¹ Aba bong nebor, "Tembaga nogor ntag wun, ane mba ndege iyem ngha mba iti ba yongho iku kum nyen ikun iborr ibeba ne ikor. ² Atu arara ibe sheng, jesu taba Peter, James ne John tum ngor igagah igol, mbor nenteng, ngho igara nto aba yangha nfongho ngor ushimirr bor. ³ Iwuruje ifenghe barr shenge nna anemba iyor roh abodo ngha mfam. ⁴ Ngho Elijah mbor ne Moses ijok ba tob bor ngho mboyol bongho ne Jesu. ⁵ Peter ba fangha Jesu, "Rabbi, ilaga nogor ujol ngha, nogor ulem idi rege ashe ira, njering ijol ka wurr, njering ijol ka Moses, njigor ijol ka Elijah." ⁶ (Akpem kun na ababongho, tap mbor fonor ubol.) ⁷ Igbogbodo iba bolo bor, ilom iba jok nghor igbogbodo fonnor, "ngha monikorr wama, ranghe wun atong." ⁸ Idulidulor mbor bre shebe, mbor kpem yen nene sheghim Jesu nenteng. ⁹ Na mbor me budor igol ba ndege, aba nyam bor mbe mbor titag neneh shenghim monenum bu jog yeme ngor akundege. ¹⁰ Ngho mbor ba gbe ibagah fonor ka ijibor, mbor fenghe ba kem ikikala ngho igom bor gara na ijogo ne "uyime jok ngor akundege." ¹¹ Mbor ba bebe, "nan anebscribe ibongho mbe Elijah tige ba gbogor mbarr ba?" ¹² Aba bong ne bor, "Elijah ba gbogor mbarr ba joro abaga waa. Nan iwedor iyonor mon nenum ba yene akanya gor abaga do-ol fenghe tene? ¹³ Ngha nkpi wun taga mene Elijah buba mbor bulem nene na mbor shebor, na iyonor gum me." ¹⁴ Igara nti mbor be ba ngo idi ba tuntulor, mbor yen igom ane ibebor shibe kag, aneb Scribe iyol faba nebor. ¹⁵ Na mbor yenor Jesu, ikor iba tan igom ane waa na mbor tobo ji kage nyor. ¹⁶ Ababib "ba tontulor, ba jom wun me faba nebor gum?" ¹⁷ Ne we nji ndege ngho igom bor ba fangha, "Nkpele nkpele, nkolo monama ba tuba, akpe ufu mbi imelem atiyor ma bong. ¹⁸ Iyor bobe fenghe ror-e gbed ndege, nfil yor joge ngor nyor, ayor lom alol fenghe tuno kogoror, mbutag ba tontulor ba mene mbor kame yige, mbor mam kpebe." ¹⁹ Aba fangha bor, "Nnib nyi ka kpelor ntama, ba ikede mbe jol nenine? ba ikede mba bobitem nenine? kor-e ba kame." ²⁰ Mbor kor mon fonor ji ka-e. Igara nti ufu fonor ibe yen Jesu, idulidulor, itabe tob ngor ndege, agbeb nkpogor yor jok nfil gor nyor. ²¹ Jesu ba bib nde, mbe "Nkpel ibeg ibe lim?" Nde ba fangha, "Igbebe ngor ushe. ²² Iyor kone rogor kag ngor ngon, afi ngor alep ifenghe shep ifele rongho. Jolor amal ba leme, fon uyenimog ka wurr nogor akag wurr ubor." ²³ Jesu ba bongneneh, "'Jolor amalba leme?' Abaga waa iba jolor kpereng ka nenyor ye tama." ²⁴ Nghor idulidulor, nde mon fonor ba rerr jok fenghe bong, "me butama, bodo me ngor nfaba yama!" ²⁵ Igara nti Jesu beyen igom ane ime tobo ba tob bor, aba ran ne ishashab ufu fonor, "Wor ufu mbam ibong ne ufu ulagatong, me nkpila nyama, jog shage, fufene ka-e kpe yel ngor mbok-mbok." ²⁶ Iba rerr bob mon fonor na dol kum ba jok shaga mon fonor fegnhe lem are abukpor, ane feb iba bong, "abukpor." ²⁷ Ngho Jesu ba fele gor ubor tabe yeme iborr, mon fonor tum yeme iborr. ²⁸ Igara nti Jesu beba yel ngor itaba, ba tontulor be ibabibe shishele, "Nan iwedor ukamalor kam ishashab ufu fonor jog?" Aba bong ne bor, ²⁹ "nkuk nya inimalba jogo sheghim neh ndor." ³⁰ Mbor ba jog sheng gor Galilee. Ashebim nogor ane ikun idi mbor jolor. ³¹ Ngho, ajolkpele ba tontulor be, ababong ne bor, "Mbor ba fenghe ne mon nenom ka ashashab aneh, mbor yebe yolo, atu ara akpelba nyime jok." ³² Mbor kunum na ibong ta ijogo, mbor fonor ubol nogor mbor bibe. ³³ Ngho mbor ba baga Capernaum. Igaranti abe yel ngor itaba, ababib bor, "bajom wun jolor bong ngho mbarr?" ³⁴ Mbor ble kpide-kpide. Mbor jol jor faba ne atem ngor mbarr gara ne nne nyor galor fu. ³⁵ Aba bime gor ndege, kok ishi igol-ne-ibal babong nebor, "Neyor me sheb ajol mgbogor mbarr, aba jolor ikukulor ngho waa fenghe jol ntamitom ka ane waa." ³⁶ Aba tap mon monshe yeme ngho igom bor, aba tabeh ngor abor ye, aba tag bor, ³⁷ "Nne we nji ndegendege nyor kolor monshe na ngor mbeng yama, abume kor, fufene jolor nne nyor kolor me, akorlem me nenting, tep ame kor ne nne yor tomor me." ³⁸ John ba bong nene, "Nkpele nkpele, uyen nne we nji ndege be kam ishashab afu jog ngor mbeng ya, ubame tepne na akayor tonor wurr." ³⁹ Jesu babong, "ka wune bam, teb nene nima lem ijom ngho mbeng yama, kpe mal ibongho ibebe gum meh." ⁴⁰ Neyor kabe tisheb ilam nenire, nnefonor re ka wurr. ⁴¹ Nne nyor ye wun ka igbangala alep nogor awor tep ne ashum gor idi Christi, tembaga nogor ntag wun, nromo nenyor nimba tana. ⁴² Nne nyor ye sheb nogor monshe nyor kpelor ntama yamah gbor, ilaga mbor tugor igboro utal ngor imel tabe roh kag ngor aya. ⁴³ Jolor uboba iyesheb nogor agbor, kem rogor. ilago nogor ayel gor ikpen ne ikikibe ubor , ukukobulor mbi abakpogor tan ne abor abal yel gor ngon mbi ikayor nime, aronrongho bor ijom kpor, ngon nene mal ba nime. ^{44 45} Jolor ara kpada ya iye wedka nogor agbor, kem rogor. Ilaga nogor ajol mbunor yel gor ikpen, ukukobulor mbi mbor yaba rogor kag gor ngon ne akpada abal abal. ^{46 47} Jolor imirr ta iyesheb nogor agbor, yarr yege. Ilaga nogor ayel ikun iborr Ishor ne imirr ntering, ukukobulor mbi mbor yaba rogor kag ngor ngon ne amirr abal abal, ⁴⁸ ngho idi aronfongho bor ika yor kpor, ne ngon ka yor nime. ⁴⁹ Felne, ngon iyebe kaga akang. ⁵⁰ Akang inunob, teb ne akang ibe tan iyebe te, nan aba leme ikpe jol akang? Fon wun akang ngho igom jine, ne wun jol tere ne atem."