1 Ka-lam nne nogor mbo tia-lam. 2 Ngor nlama nyi wor aloma,mbo yaba lamma, nna yor aye ko, nyonor aba kogor 3 Nnan wor amme berre mon iririge ite nji iyobo ngbayi ngor imerr, wor ayenmen ijarite nji iyoba ngho ita imerr. 4 Nnan wor aba bongho nne ngbayi, mme ntoga yege mon iririge ite nyo yoba ngho imerr; nji ijarite iyoba ngho ita-imerr. 5 wun anneb udayha! gbo-imerr ayege ijarite nji iyob ngho ita-imerr, nyo wor aba-yene gbol yege irirrge ite nji iyobo ngbayi ngor imerr. 6 Ka-tap ijomji ireror kporong ka ubor, ka row ijom nji ikpelor-ifan bom ngho mbok akok. ika jolor ngho, mbo ba nyede fenghe fele keme worre-worre. 7 Bub, mbo ya-ba kaga. Jang, wor aba-yene. Kebbe, fufo iba rebbe kar. 8 Nne ndege-ndege nyor ye- bub, ayo ko,nne ndege-ndege nyo ye-jang ayo yen, fufo nne nyo ye kubbe iyor rebbe kae. 9 Afi yonor nyor igom jene, njege mona bebba ijomlili, wor ayebe kakar utal? 10 Afi mona bebbe iyam,, wor ayebe kaga nyo 11 Teb-ne-nor, iyejol mbe wun mba wun jo-lem abebe, wun yi na mbo ka abon-bo ateng tenghe abodo, nan iwedo ada ngor ukine-iborr tiba kaga anne mba iye bube iteng-tenghe abodo. 12 Tep-ne-nor, ijom nji aye shap anne ilem ka, wor baga leme kabor, nna-yo ibene nne ba yene amerr ibongho 13 Sheng-yel ngho mbo mi teke. Ngo-nan mbarr nyi kpang jor ko anne jigor idi ika-nobor, fufo anne irefeb mba ijor sheng ngho. 14 Tep nne mbo rea-teke, unene innonob ikpen, iyo- jek inene, ngha anne teke ba iyor-mali-yeleh 15 Kun nne ba-yene amerr nba ikah torro itembaga, mba ijor-ba idijar ngo udangha, ngo itembaga mbo malyaba yolo. 16 Ngo amogo bo wor ababo yigee. 17 Fufo innonob ite njendegedege, ijor tunghe annonob amogor, Fufor ashap-ashap ite ijor tunghe ashap-ashap amogor 18 Innonob ite inumalba tunghe ashab-ashab amogor, afi ashab-ashab ite imalba tunghe annonob amogor. 19 Ite jendegedege nji ika tunghe annonob amogor ubo keme row kag ngon. 20 Nne fufor, wor ababo renghe ngo amogor bor 21 Anne waa mba iyor kok mme "Ntol, Ntol" shang iba yelle ngor uken-iborr, sheng-num anne ba iyor lem na ada jere ngor uken-iborr bongho. 22 Anne feb iba-bongho nenama ngor ufonfo bor, "Ntol Ntol" worr ujolem torro gara ngor mbeng nya, ngo mbeng yah ukam ulom yegge, fenghe lem abaga utanni-kor ngor mbeng yah. 23 Mme mba reb-be gbol, mme nyima! Tum wun shaga mme, wun ba wun ka fon nkaga ka ibe-nne! 24 Tep-ne-nor, nedegedege nyo yok allom yama fenghe lem nna immebong renna nkanna-baga nne nyo nyolor itek ngo igboro utal. 25 Nfeng lem Ilep iba inna fenghe rorr alep bolow itaba waa, imanb gbor, ngor-nan ikon ngo gboro utal. 26 Fufo nne ndege-ndege nyo yogor alom yama fenghe lem tonor nna ikabongho rena ndamanne yor lemor itek ngor ndege ibubu. 27 Nfeng ye lem, nna ilep fenghe rorr alap bolor ibaba fonor, iba gbogor waa yel ndege 28 Ibajol igara nti Jesu bongho mal, ikor iba tan anne ba iyolor nor ngor nkpele ye. 29 Tep ne akpele bor nna nne nyo ikpeleor ikor, nna ba nyon-yonor shang