Ikpak 2

1 ngi mgbor ber belor Jesu ngor Bethlehem, Judea, Herod yor jolor ntol ngho atu ya ngho, bayeghe-abaga ijok ngor mkpa nyi njol yor jok ibada ngor Jerusalem ba bep ber 2 wer ji mgbor mber bel mber Ntol jew yon? wuro ubu yen indogodo ye ngor mkpa nyi injol yo jok fufor ububa nogor uba tekge. 3 Igara nti Herod Ntol yokgor, iba-karilam ne Jerusalem waa mba ijolor nene 4 Herod bakok Atol Ndim ne bayonyor waa idijring fenghe ba beb bor "ngan mgbor ba-bele Christy? 5 mbor ba bong kahe ngor Bethlenham Judea, na yor ba yenne abrr iyonnor, 6 ka wor Bethlehem ngha ngdede Judea wun shang wun reror ikukulor anne mber iyo brr Judea, ngho igumjine ne Ngwering ba jokgo gom wun, nyor ba brr aneb Isreal. 7 Ngho Herod wele ba kok aneblom ba yeghe-baga ba beb ber ba. Igara nti nrogodo yor jokgor. 8 Aba tumbor tum ngor Bethlehem mber shong negor aji jang kpekpe ikporpordormon. Igara nti wun ber yen kor wun atortoro ba ga mme nyo nji mme babaga ba tege 9 ngi mbor ber yok Ntol, mbor batum fofor indogodo nyi mbor yennor ngor mkpa jol bormbok ka bor teter aba yembe idijring ngho idi mon ibele jolor. 10 Igara nti mbor yennor indogodo mbor gere ne-iboro uyebitem na kan. 11 mbor ba sheng yel ngor ating itaba ba yen mon ibele ne innonob maria nyo reror nyen. mbor ba gbor fenghe tege, mbor ba repbe akpogoro mbor fenghe ka'a mbaba Gold, Frankincense ne Myrrh. 12 Ishor ba reger mbor ngho ngreme mee mbor ti kpe fenghe ji ngor idi Herod, ngho mbor ba fenghe ngor abugor bor ngor mbrr nyiendege 13 Nji mbor balor tum, nrogor itom ada ba jok tep Joseph ngor nreme fenghe bong "tum yemeh tap mon ibele ne nyen nogor atobo shond Egypt. jol ngor tete ntaga. tep Herod ba janga mon ibele nogor a yol-le. 14 Ngho atumagho Joseph tumyeme fenghe tap mon ibele ne nyen tum-ngorEgypt. 15 Aba jol ngho tete Herod ba ikpor. ngho ileme gara na Ada bongho sheng ngor idi ba yen-abrr. "ngho Egypt mbu-kok mon neneom wawa" 16 Igara nti Herod balor yen na ba yeghe abaga iber rekge ndon item ba-shamber. Aba tom fenghe yol abon anaeblom ba jolor ngo bethlehem ne ijarr ibugor jor waa mba ireror nda-ibab ngor ukol fenghe ndegede. Igara nti bayeghe-ibongho kreded. 17 Ngho ijolor teap na yen-abrr Jeremiah bongho. 18 Ilom ba jok ngor Ramah, yor rerr ne iboro udongho iku, rachel yor rerr ka abon-ber fufor atenn mber mbor -tirwet, tep ne mbor gbem-re 19 Igara nti Herod ikpolor,nrogor itym Ada ba jok ngor nreme teap Joseph ngor Egypt fenghe bong, 20 "tum yemer nogor atap mon ne nyen fenghe shong ndege Isreal", mbor ba imme jang ikpen mon ibu ikpor, 21 Joseph tumyeme tap mon ne nyen, fenghe ba ngor ndege Isreal. 22 Igara nti abalor jok mber Archelaus yor jolor brr Judea ngor ikun-ntol Nde Herod, ubol iba-fele nji-ge ngho nji Ishor balor yamme ngor remer aba tum ngor ijarr ibuyor Galilee 23 fenghe nene ngor ibugor Nazareth ngha iteber sheng na ba yen-abrr ibongho mber mbor yeber kogo ne Nazarene.