1 Yoror ba jol igara nti Jesu be ba mal njoro ba tuntolor be igol ne ane abal, aba tum idi jo shaga yor jikpele fenghe turor alom ngor abogor bor wa. 2 Ngha na John na yogor ngor ikun ngbagobor gara ne nlaime Christy, aba tum, itum shengor idi ba tuntolor 3 aba bong ba nene, "Wor yor areror weeji mer ba, afi ubere nyong ndege?" 4 Jesu fengha fenghe ba bong ne bor "shong wun nji turor ka John ijom nji wun yer-nor fenghe yok. 5 Awaga merr kpi yenne. Abornor kpi genne, anep abele kpi lada wele, atematon kpi yogo, akumme kpi yemer fenghe ba ngor ikpen, fefene alom ijor kpi turor ka anep akanya. 6 Uyebitem ijol ka nedegedege nyor mer ka ber ti liam ibaga. 7 Na alep loam ba ibalor ba tum fe, Jesu ba gbep mbong ne igom ane gun ne John, "Jen ji agogor ji ngor idi ika kpelor ate nogor sji yeng, nfeng malba neghe mon ite?" 8 fornor jen ji ayelor nogor aji yeng; Nnenom yor be kay adordog abodo? Ngor item baga, ane mba yor kag adodo yor nene ngor itek atol 9 Fornor jenji ajolor nor gor ajiyene nyenamerr? A mer be bong na shanghe na ba yennamerr, 10 Ngha wer yor ngha wwr nji iyornor gum, Bree mer ikpi tomor nrogor itum wama ba yema nghor ushemerr, wer nji ba jorow mbarr bom ka. 11 Mer kpi bongho ne na ika yemer nforngho nyendege tep ngor igom ane nekal bellor wer nji ba fugor shenghe John nwurro-alep. Tornor ngho ann nyor ka galor kpeh ifan ngor ikun-iborr, kel fullor shenghe na areror. 12 Gbep ngor atu John nwura-alep tete ngha ntega ikun-iborr kpi yenne abebe akonya nept abebe itara ngor ugban. 13 Fefene ba yenne amerr ne anep mbene ibe turror tete regor John, 14 fefene njolor abe laim item ta nogor attama, wer yor reror Elijah wer nji ba baga. 15 Ne yor kpelor atone yoyok nogor ayok. 16 Bijom nji mal ba kogor ba gara ne nfarm nyi ntega? irana abonshe mer shagashi ngor ujerre arre, mbor ba yor beme kog atem, 17 fefene bong, ube yorr iferenfe ka won, wun benem, wurr unongho iku won ramrem 18 John balor ayolem li nshage afi awar amen, 19 Mon Ishor ba yorr ba yor ba li fenghe yor war, mbor ba bong, bree mbep li yor ne worgor amen, Ntem ba korgor akpanda ne ba lime abegbag! gara ngho ukuna abaga iyor tep ngor nlame hen 20 Jesu ba yeye itulor yor shede abugor feb nya abaga utani ikor yer yorlor jol, tep nenan mbor ka yaga abor ngor abebe bor, 21 Ndongn jol ka won chorazin! Ndongn jol ka Bethsaida! Njolor utanikor ibelaim ngor Tyre ne Sidon nya iliamor nena kentega bor yagar abor ngor abebe itunja itunja ngor ajarjak abodo ne nsherenshi, 22 Fefene imok ba jolor ka Tyre ne Sidom ngor atu nlamma shenghe na iba jolor ka 23 Won Capernanum won kpi tobor won are iba won nep ber yuror ngor ikun-iborr? Kpemkpem won ba fenghe ba yell ala ndege. Njolor ngor Sodom mber liam utanikor fornor nya bor liamor ngor idi ja. ijol ba shaga nghe tete shake ilela. 24 Fefene mbe bong ne na iba jolor kpereng nogor ibugor Sodom ngor atu nlamma ka na war! 25 Ngho igara ntor Jesu ba bong me mba teck, Ada Ntol ikun-iborr ne ndege, tep ne nan war abolo abodo nyangha shaga nyege ne nkunor afenghe ba reber abodo nya ka aborn abornshe. 26 A ada iray inonob ngor nkpa ya. 27 Abodo waa ibe jol kamer sheg ngor idi ada jama, fefene nene yeme mon ya shangh Nde, fefene nene nyem Nde shangh mon yege nogor nnene. 28 Ba top mer won waa ba won be laime ifengha won ber kerrr, mer mba won ikaga uregashe. 29 Tep alarm yama, tep ne nan mer nnunop fenghe jol bemm ngor iteam, fefene war aba fornor uregashe ka ufu ba, 30 Ngor nan alarm jama iray kpereng ishol tama iray yaregara.