Ikapk 4

1 Ngha innonob ufu ibatab Jesu jikag ngor ikankan ifu nogor nnim yoghe. 2 Igara nti abebeme njal njor ajol atelabal ne atu atelabal, njal bayameh. 3 Nyonyogho ba ba bong nene. "Jolor woyor areror Monishor, tab utal mba sharay nshege" 4 Jesu ba fenghe bong nene, "Na iyonor, nenemalba nene ngor nshege nenteng, ishaghem ngor alom nyandege yandege nya ijogor ngor nyob Ishor" 5 Nnem batabe tum ngor innonob ibugo tabe kome itaba nji igalogah,. 6 Abong neneh, "jolor wogor areror Mon-Ishor, row ijiba budor, na iyonor, abatomo barugitombe babera mboh yaba kpebe ngho aboboh, iyoh ayitiba kebe akpada ngor utal" 7 Jesu ba bong nene fufu na iyonor, "Wor katige yongho Ishor ada ja. 8 "Fufur, nnim ba tabe tumyor igaga igol atebe abodo nfamya waa ne annonod ye waa. 9 Aba bong nene, "Abodo nya waa meyaba kaka, ayegbor kumor arung kagme." 10 Ngha Jesu ba bong tageh, "Tumma idinja, nnim" na iyonor wor abakage Ishor Ada fenghe roge nenten. 11 Ngha nnim ba tomeshaga ba regor itom Ishor iba roge. 12 Ngha ntiga igara nti Jesu hogor mbeh mbobu fenghe ne John kah afenghe yel ngor Galilee. 13 Atumshaga Nazareth ji nene ngor Capernaum, nji irerokulor agboro aya Galilee ngho iyaga Zebulum ne Naphtali. 14 Ngha ileme gara nah iyena-merr Isaiah bongho. 15 Ndege Zebulum ne ndege Naphtali, fenghe ngor agboro aya sheng Jordan shaga, Galilee ngor Gentiles. 16 Ane mba ibamor ngor ijighe ibuyen igboro irana, ne ane mba ibemor igarr utugor iku, kabu irana ibuya. 17 Gbeb nghor igara ntor Jesu baybeb ntoro febghe yor bong, "Yagha wun ikun iborr ibuba ikpetikpet". 18 Na ayolor gen ngho aya Galilee, ayen ugayen ishi-ibal, Simon nyor mbokoge ne Peter, ne Andrew ngbayen, meror kay ngho agboro aya mbojolor ba bobor akobor. 19 Jesu ba bong nebor, "ba tonor nme,nme mbawun leme ba bob-ane" 20 Ngho idolo-idolor mbotum atumfo boshaga tone. 21 Na Jesu yolor genfero akpeba yen ugbayen ishi-bal, James mon Zebedee, ne John ngbayen. 22 Mbo-yobongho ugbang ne Zebede ndebor yojoro atumfo-bor.Akog-bor, idolo-idolor mbor tum ugbang ne ndebor shaga toneh. 23 Jesu bajen waa ngho Galilee, kpele ngor ataba akobashi, toro ayeyebe alom ikun-iborr, fenghe yor lem-ane akum ngor ayam yandige-yandede ngho igum-ane. 24 Akekalaye ibajen lomo ngor syria, ane ikumyor korba kai ane wae mba ulom imebotab, aneb nkongho, ne ba kpogor Ajarr, Jesu lembor mbor-nob. 25 Igboro igum ane gbeb ngho Galilee, Decapolis, Jerusalem ne Judea, sheng Jordan shaga