1 Jesu yele ugbang fenghe jeng jel gor ateng ibugor-je. 2 Berr, mbor kor ba ka-ye mgbogor ijarr ne nom weh nongho gor ikpah. Na-ayeno ntama bor, Jesu ba bong neh mgbogor ijarr ne nom fonor "Monn, fon uyebe-tem. Abebe ya ibubak." 3 Iba yol na, ba yonnor awerr mba-dege iyor ba" Ne-nom wegha kpi bongho abebe. Jesu rirenghe ntobo bor fenghe 4 bong, nna-nor iwedor ka wun me torbo ichab-chab ntorbo ngho ntem yine. 5 Ka nten-tee igalore kpereng mbongho. Abebe yene ibubak, afi ngor ibong, tum yeme nor ajene. 6 Ngho fufene, aba yege na monn ne-mon kpelor igor ngha ndege nor abak abebe. abong ne mono for ijarr ne fonor " Tum yeme, tap ikpa jah nor ajong itek jah 7 Ngho igara ntor, aba tum yeme tum itek jah 8 Igara nti igom anne inye no ntingha, mbor ba fon ubol fenghe tege Ishor, weh kalor anne nkuk igor ntor. 9 Na Jesu jengho idi njingho chaga, ayen ne nom mbeng ye Mathew bumo-gor moni itaba ba gorgo akpandah. Ada bong nene, "torno me" Aba tum yeme tor ne 10 Na Jesu bumor ndege nor alee ijome lee-lee ngor itek, ikuklor je ba gorgo akpandah ne ba leme abebe iba lee ijome lee-lee ne Jesu ne ba tondulo beh. 11 Igara ndi aneb inyeno ijome fonor mbor ba bong ne ba tontlo beh, " nanor iwetoh ka mkbe-kbele wa meh lee ijome lee-lee ne ba gogor akapandah ne abebe 12 Igara nti Jesu yoegoh ntingha, a-bong, " aneh mba itunor ngor ngoepjio inyom cheb neh agum jengm mba imeh yahm. 13 Jong wun yi kpele ntingha na ijoe: Mkpe chebe imok nyalah chang: Tepne bmbalem nor mba koken aneb ufu gborong nor mbor tum abebe bor chaga, abebe ba" ' 14 Ngho igara tor ba tontulo John iba tor beh fenghe bong " nan-nor iwedo kah wurr ne aneb Pharisees iyor kono bumeh njal, nji ba tontulo ba ika bumeh njal?" 15 Jesu ba bong neh bor, abon aneb lome itaba ukonor-ibal iyima nongho iku nji akal bor ikbelor ku ne-bor? Jol nor yor atuu iba-baga igara nti mbor ba tara akal chaga bor, fufene igara ntor mbor ba bumeh njal. 18 Na Jesu yolo yor bong abodo nya-waa-ka-bor, renghe, igborone ayon-dege-ba kuma-rong ngor ndege ka-ye. Aba bong, "Monama weh nekal tor-kpi-mkpogor ngha tega-te-ga, tege ba nor aba lage ubor ba inyor aba nene. 19 Jesu ba tum yeme ngho igara tor tor-ne, neh ba tontulor beh fufene. 20 Renghe, ne gal weh nyenor utobo- along ngor igole ne ndah ibal ba ngor njim Jesu fenghe lage abor ngor Ishor iwurr-je. 21 Ngho, abong ka ijibe, "Jolor ma-lor laga bor ngor mbomo-ye ntege ba nobor". 22 Jesu tege ba jibe nyene, fenghe bong, mon nenkal, fon ukone-terr, atama-ya ba lem abu-nob. Fufene ne-kal fonor ba-nob ngho igara ntor. 23 Ngho igara ntor, Jesu rurr-ba ngor itek igboro-neh fonor aba yen ba goro utang ne igom ane feb ime lem igboro iyork. 24 Aba bong, chong tep neh mon-che nen-kal fonor ka-kpor akpi la-la. Mbor fenghe yole achol utangha. 25 Igara nti igom ane fonor ijogor idi-gbole, aba-yel itaba fonor fenghe fele gor ubor, ada tum yeme. 26 Ike-kala fonor iba jen lomo gor adi waa. 27 Na Jesu jengho idi jingho chaga, awaga amerr aneb-lome-ishi-ba itone. Mbor yor rann fenghe yor bong, fon uyene imok ka wurr mon David. 28 Igara nti Jesu be fenghe ba-itek, awaga amerr aneb lome fonor iba torbe, Jesu ba bong ne bor wurr abu-tama nana mal-ba leme nta? Mbor ba bong ne-ne "ay, Ntol" 29 Ngho igara ntor, Jesu ba laga bor abor ngor amerr bor fenghe bong nnor ilem ka wun gara ngor ntama yene 30 amerr bor irebe ngho igara fonor. Tep ne nor Jesu ba ka-igor dole ka-bor ba bong. Ka lem-ka nen den-dege kun gum nta. 31 Aneb lome fonor iba tum fenghe yi toro ike-kala fonor waa. 32 Na aneb lome ishi-bal mbor iyolo tum, ngho, ne-nom weh ka-ma bong weh ulim iyolor ka-ye ilam ba top Jesu. 33 Igara nti nin fonor be joke, ne-nom fonor ba kbep mbongho. Ikor iba tan igom ane fonor fenghe bong "Ntingha ika-jujol ngha Isreal. 34 Fufene, aneb Pharisees iyol bu-bong, "Ngor na ntol ulim ayo kam ulim 35 Jesu jen chebe agboro abugor fonor waa, ne abon abugor.Akpe yor kpele ngor ataba akobashi-bor, yor toro alome ikun iborr fenghe yor tele agbed ayam feb nya iyor jenghe ane ne agbed ayam nya ika jenghe. 36 Igara nti ayeno igom ane fonor aba fon uyene imok ka-bor, tep ne mbor jolor alam fenghe fon udogor akub. Mbor jolor na ujoro mbka-kpelor ngomgomo. 37 Aba bong ne ba tondulor beh, "mkpaga re-dole aneb mfangha ifenghe re teke. 38 Ngor ikuklor jom ndor idlor-dlor ka Ntol mkpaga inyor ngi aba tomo aneb- ifenghe ka ngor mkpaga ye"