¹ Jesu ba Tum idi njor shaga tum ngho ibugor Judea ngho mbok aya Jordan. Igom ane iruba tobe akpeyor kpele bor. Na ireror mbe ntoti ayolem. ² Aneb Pharisee iba bibe, "ililag nogor ne nnenum ten nkale?" ³ Aba fangha, "Moses kalawun ikor nan?" ⁴ Mbor ba fangha na, "Moses mbe nnenum nyon ikpaga nwerr mal ibal nogor akam nkale." ⁵ "Teb ne utonor item bine bi wedor anyonor ibeneh ta. Jesu fangha bor. ⁶ "Ngho iyigitulor uleme nfam, 'Ishor leme nnenum ne nnenkal.' ⁷ Teb ne nor, nnenum ba tumor nde ne nyen shaga ba konor ne nkale. ⁸ Ishibal ibal iba fonor ngobji nyering, ikpem re abal. ⁹ Fufor, ijomji Ishor be konor ne atem, nene ti fele yarr." ¹⁰ Igara nti mbor yobor ngho itaba, ba tontulor ikpe bib Jesu kpe gara ngho. ¹¹ Aba fangha, "neyor ye kam nkale fenghe kor nkal nyodege, abulem ishashab ibaga gume. ¹² Jolor nenkal be ten nume fenghe ji bal nnenum nyodege, abulem ishashab ibaga." ¹³ Ngha mbor kor awiwire abonshe ba tube nyor aba bor kulor abor, ba tuntulor iba ran ne bor. ¹⁴ Ngha igara nti Jesu be renghe, item iba ka-e ilam, aba tag bor, "yaga wun abonshe iba tup me, ka bor kpe kam teb ne nan ikun iborr ire ka ane mba irero na mbor. ¹⁵ Tembaga nogor ntak wun, nne nyor ka kolor ikun iborr na monshe, animba yele ngor ating". ¹⁶ Aba fele abon fonor, kono bor abor fenghe yege bor inya. ¹⁷ Nji abe gbeb ijen, nnenum nyondege tobo ba gbor kuma arong, fenghe bibe, "Inonob nkpekpele nan mba leme kum yel ikun iborr?" ¹⁸ Jesu ba fangha, nan akogor me inonob? nene nobum ishenghim Ishor nenteng. ¹⁹ Anyiyi mbene, kayol ne, ka tara nkal ane, ka yu uju, ka yeme ntenshe nkikime, ka tara abodo ane, kak nshua ne nyua. ²⁰ Nkpekpele, nya wa mbulem gbeb gor igaranti njolor monshe. ²¹ Jesu ba bire, ba fun ikorr ka-e, aba bong nene, "ijom ire njering akabe ti lem, aba goro abodo ya waa fenghe ne ya ka anemba ika kpelor, nghoyor aba fonor abodo nghor ikun iborr. ²² Tep ne ibong ta, aba lem na tere, item iba ka-e ilam, teb ne akpe abodo na dol. ²³ Jesu bire wa, ababong ne ba tontulor be ibajege nogor ne afang yel gor ikun iborr Ishor. Ba tontulor, ikor iba tan bor ngha mbong ye nya. ²⁴ Jesu kpe bong ne bor, abonshe, nan ijegor nogor ne afan yel ngor ikun iborr ishor. ²⁵ Ire kpereng nogor mbonkang sheng ngor ibangha unya, shenge na ne afang ba yele ngor ikun iborr. ²⁶ Ikor iba tan bor na dol, mbor ba bong ne atem, "ghantiga nyonor ba fonor nogor?" ²⁷ Jesu ba bire bor, aba bong, "ijolor ane igbajege, Ishor shang, tep ne Ishor abaga waa imal ba leme." ²⁸ Peter ba kum ibongho ne ne, "bre, ubutom abodo waa shaga ba tona." ²⁹ Jesu babong, nogor ntak wun itembaga, ikpem nne nyor betum shaga itaba afi mgbayen nyor nenum afi nyor nenkal afi nyen afi nde afi abon afi ndege teb ne me nne anonob alom, ³⁰ nyonor tiba kogor lomo nkpel atil-aron ngha nfam nya: ataba ne ba ngbanyen ne ba nyen ne abon ne ndege, akanya ngor inonob ngor nfam nyi babaga ne ikpen igengen. ³¹ Aneb ngbogor mbarr ifenghe ba jolor ikukulor, aneb ikukulor ifenghe ba jolor ngbogor mbarr. ³² Mbor jolor ngho mbarr fero ngor Jerusalem Jesu jol jene bor ngor mbog. Batontulor ikor iba tanbor, ane mba itonor bor ngho njim iba fon ubol. Ngho Jesu kpe ba tab ba tontulor ishi igol ne ibal fenghe ngor nkpa, aba tag bor nti ikpe ba gbogor gume ngha ntiga ntiga. ³³ "Bre, uferr ngor Jerusalem, mbor ba fenghe ne mon nenum ka atol udim ne aneb scribes, mbor yebe runghotete lomo gor iku, kpe fenghe nene ka aneb Gentile. ³⁴ Mbor yebe yolor, shor atel wure, fibeh ntite fenghe yoleh. Atu ara iye sheng aba nyme jok." ³⁵ James ne John abon Zebedee iru ba tobeh, mbor ba bong, "nkpelenkpele, ukpi shebe nogor alim ijom jindege nji uyabib." ³⁶ Aba fangha bor, "jenji wun mesheb nlem ka wun?" ³⁷ Mbor ba fanghe, "yaga wurr nogor ubime nena ngor nkaga ya, nwering gor nkpa uboblom ba, nwering ngor ubob kal ba." ³⁸ Ngha, Jesu ba fangha bor, "wun yem ijomji wun mebib. Wun mal ba worgor ngor igbangala nji mba wogor? Fenghe bob item ngor uwuror alep mbi mbor ba me wuror?" ³⁹ Mbor ba fanghe, "umalba leme," Jesu ba fangha bor, "igbangala nji nye wor ne uwuror alep mbi mba wuror, wun bangha ba wuror. ⁴⁰ Ngha, yonor mal ba bime ngor ubolom bama me shang mba yege, ire ka anemba ibe lok sheg ibor." ⁴¹ Igara nti ba tontulor mbagor ibe yok gum ta, mbor ba kumi rono ne James ne John. ⁴² Jesu kok bor tugi ijibe ba bong na, "wun yiyi ane mba ireror na atol gor Gentile iyor fun ikor shenge bor, ngha ane bor mba nen ifenghe yor yede bor tugor. ⁴³ Wun inimba jolor nor nenine. Nne nyor ye sheb nogor afu atigiba jolor ntamitom, ⁴⁴ nne nyor ye sheb nogor ajol mgbogor mbarr ngho igom jine aba jolor njoh ka wun waa. ⁴⁵ Mon nenum balim nogor ane itame itom abala nogor aba tama ane itom tab ikpen te ka kum ishi ane waa." ⁴⁶ Mbor ba Jericho. Na atumo Jericho shaga ne ba tontulor be ne igboro igom ane, Mon nenum Timaeus, Batimaes, nwaga amirr nyor yorlem nleme, bime gor nkpa mbarr. ⁴⁷ Igara nti abe yok mbe Jesu nne Nazarene yor, aba gbeb nrana, "Jesu, mon nnenum David, nyen me imog!" ⁴⁸ Ane feb iran ne nwaga amirr fonor, tage mbe abolo nyor. Akpe ran dol, "mon David ynyen me imog!" ⁴⁹ Jesu ba yeme ka ikorr mbe mbor kogeh mbor kok nwaga amirr fonor fenghe tageh, mbe alim baba, atum yeme, akpile kogo. ⁵⁰ Aba ror iwuror je gbe nkpa, aba feb gor iborr tum ngor idid Jesu. ⁵¹ Jesu ba fanghe na, "ba jom ame sheb nogor nlem ka?" Nwaga amirr fonor ba bong na nkpekpele, nkpishebe nogor nyen. ⁵² Jesu ba tage na, "Shong ntama ya ba tele uyam." Ngho idulidulor, agbeb nyene fenghe toneh ngho mbarr.