1 Jesu Christykog ba tuntolor ber igol ne ane abal ba konashi fenghe kabor ikor ti fullor shenghe afu yah ika wellor, nogor mbor kam afu afu fonor hegeh, fenghe row bor wa ngor akpede abebe ayam nya mbor me yam. 2 Ngha tega abeng ba tuntolor igol ne anebal ijolor na. Nkpogor mbarr, Simom [Wer ayoba koge ne Peter,] Ne Andrew Ngbayeng, James mon Zebedee mbor John Ngbayen, 3 Philip ne Bartholomew, Thomas ne Mathew nkogor Akpanda, James Alphaeus, ne Thaddaeus; 4 Simon ne Zealot ne Judas Iscariot, wer nji yebe goror. 5 Igol ne ane abal Jesu tumor bor joke ka aba tep bor fenghe bong, " ka wun jinngor idi njendegedege nji anep Gentiles imenor. Fefene ka wun yel gor ibugor Samaritans, 6 Lop shong gor idi njoro nyi mbe tan ngor itaba Isreal; 7 Fefene na aba jegeh, turor alom afenghe bong na, 'ikon-iborr iba ikpedekped. 8 Lamaneb uyam, nyemeh akporkpor, row aneb abele afenghe kam ashashap afu; Aborabor akor aborabor kar. 9 Ka wun tap igold, isilver, afe icopper kag ngho akpogoro yenne. 10 Ka tap ibam ji ayokor ji ijen felle ngor ijen tor afe iworo njendegedege afi abodoakpada afi itete ijen, Tep ne nlame ifangha kpe ijomlili je. 11 Ibugor njendegedege nji ayelor shep ne nyor nobor ngho ibugor fornor nogor ajollor tete atum. 12 Na aba yelle itaba kag ngor kag nyor ne tere. 13 Njolor itaba fornor inobor, Nogor terre ja iba top be. Njolor ika nobor, nogor terre ja ifenghe ba torba. 14 Ka ane ba ika korla fenghe rangh atone ngor alom ya, igara ti alumo ngho itek jor afi ngho ibugor jor, Kom ibubu ji ilaga ngho abada. 15 Ngor itembaga mme mbu bong nena, imok ji ngor ndege Sodom ne Gomorrah ngor atu nlama iba nobor shenghe ti ngha ibugor nja. 16 "Brere mme bu wun tum jok na ujoror ngor igom abebe uyam, Fune ulongho na nyor afengha jol kpol na idogo. 17 Konor ane nterr! mbor ya ba taba ka ba lam alam fenghe dua ngor itaba aror. 18 Mbor yaba kogor ba gor idi anepkol ne atol tep ne mme, iba jolor na nteshe ka bor ne Gentiles 19 Mbor ya ga abor ka kpede na iba jolor afi ijom ji aba bongho, tep nenan ijom nji aba bongho iba jolor ka ngor igara funor. 20 Tep wor sheng iba ibongho, ufu nshuwa be be bongho ngobji ya 21 Agbayen iba yege ba ngbayen bor ka ngor iku, fefene nde ne mon, Abon iba yeme ne ba ndebor iyor nji na mbor ba laime mbor kpor. 22 Anem kpe ikorrow nne-nne tep ne mbeng yama. nne you fenghor bob item ji regor ikokolor, Ne yor ba funnor nnogor. 23 Mbor bongho abebe guma ngha ibugor ja, buk shong ngor njogor, tep ne ngor itembaga mbe bong ne na, Wor anemtogor ba ijene shang ngor abugor Isreal wa nogor Mon-Ishor kum ba 24 "Ntuntolor yom fu shengho kpekpele afi nrogor itom shanghe ada je. 25 Igegara nor gor ntuntolor nogor ajolna nkpekpele wer, fefene nrogor itom na aba je, njolor mbor be kog njontek itaba Beelzebul, nnan iba shaba na abeng nya mbor ba bor kogo na ane ba inennor ngho itek njor. 26 Tep ne nor ka bor ber, tep ne ijomjom ngor irem nji mbor ber shele nji itiba reber, fefene ijomjomirem njiibe shele nji nyege ti ba jorgo. 27 Ijom nji ntaga ne tu bong ne njol, fefene ijom nji ayogor terre ngho atone ya, bong kono ngor iborr ataba 28 Ka fun ubol mbor ba iyor yol ngogjo, ika ma yol ufu ukorkor ulop mbor fun ubol ka wer nji malba yollo ufu ne ngogji ngor ngone. 29 Ijolom abon aroke abal mbor gorror ngor abon ayerre? Ngho nyong degedege forum ji gor ndege iti jol ber nshuwa nyelem gara. 30 Fefene jol nnushi ya ngho ishi ja ikpe nfalla. 31 Ka fun ubal. Wor akpe ifan shenghe abon aroke feb 32 Tep ne nor, nnedegedege yor turor mer ka ane, me fefene mer mba ba toror ka ada jama ngor ikune-iborr. 33 Ngha nne yor ternor mer mgha ushemerr ane, mer baba itene ngho ushemerr nshu wama wer nji roror ngor ikun-iborr 34 "ka tubor wom ber mer mbala nogor nkor terrer ba-ngha ndege. Mbalam nogor nkor terre ba, shenghe nkperaja". 35 Ngha mme mbala nogor mba shumor mon ne nde tugor, ne mon nenkal ne nyen ne mon nekal nyor be bal nom ne nyen nomer. 36 Anep ujen ba iba jolor anep ba inennor nena ngho itek. 37 Nne yor funor ikor nde ne nyen shanghe ijama arem ka mme. Wer ji kpelor ikor aborn be shenghe itama arem kamer. 38 Nne yor ka tabor ijarr-ate je tunnor mme arem kame. 39 Nne yor be yeng ikpen te iba tana, fefene nne yor be tan ikpeng te tep ne mme, baaiyenne ikpen te 40 Nne yor kolla beba kor mer, fefene nne kollor mer beba kor wer ji tomor-mer. 41 Nne degedege nyor kolor nyen amerr ngor mbeng nyen amerr aba kogor nshele nyena amerr. Fefene nne yor kolor inonop nenom ngor mbeng inonop nnenom, aba kogo nshele inonop nnenom 42 Nne ndegendege nyor kalor mon nwereng ngha igom abon ba jolor idogo ananara alepnjereng ngho mbeng ntuntulor, tembaga mer mbe bong ka ikpem na ibaleme nshele ya, kum tan.