1 Atu nyagho John nwuru aleb yol toror ngor ikankan ifu Judea yorbong na, 2 "yangha wun, iku-ibor Ishor ire ikpet-ikpet". 3 Weyor Isaiah nyena-amerr yolor bong gume, mbeh,"ilom ikipkogo jok ngor ikankan ifu, Joro wun abarr gbe ada. lem wun abon abarr be iyeme dedede. 4 Ngha John gaga ikpakpaga amorr mbongkang ne ikpagaga igbanu shibe iboji kay ijomelili je ijolor agbankomete ne aleb ukan. 5 Ngha Jerusalem, Judea waa abuger waa ireror ngho shibe iya Jordan kay ijok batorbe. 6 Aba wurubor aleb ngho aya JordanMboturer abebaga bor 7 Nji aboloba nyen igom-ane Pharises ne saddueees mebatube negor awurobor aleb, nyonor nebor, "wun abon uyor-Akombat, nyonor yamo-wun mbeh wun to." 8 Ngho wun amogor ite nya inobor ngor nyagha. 9 Kawunkpe tobor yorbong ne ijibene, wurr ukpea Abraham na nde wereh. Mme nbubong nnenine menh Ishor malba yega abong ka Abraham jol jok ngor atal. 10 Ngho ntiga ifok ibukone ngor arock ate. ite njidegede nji ikatonghor anonob amoyor mborba kame-gbet tab rowkay ngor ngon. 11 Nme nkiwun wuru aleb ka nyangha. Neyor meba tonor nme fulor shenghe nme, nme nlomum iyorme yege ibod-akpada . Weh bawun wuru naleb innonob ufu ne ngon. 12 Ikoria nji ayokor fuy iyobe ngor ubor nogo okor fole idi dogor abodo nogor akpo nsham ye kay ngor ikun. Abatebe ifal ngor ngon-mi iyitimalba neme 13 Ngha Jesu ba yurr ngor Galilee ba ngor aya Jordan nogor John wure alep. 14 John ba sheb na ayebe shede, yorbong mbeh "menji abame wuror aleb wor afenghe ba tobe me?" 15 Jesu ba fenghe feghe bong kai, "yagabor ijol nor, ikukon kawurr ngor ulem waa na ibongho" Ngha John ba yaga-abor. 16 Nji abe wuru-aleb, Jeus shoroh jokshaga aleb, ngor itimbaba ikun-iborr ibarebe kai. abayen ufu Ishor imeba ngho nfogho ibel ba kone ngho ikpekpaga-ibeg. 17 Ngha, ilom iba jok ngor ikun-iborr ba bong na "Ngha mon nemon wama yor korome shishang. iyoyebeme nene.