Ikpak 20

1 "Ikung iborr iray na nfunor ndege you ber forr joke ne funfo ji kor anep ifangha ba gor igbete. 2 Igara ti abeba tama ukon ne annep ifangha ber ngor ishereng jereng ngor ufunfo, Aba tum bor ka ngor igbe. 3 A kpeba jok ngor igara nti iber shong ihour ira, kpe ji nyeng anep ifangha mbandege, iyemor nor ji ngor ujere are. 4 Ka bor aba bong won fefene shong won ngor igbe mer ba won ikaga njor ji ilagor ngho mbor ba tum ji laim ifangha. 5 Fefene akpe ba jok ngor igara ti ihour irara, ne igara ti ber shang ihour irrumorgol, kpe ji laim nor kredede. 6 Isheng tereng akpe ba jok ngor igara ti be kpe shang igol ner ihour jereng kpe ji yeng mbandege kelor yem nor ji, aba bong nebor. Nan iwedor ka won yemor ngha idi ja nor ji ufunfu ba wa? 7 Mbor ba fangha, tep ne nan nnene ka ba kor wor. "Aba bong nebor won fefene shong won ngor igbe 8 Igara ti igorr ibe ba nfunor igbe ba bong ne mbrer ifangha wer kok ba lami fangha nogor ba ka ber ayerr, kpep ngor nyor ikokulor ji regor wer ngbor barr. 9 Igara ti anep ifangha ba ibalor ngor igara igol ne inour jureng iber ba kor ishereng njereng-njereng. 10 Igara yi nyboyor mbarr anep ifangha ber ba bor tubor ber kogor shang anep ikukulor, mbor ba kolor ishereng jereng-jereng fefene. 11 Igara ti mber ber ba kor ayerr bor mbor ba bom nfonor ndege ilam. 12 Ba bong ne ifangha wer ikukulor wer betam ifangha ngor ihour jeneng kenne, ber laim ne nere keredede, wor ba ube yorbor njol yobo ijujolo 13 Mfonor ba fangha bong na,ka ne ifangha nwereng mbe nka lama ishashap, wor atamen nenama ngor ishereng njereng? 14 Kor ji irayor ka nogor ashap mbarr ya mefornor yor ikoro mer nogor aka nne ikukulor keredede ne na. 15 Atamena wom ber ibane ti ka mer, nogor nlaim na ikoromer, ne ijom ji irero ka mer afe amerr ya ulem bi, tep ne nan nnenop? 16 Ngha, nne ikukulor bar jolor ngbor-barr, Ngbor-barr, ba jolor nne ikukulor". Ikogo dou, fenghe yege teke. 17 Na Jesu yolor tum ngor Jerusalem aba tap ba tuntulor ber tanor, igara ti bor faror aba bong nebor, 18 Bree worr uferr ngor Jerusalem, ngha mon ishor mbor ba fenghe nene ka atol nyala ne anep scribes. Mbor yebe rungho ngor iku 19 jefene bor kpe ba fenghe nene ka anep Gentiles nogor bor yorge due fenghe jole. Ngor atu ara aba yemer joke" 20 Ngha nyeng mon nne nom Zebedee yorr ba top Jesu ne monner aba kumor ka fengha ba bep ijom ngor idi jer. 21 Jesu ba bong nene, jenji amer shep? a ba bong nene, ka ikor shang na are aborn bama ba abal iba ibemer nwereng ngor ubangha ubob, lom wer gor ngor ubangha ubob kal ngor ikung ja. 22 Ngha Jesus ba fangha bong na nyem ijom ji amer beb, arera iyor ji aba wogor idogo nji na mer yagor wor? mbor ba fangha worr mal ba lemer nor. 23 Aba bong nebor ilogo jama won mal ba wogor. Gara ngor mbeme ngor ubob lo afe ubob kal irem ka mer nngor nka, ireka aneba nshuwama beber juro bom. 24 Igara ti ba tuntuor bagor isti gol ibalor ba yoke ibaga funor item iba shap bor ne ba ngbayena bor banghor ishi pal. 25 Jesu ba kog bor ba top ijibe ba bong, won yayi won are ndol Gentiles tobor bolo bor wa fefene ane bor ba ikpelor igan ifunikor bolor bolo bor wa fefene. 26 Ngha inem ba jolor mboro nya nya igom jene ne yor shebor nogor afon ishashap ngha igom jene aba jolor ntami itom wene 27 fefene ne yor shebor ajol ngbor-barr nya igom jene ba jolor nrogor itom wener. 28 Irana mon ishor ka balor nogor bor roge itom we ba rogor nogor afenghe ne ikpen te ka na njoro ka ane wa. 29 Na mbor balar ba joke shaga Jericho, igom ane na feb iba torne. 30 Ifornor awagar merr aneplom ishi bal ibemor ngho ngha barr igara ti mbor ba yok ber Jesu kpi shangha mbor ba rann "Ntol mon David fun uyenimok ka wurr" 31 igom ane nji jolor ngho iba shede bor yor tak bor ber boi bolo ayer, mbor ba rarr na kpoo shangh na iyoyoyogo ntol mon David fun uyenimok kawurr. 32 Ngha Jesu shaga yeme ba kog bor ba bong, "ba jom won mer shep nogor mer laim kawan?" 33 Nbor ba bong nene ntol kpe shebe nogor amerr yere irebe." 34 Na Jesu tumor ne ujenimok aba laga bor abor ngor amerr, ngho iduluidulor bor ba yeng shoro turol tomne.