1 Jesu kpeba bong nebor ngor ngan, abong-na, 2 ikun iborr ishor irena nol nyendege nyi-konor ikag-ibal kamone. 3 Aba-tom abon-inenobe nbe nborjikog anemba weh-tagobor nogor nborba ngor ikag-ibal, mboten nbaga. 4 Fefene ntol kpeba tom abon-inenebe nbagor, abong-na, "Tagwunbor nba ntagobor, breh, mebulam ijomlili igorr. Ufong ne ajojok agodobia yama, nboboyol, ne abodo waa ibukom. Bagor ikag ibal." 5 Mbor rangheme-aton nbor-rade shaga, nweren tum-ngor igbete, wegor tum-ngor are. 6 Mbagor ibob aboninene ntol, rege-nbor ndon, feghe yol-bor. 7 Ntol item-iyame, atom ashoja-ye jironghor bayolane feghe teb-ibugoboh. 8 Akumba bong-ne aboninebe, ukonibal iberi anemba nbortagobor kpem-ifan. 9 Nghantega, shong wungor idinbarr kpagho, kogwun nendegedege nyowunyene nogor aba ikag-ibal. 10 Abon-inenebe ibajok tumgor idi nbar kpagho nbor kok-anewaa mba nbor yenor, shashab ne anonob. Nghatiga nkpat itaba ukonibal ibaror ne agene. 11 Igara-nti ntol balor-bayel abere agene, aba yen nenom nweren ngho nyor kakago awuru ukonibal. 12 Ntol babong nene, mbe, nanor ayelogha nji akakpelor iwuru ukonibal? nenom-wor faghem-ibong. 13 Ngha ntol babong ne aben-inenebe, gbawun nenomwa abor ne akpade nogor wun royjok kagor igeghe, idi ayoba rere fenghe-yor le-alol. 14 Ikoko anefeb, feghe yege tekeh. 15 Ngha anep pharisees batum-jilam na nboba bobor Jesu ngho nbong-ye. 16 Nbobatom batontonoboh toge bodoneh Herodians. Mbobabong ne Jesu, Nkpekpele uyiyi na ayoturor itimbaga, afeghe kpele nbarr ishor ngor itimnaga. ayomragha atom ngor ntobor ane, ayumbagha tap-ngakorr kane. 17 Tag-wurr, nan-ametobor? ikpe-ibene nogor ata-ikpanda ka "Caesar's" afi-iyah. 18 Ngha Jesu ba-nyi ashashabor feghe bong, "nanowun meme-yogho, wun hypocrites? 19 Tapwun-nme ikobo nji wun-mekota ikpanda "Nbobakor ikobo fonoh batebe. 20 Jesu Bong nebor, ushimerr ne nbeng yonor lagor ngha? 21 Nbofaghe "Caesar's" Jesu babong nebor, kawun caeser's ijomji ireror ka ceaser's nogor wun ka ishor ijomji ireror ka-ishor. 22 Nji nbor-yogo, ikoh-ibatanbor. mboba tumeshaga tum. 23 Ngho ufunfu-nbor sadducees nbandege, nba-ibongho-nbeh uyeme-joke idigbol irem, batobe, nboba bebeh. 24 Bong na, nkpekpele, Moses bongho nbeh, jolor nenom yekpo, nyor kakpelor abon, ngbayen yor nenom tegeba-aba nkale-kor bel abon ka ngbayen. 25 Ijolor ugbayen ishi-irimini. Ngbor-nbarr kor-nkal aba kpo. Afonem-nmon nyendigedige, atom-nkale shaga ngbayen. 26 Igbobolo-ibal ngbayen balen-ninor, ibajol ninor ne igbobolo-irah, ijilino-njor igbobolo irimini ngbeyen. 27 Nji-ibebajol kabor-nowaa nenkal fonor bakpo. 28 Ngha ntega, ntega, ngor igara uyime jok-idigbol, nyonor abajolor nkale ngho-igom agbayen arimini-nba? tapne nbo-waa ibekor. 29 Jesu ba fangha, bongnebor, wun bushodor apnenan wunyem na iyoboyo ngor nbon-ibene afi ikoh-ishor. 30 Ngor uyemejok-idigbol nbomko-akal afi tap-aneka nbokobor. ngha nborene angel ngor iborr. 31 Tono-ngho nyemejok-idigbol iku, wun kakok na ishor bongho neneneh, abongho-na, 32 meyor nreror ishor Abraham, ishor Isaac, ne ishor Jocob? Ishor, ishor iku shang ishor ikpen-tii. 33 Igara nti igom-ane iyogoh-na, ikor-ibatanbor ngoh nkpele ye. 34 Igara nti anep Pharisees iyogor na Jesu be bele-anep sadducees, nbobafeghe waa bajol idinjiren. 35 Neboweren nyor yelor-nbene, bebeh-nbebe nogor-ayoghe. 36 Nkpekpele, ba-ibene igalifu ngor nwerr nbene? 37 Jesu babong nene,, Lame ikorr ada ishor-ja ne itemta waa ne ufu ba waa ne ntoboya waa. 38 Njaji igalofu feghe jol ngbo-nbarr ibene. 39 Igbobolo-ibal nbene ifogho-ntor-lame ikorr ntema na wofonor. 40 Mbeneya-lbal yi-isholor nbene waa ne. Mbene ye-lbal yi-isholor nbene wa na uyenamerr; 41 Ngha Igara-nti Pharisees ikpelor ku-ne-atem ngor-igom, Jesu babebor nbebe, 42 Abong, nanowun me tobor gum Christy? Mon-nyonor? Nbobabong tageg "wor mon David" 43 Jesu babong nebor, "nange David nghor ufu kokgene ada, yobongh, 44 Ada babong ka adajama, bemeh ngha uboblom bama, tetete nme nlem-aneb-ujenba ijol akpada ie ya"? 45 Jolor David kogo Christy ada; nano-areror mon David? 46 Nene mam-mefangha ibong, nene kpem-nme beb-nbebe gbeb ngho ifunfu nbor