. Nji igorr ibe gbor, mbor tom ibugor fonor shaga. ²⁰ Na mbor yolor jen ne fonfo, mbor yen ite ibu wodo waa tete lomo ngho aruk. ²¹ Peter ba boro ba bong, "Nkpelenkpele, breh! ite nji atolo ito ibu wodo." ²² Jesu ba fangha bor, "Fon ntama Ishor. ²³ Tembaga ngor ntag wun, nne nyor ye bong ne igol, 'tom yeme atab ijiba ror kak gor agboro aleb,' aka fonor nrarah ka itemte fenghe tama mbe nti we be bong iba jolo noyor ishor ba leme. ²⁴ Nogor ntag wun, ijom ji ayebib ngho ndor, tama wor mbe abukor, ikun ba jolo ijah. ²⁵ Aye yeme jom ndor, aba fonor mbaga ka neyor iba lem ishabshab. Nyonji nshua ngor iborr bangha yoba baga abebag ya. ^{26 27} Mbor kpe ba ga Jerusalem, na Jesu jolor jen ngor idi jomo ndor, atol udim ne aneb scribe ne anepkol iru ba to be. ²⁸ Mbor bong nene, "Ba ikor amekor lem abaga nya?" ²⁹ Jesu babong ne bor, "nkpe mbi be nyering kawun. Tag me, ba wun taga ikor nti me nkolor lime abaga nya. ³⁰ Uwuror aleb John, iru gor iborr afi ngor idi ane? Fangha me." ³¹ Mbor toro ne atem fenghe faba ne atem kum ba bong, "uye bong wurr are iru gor iborr, aba bongho mbe nan wun ka tamo tuge. ³² Ngha ufengho bong wurr are iru idi ane , Mbor fonor ubol nne fonor. Tep fel nne fonor ntama mbe John nyene amirr yor. ³³ Ngho mba fangha Jesu na, "Wurr uyem ngha Jesu babong nebor. Mme fufene nim ba wun taga iko ntime kor lem abaga nya."