1 Igara nti Jesu Christy balo ngha ndege ngor igol, igom ane feb itone. 2 Ngho Igara nto ne abele yurr bah tobe afenghe bah reme ngo mboke me yor bong, "Ntol ada, jolor ikora ayimamer lem mbarr. 3 Jesu Christy ba tene ubor be tuge fenghe lage ubor bong". Ngho itulor-itulor abarr ngho abelo ye. 4 jesu Christy ba bong nene "berr ka bong igom-jome ka ne-nom nyon dendenge". Chong mbarr yah, tep ijiba ka nne Ishor ne aka-ye ijome-ji Moses kalor ikor nji iba jolor ntenche ka bor. 5 Igara nti ame ba ngor Capernaum, nne Centurion yurr ba tobe, yor gorr fenghe yor bong " 6 Ntol Ada nrogor itoam wa-ma bukbor ijarr nong-gor itek afenghe regor utanikor akanya". 7 Ngho ngara tor Jesu Christy ba bong ne ne, "me mab baga ba leme anop". 8 Ne Centurion fonor ba fanghe fenghe bong, Ntol Ada, me ngarim inyor aba yele itaba jame. Bubong ilome nrogor itom wa-ma ba nobo. 9 Ka me fufene me ne nom wer mbo be yege wer mkpelor ikor fenghe mpke ba gome mba irero ngo ndege ka me. Me mbu bong ka we ngha chong, aba tum, fenghe ka nne wer gor ba aba rorr ba fenghe ka nrogor itome wa-ma, Lem ntingha aba lem ntifono. 10 Igara nti Jesu Christy yogor ntingha, ikor iba tanne afenghe bong ka mba iyolo yor tor ne. "itaim- baga me mbu bong ka me nka yen nene ne nkuk natama ya ngho Isreal 11 Nnor ntaga, feb iba yuro ngor east ne ngor west, mbor fenghe ba bume ngo Ishi-ikpokokoro ne Abraham, Isacc, ne Jacob ngor ikon-iborr. 12 Fufene abon ikon iba jogo ngor igboro ijenghe ngho idi mbor yor ba faba abibi fenghe yor lee alole bor. 13 Jesu ba bong ne nne Centurion fonor chong! na wor abe tama nogo ijol ka. Ngho igara ntor nrogor itome fonor ba nob 14 Igara nti Jesu balor gor itek peter, aba yen nyen nkal peter nongho mer yam abele- amerr. 15 Jesu ba lag ubor ngor ubor ber, ibale-amerr iba joke shage. Ngho igara ntor aba tum yeme mkpebe ntege. 16 Igara nti igorr ibe gborr, nna fonor ikor anne feb mba ulim ime-borr lem ba ka Jesu. Aba kam ufor fonor shaga bor ne ilome fenghe lem ane ba ime-yam-wah inob. 17 Ngha mbarr nya irorow ne ilome ya Isaiah yen amerr bongho, ngha ibongho na, wer fonor taba ayam yere ngha nne. 18 Ngha ntiga igara nti Jesu yenor igom anne mba ichebe kak, aba kar ikor nnor mbo tum ngor mkpa agboro aya Galilee. 19 Ngho igara ntor aba nyonyonor iyurr ba tobe fenghe bong, mkpe-kpele, iyaba tunor ji gor idi jenden-denge nji wor afero. 20 Jesu ba bong ne ne "akpankang nne Abrembi ikpe mberr, arok nya gor iborr ifenghe atek, ikukulor je Mon-Ishor kpem idi ninene 21 Nne nwreng ngor igom ba tondulor beh ba bong nene Ntol Ada, yaga meh abor ntogor ji kpa nshu-wama kak. 22 Ngho, Jesu ba bong nene, tonor meh nor ayaga abor ane mba ibekbor ikpa- ijibor kak. 23 Igara nti Jesu ber yel ngor ukbang, ba tondululor be iba tone yell gor ateng ukbang fonor. 24 Ngho igboro nfend iba jol ngho agboro aya fonor, inyor nji ukbang fonor iba buloe ne nfeng. Ngho Jesu ba gbor ilor. 25 Ba tondulor be iba tobe ba yeme fenghe bong, "nok wurr, Ntol Ada, ukpi rongho ferr"! 26 Jesu ba bong ne bor "nano iwedor ka woh ame be, woh ne ntama tege?" Ngho igara nto aba tum yeme kam nfeng ne agboro aya fonor. Ngho igara nto nrede ba jol dole. 27 Ikor iba tan aneb fonor fenghe bong, "baar nkuk nne nom nom ngha, weh jol nfeng ne agboro aya ime kak?" 28 Igara nti Jesu be ba ngo mkpa nyogor ne gor ibugor Gadarenes, aneb lome ishi-bal mba ifonor ulim ngho ngopji itobe. Mbor yol jogo ngor alem fenghe jol abrr-abrr, inyor njene mbarr yon den-denge ti-ba jenghe ngho mbarr fonor. 29 Ngho, mbo rerr joke idi- gbole fenghe bong, "ba-ijome ugbelo nji umeh lem ne na wo Mon Ishor? Abala nor aba nenghe wurr nor igara fonor ikum lomor?" 30 Ngho, igom akomba feb ijolor ngho yor li-ijome-lili ijolem fe chaga bor. 31 Ulim fonor iyor goro Jesu te-te-te fenghe iyorbong. "Jolor ayegor wurr joke idi-gbole, tome wurr kak ngor igom akomba mba gor. 32 Jesu ba bong ne bor, "chong" ulim fonor iba joke yel gor igom akomba, Ngho ikuklor igom akomba mba ngho wah itobo joke jeng ngor mbarr nyi rero kporr tum ngor igol yel ngor agboro aya fenghe mgbor ngho alep fonor 33 Ane ba iyolo yor leh akomba fonor itobo tum. Ngor igboro ibugor fenghe toro ijome nchen den-denge tenghe kboke ijome nji ibe jol ne anep lome mba ulim ime boh lem. 34 Ngor ikuklor, agboro abugor waa ba top Jesu. Igara nti mbor yene mbor gore nor atum mkpa ibukgor bor shaga.