1 Ken nogor atibalime abaga nya-gbol tep anne ngor mbo-yen ijor nor wo annimba fonor ntege ngor idi-papa-ja nji reror ngor ikun-iborr. 2 Igara nti aye kar nkara, kar yorr ntay kay ila nna hypocrites ijolor-lem ngor idi jomundor bor nne ngor ayama mbarr, iyor anne ibabor tege. Itembaga mme mbongho nne-na, mborr fon ntege-bor mal. 3 Igara nti aye kar nkaga, kalem ubob-kal ba ikn ijom nji ubob-lom ba imme-kar. 4 Iyor nkagaya bajor ngor nshele. Ngha papa-ja nyor jo nyen ngor nshele yaba karga. 5 "Aye jum-ndor, kar jol nna annep udangha, nna ijor korr-ba nogor mbor yeme idi abon abarr inyo anna ibabor. Itembaga mme mbubong nne-na, mbo-bukor ntede-bor. 6 Wo, igara nti aye jum-dor, yel ngor atteng itaba. bam mbo nogor ajumpndor kar papa-ja, nyor reror ngor nshele. Ngha papa-ja nji juyen ngor nshele yaba kaga unnor. 7 Aye jum-ndor, kar bong nbongho nyi abetogor bongho nyi ikakpelo-ifen na ulem ijoleme, ngor nnan mbor tobor mbe Ishor babor yogo ngor allome mbornya mbo-mebong feb. 8 Nto, karjol nna mbor ngonan papa-ja niyi abado nya amme shep nogor wo akume beb. 9 Nto jum-ndor nna papa jerre nyor reror ngor iborr, nnogor mbeng ya fon nkaga nyi gbol. 10 Nnogor ikun-iborr ba iba. Nnogor ijol nna abe kono nnyor ngha ndege 11 Kar-worr agomlili ufofo, 12 Bag worr abebe yerre, na worr fofor ube bag anna mba illemo abebe gum worr. 13 kar-worr kag ngor nyongho, yege worr shaga nleme ashap-ashap 14 Wo aye bag anne ashap-ashap bor, papa-ja ngor iborr bangha yaba baga. 15 Wo akar bagor ashap-ashap bor, papa-ja nnema yaba baga ashap-ashap ya. 16 Igara nti amme bume ngal, kar bome ushi-merr ba nnaannep udangha ijolem, mbor bom ashimerr bor nogor anne ikon mbe mbo bum njal. itembaga mme nkpi-bongho nne mbo bu kor unnor bor mal. 17 Fufor wo igara njal, row ushimerr ba aftama akorr. 18 Iyo anne mbagor itiba kune mbe akpi bume njal, nogor pap-ja nenteng nyo reror ngor nshile abaga, fufor papa-ja nji jo yen ngor nshile yaba gaga unnor. 19 Kar-tab abodo nyaha wa bome illa ngha ndege, idi arrot iba felle renghe, nne ngor idi aju ibawaga fenghe yuu. 20 Ikokor njo tab abodo nyagha wa bome illa ngor ukinp iborr, mgor idi arrot affi atan ikao felle renghe, fufor ngor idi aju ikao wayel ji-yuu. 21 Ngho idi aboda ya ireror, item-ta iba- jolo ngho fufo. 22 Amerr ya ireror imolor ngobji. Tep-ne-no, jolor amerr ya innonob, ngboji ya wa ba jolor gbol. 23 Jolor amerr ya ika nobor, ngobji ya-waa ba rorro ne ijenghe. Tep-ne-no, jolor irana nji iyoba-nor ikenorre ijengho, nnan ijenghe njol iffulor. 24 Nne nwereng nnemer tamiltom kar anne abal, abai-tenne nne- nwereng, afi abajolo ka nnewereng fenghe ten nne-wegor. Animalba tunor Ishor nne aboda mfam. 25 Tep-ne-no, mme mbong, nne-nah, karka illa illam gum-ne ikpenta, ijomji abalige febghe woh, afi gum nne ngobji ya,ijom nji abakaga. ikpen innobum shenghe ijom-lillie, ngobji fullem shenghe aworror? 26 Bur-wun aok ngor iborr. mbom tar fenghe kpar afibom-ngor aken, Ada jere ngor ikun-iborr jor kar bor ijomlili. Wor akpem iffan shenghe bor? 27 Yon-no ngho wun bangho wa na wun mme kar ujipene illam malba bodo ikikibe ngho ikpen-te? 28 Nnan amme kar ijiba illam gara abodo ngobji? Tober gom anonob ate ngor iffu, nna mbor-fu. mbom-leme ifenghe, mbom kak awurre. 29 Mbong nne-na, jol Solomon ngo nnobor ye wa kagun awure ya annonob ate nnya-ya 30 Nna Ishor jor kak mbele awure ngo iffu, nya aba yene ijiba ubor-na mbor row kak ngo ngon, nan ayitiyaba kagor awure, wor ji apelor mon atamah. 31 Tap-ne-nor kar-ka ijiba illam fenghe bong, bajom uba-lige? afi bajom uba-wogor? afi ba-wure uba kaga? 32 Anneb Gentiles ijagha abodo nyagha, ada jere ngor ngo ikun-iborr yinyi mbe illilag uffon. 33 Gbor- barr ajang ikun-iborr ne uyemi dededeh ber nne abaga nya itornnor, abodo nyangha waa ibajolor aya. 34 Tep-ne- nor ka-kar ijiba illam gara ubona, ngo-nan ubona iba-berr ujibe. fel-ufufu ikpe ashab-ashab ka ujibe.