1 Igara nti Jesu yenor igom ane, aba yurr tom-ngor igol. Igara nti abe bemeh, ba tontolor-be ibatobe. 2 Aba rebe nyome yor kpele-bor yo bong, 3 Inya ijol ka bagbogor akanya ngho ufu. Ikun-iborr Ishor iba jolo kabo. 4 Inya ijol ka ba nogho-iku, nborba funo uyebe-item 5 Inya ijol ka bajolo-tere idege ba jolo nyebor. 6 Inya ijol ka aneb njal ne ikorr iyeme dedede mboba fonor roll. 7 Inya ijol ka bayen-imug, mboba funor uyen-imug. 8 Inya ijol ka anemba ireror gbol ngor-itame, mboba yen-Ishor. 9 Inya ijol ka baleme tereh, Mbobabor kogo abon-Ishor. 10 Inya ijol ka aneba mbubebor-yol ngor ushey uyemegbol ikun-iborr Ishor ba jolo kabor. 11 Inya ijol ka wor nji ane yor toa, yola, fenghe bong ashashab waa juma nonor ngo mbeh yama. 12 Gere nogor afeb, igboro nshehe reka ngho ikun-iborr. Nayor ane-iyolor ba yenanmerr mba igbolo mbarr nene-kawun. 13 Woyor areror akan ngho-ndige. Jolor akong ikakpelor kpe, nanor ikpemalba jolor akang? ikpem nob-ngor igomgom ishahem abuta, rogor nogar ane ikor akpuda shumotogor. 14 Woyor areror irana nfam, ibugo nji ikomo-ngbo igol nema shalee, 15 Afi ane ikay amolor fenghe tab shele ngor itetere, shaga idi imole iyoyeme, fenghe yah-ka nendigedige ngho ikantet. 16 Lame imolor-ja iyah ka-ane ijonji mboba yene nleme-ya fenghe teg nshua nyor reror ngor iborr. 17 Kawun tobor wunare nme nbu ba nogomba rongho mbeane bayen-amerr, Mbalem nogorn mba fele rongho, Mbala nogor mba lemtonor. 18 Iimbaga mme mbu bong kawun, tetete iborr ne ndege sheng tum, mon ijom njeren afi irurugor ijom inimalba jogo shaga nbane, tetete abaga ibukon. 19 Nghatiga nendegedege nyor gbolo mon ibene nweren nyo galoshe ngho nbene fenghe kpele ane nogor mbo lem-nnor, Mboyebekogo neyo galor sheh ngor ikun-iborr. Nendegedege nyor kogo neyor galor fu ngor ikun-iborr Ishor. 20 Na mbe wuu tag isheghem ujologbol bene ibushenghe ujologbol, Scribe ne pharisees, wor anema fun-nbrr yel ikun-iborr. 21 Wun buyok na ibongho kabor imeney, kawun yol',nendigedige nyor yolor ba jolor ufen-njama! 22 Ngha mme nkpe bongho nenene nendigedige nyor item iyame ne ngbayam ba jolor ufen-nlama! afi nendigedige nyor bongho ne ngbayen, wor-arem ijomjom ba jolor ngor ufen igom-nlama; nedegedede ngho bongho, mbeh wor ndamane! ba jolor ngo ufen ngon 23 Ngha ntega njol abekor nkaga yor ba gor ushemerr ikobashi abore ngho na ngbayi kpelor ilam nana, 24 Tum nkagaya shaga ngho ushemerr ikoashi, nogor afenghe shong. Ngbonbarr, lem ikonor ne ngbayi akum fenghe bakag nkagaya 25 Tamane ne-ilam-waa bababa nogor wun kumlomo ngor ishup. ikajolornor ne-alam wa bafenghe nena ka nlamlama, afi nlamalma ba fenghe nena ka baleme ifangha, wor mbor- yamarow kay ngor ngbaggor. 26 Timbaga me-nbubong ka wu animalba jogo ngho idinjor tetete abuka ikukulor akobo nya akpelo ikon. 27 Wun buyok na mbobongho mbeh kuyum nkal-ane. 28 Meh-nbu wuntay. neyor berror nenkal tere beh-yum ngor-iteamte. 29 Jolor imer uboblom-ba ilema nogor agbor yege wurugor. Inobor kawor ngor nkpaya yendege kpor nogor ngobji ya waa yel ngor ngon. 30 Jolor uboblom ba ilema nogor agbor, kem wurugor shaga. inobor ka wa nogor nkpaya yendege kpo nogor ngebji ha waa yelngor ngon. 31 Ibagha ba bong, nendigedge nyor kamor nkale tum akai ikpak nwerr umal-ibal. 32 Mer nbu bong nenene na nendegedege nyor malor-ibal na nkale, isheghem ngor nkpa uyoma-ari ayele-ayele, yor ileme ntara-alom ane. Nendegedege nyor kole igara nti abemal-ibal bulem buyum akalane. 33 Fefene wun buyok na ibongho ne ane imene, kawun tere nonononor, tab wun ntere-yene shong ka- ada. 34 Meh nbubong nenene, kawun tere kpukpul-waa afi ikun-iborr, tapnenant njiji irrror iteutol Ishor. 35 Afi ndege, njiji ireror ite kono-akpadaye afi Jerusalem, njiji ireror ibugor agboro atol, 36 Afi atere kono shhija,tapne wu animalba yagha nyushiya shere mbabara, afi nyayaga. 37 Nbonghoya jol na. ntamaya jol ntamay, nteneya jol inteney. Ijomjidegedege njinishanghonor shaga ijoga ngho nkpa nnim. 38 Wun buyok na ibongho. imerr ijol ka imerr, ilol ijolka ilol. 39 Ngha nme nkpi wun-taga, katen nleme abebe. Neyor roma ngor nkpa ukpogor nyeren sheibe nkpa ukpogor nyugor kai fefene. 40 Nendegedege nyor shebor nogor akor nkpid abor iwuru-ya neyor fefene bangha kai nrab-nbomo-ya. 41 Nendegedege nyor nura nbe atuge ikpidikpid, tuge gong. 42 Ka nendegedege nyor meshep nyor aborr ngor idija. 43 Wun buyok na ibongho lem ikorr akultek ya nogor anebujenba ishaba. 44 Meh nbuwuntag lem ikorr anebujengba nogor ajumdor ka anemba emayol, atintiye akokolo abodo nya itola, lem innonob ka amemba ayoshapbor. 45 Nogor wun jol abon ishunwene ngor reror ngor iborr. Weyor yolem njol nye yah ka ishashab ne innonob, afenghe tom ilep togor annonob ane ne ashashab ane. 46 Jolor afonor ikorr anemba? wun yem wunare anep akpanda iyobandha lem minor? 47 Jolor akagor ngbayi nyor nenten, nanor alemo shenghe anembagor? jol Gentiles iyobangha lem nor? 48 Wunba jolor kpekpe na nshuwene ngor iborr reror kpekpe.