Ikpak 21

1 Na Jesu ne nah tondulor be ilo-mor-gor Jerusalem fennghe ba gor Bathphage jeng lomo gor igole olives, ngho igara-ntor Jesu ba tome ba tondulor-be ishi-bal, 2 yor bong nbor jong ngor mon ibugor wegor, ngho aba yene mbor-nkang idulor-idulor weh mbor gba-le-lega ngho ne mo-ne fungho-bor ne ako-bor-ba ka-me. 3 Jolor ne nyon-den-dege bongho ijome njen den-dege gum ntingho wor aba bongho na, "Ntol ada kpi bor chebe ngho idulor-idulor, ne fonor ba bor yaga abor-mbor ba ne-na. 4 Ngha ntingha ijolor mbe ilome ibong nti ijo gor jeng ngor nyene amerr imal ba jolor nor Abong, 5 "Taak mon-negal Zion, brer, ntol ya kpi-baga ba toba rede iji-ba nor afeng ngor mbo-nkang, ngor nom mon mbo-nkang, mon Mbo-nkang nenom afi nengal." 6 Ngho igara ntor ba tondulor beh iba-tum yi-lem- na Jesu tagorbor. 7 Mbor kor mbo-nkang fonor ba ne mon mbo-nkang weh ne nom fenghe bolo bor ne arap-rap awuror Jesu fenghe bume ngho iborr awwuror fonor. 8 Igom-ane mban-dege iyala awuror bor ngor mbarr, mbagor ikem abubor ngor ateh fenghe yalah gor mbarr. 9 Ngho igara Ntor igom ane bah igbolor mbarr ka Jesu neh ba ittone iyor raan. Hosanna ijol ka mon David Inya ijol ka ne-nyo balor ngor mbeng Ada! nttege ngor iborr!" 10 Igara-nti Jesu balor gor Ateng Jerusalem, igboro ibugor wah iyor brre fenghe bong, "nyonor ngha?" 11 Igom ane fonor iba fangho, "ngha Jesu nyene amerr Nazareth ngor Galilee." 12 Ngho Jesu ba yel ngor itaba ndor Anem-ba iyolor gonoe fenghe goroe ngor itaba ishor, fenghe tap akpoekogoro shere uyangha akobo ne atae ba goro adu-gbe-nye akam bor waa joke. 13 Aba bong ne bor," inyono na, itek jama iba komo itek ndor abu-fenghe lem itek jama itek ugbe akaka-fem. 14 Igara-ntor ba waga amerr ne abunor iba tor be ngor itaba ikobashi afenghe lem mbor nob. 15 Fufene igara nti ntol adim ne ba yon-yono inyeno utanigor abagah nya alem ne igara nti mbor yogor abonshe ime raan ngor itaba ikboshi, fenghe yor bong, "nte ge jol ka mon David, "item ibayam bor dole. 16 Mbor bong nene ayuyoke ijome-nji mmome bong? "Jesu bong nebor, " Jesu bong nebor, ay! "abuege koke ngor nyop abonshe-teke ne mba imeyaba abel na wor abe loke ngobji ba meh tege? 17 Ngho igara tor Jesu ba tum bor shagar fenghe joke shaga ibugor fonor tum ngor Bethany yikarr atuu mrreng ngho. 18 Ngho igara-tor njor ba yame na afengho gor ibugor fonor ba nefomfo. 19 Na ayeno ite-nji iyor tongho amogor ngho mkpa mbarr, aba jen-ji afengm yen ijome- jome ngho ite fonor shengm nyana-ye. Aba bong ne ite fonor "WOr anim tege kpeh fon amogor ngor ikpen-ikenkeng ngho idulor-idulor ite amogor fonor" ikome nyana. 20 Igara nti ba tondulor iyeno ite fonor, Ikor-itan bor fenghe bong, "Nanor iwedo ka ite amogor njo ikomoe nyana-ye idulor idulor?" 21 Jesu ba fangho fenghe tak bor , me mkpe-la itaga ngor itembaga, jolor akpelor ntama ne atifon nrara, animba nti ijolor neh ite amogor nti ti-ti wor afenghe ba bongho neh igole nta, iba tumo yeme fenghe yel gor agboro alipi ifenghe ba jolor nor. 22 Ijome nji wor achebor ngor ntor, fon ntoma, wor aba fono 23 Igara nti Jesu be fenghe ba ngor itaba ikobashi, ntel adim ne anepkol ane iba tobe na ayolor yor kpele fenghe bong, "Ngor baeh ikor alemo abodo nya ne nyonor kala ikor nta." 24 Jesu ba fangha fenghe bong nebor, "fufene me nyaba bebe mbebe nyreng. Jolor afangho me nyaba aka ikor nti nyor gor lem abodo nya 25 Uwurr alip John-ngan iyoro ba? iiyurr ikun iborr afi ane? Mbor yaba toro ne-ijibor yor bong, jolor wurr ubongho mbe iyurr ikun iborr aba bongho ka wurr, nenor iwedoka aka tama tuge? 26 Jolor ubongho me iyuee idi ane ubube igom, tep ne mbor yoll bre John na nyene amerr. 27 Ngho igara ntor mbor ba fangha Jesu fenghe bong, wurr uyim, Akpeh bong nebor, Nor nkumatak idi nyor kor-ikor lem abodo nga. Nan wor atobo? 28 Nenom fonor abon-anelome abel. Ajigor idi mgbombarr yi tage. Mon jong aji lem-ifangha ngor ikpeh. 29 Mone ba fanghe, me nimba jege, ngho aba yangha itemte fenghe tum. 30 Igara nti ntor ibe jeng ne nom fonor kpeh rurr ji go idiigbolo ibal mon kpeh tak ijome-jor pii, afanghe fenghe bong, meh mba jege ada ikukloje afengm ji. 31 Nyonor ngho abonba iji bal lemor ifangha nde? Mbor ba fangha, mgbonbarr mon. Jesu ba bong nebor, itembaga-ji meh mkpi bongho ka, ba kogor akpandah ne ba leme akparah iba yeleh ngor ihun iborr nor wor akum yell. 32 Tep ne John bala ka ngor iten-tenghe mbarr, ayolim fenghe tama-tugeh. Ba kogor akpandah ne ba leme akparah bor iyolor fenghe tama tugor. Fufene jol na ayeno nta, atehim mah yangha fenge tama tuge. 33 Rangha atong ngor igan ntogor. Ifonor nenom, weh fono ndege. Aba ta ikbeh, ba tope igah ajongho kak, kpa njin amum kak, tope igboro itaba fenghe tap yama ba taga mbe. Ngho igara ntor aba tum yell gor ibugor njen-tege. 34 Igara nti igara mkpaga amogor te fonor ilomoe, aba tome ba rogor itome mban-tege aneb mgbe fonor nor mbor-ji kor amogor atae. 35 Ba taga mgbe fonor iba tap ba rogor itome be duu nwerreng, yole wegor fenghe yor tope mbagor atal ngor ne-nwerreng nwerreng. 36 Fufene, mfonor kpeh tome ba rogor itome be-mbagor ifuu shenghe mba mgbombarr, mbor kper lem nebor na mbor lemoneh ba mgbombarr. 37 Igara nti nti ntor ibeh jeng, akpe tome uwer mon tugor bor, fenghe bong na. Mbor yaba kaga monama; 38 Igara nti ba aga mgbe inyeno mon fono, mbor ba bong ne-iji bor, ngha ntol yi ba wun, uyoele nor utap abodo yeh. 39 Mbor ba tabe down joke gor igbeh fenghe yoele. 40 Igara nti mfono igbeh fonor ba baga, ba-ijome aba leme ne ba taga mgbe fonor? 41 Mbor ba bong nene, Aba rongho aneb lome-mba irero akanya-akanya ngho icha-chab mbarr, fenghe tap igbeh fonor yama ba taga mgbe bagor. anab-lome ba iyebe kaga aye agome li-li igbe ngho igara mkpaga. 43 Ngor ikuklor, mbubong ka, ikun iborr iba tara shaga ifenghe ba jolor ka igboro ibugor nji-ba tonghi amogor. 44 Nen den-denge wer gbolor ngho utal mba ba bunor jege-jege. Afi nen-den-denge wer utal fonor igbolor nyede iyebe gorgor. 45 Igara nti ntol adim neh aneb pharisees iyoego ngan ye mbor renghe mbe akpi bongho gum-bor. 46 Yor kof-ikor nor mbor bobe, mbor yol bele igum ane, tep ne ane fonor iyol yene na nyene amerr