Ikpak 19

1 J bala ba jol igara nti Jesu be mal alom her abala tum ngor Galilee fenghe ngor ibugor Judea shang aya Judan shaga. 2 Igburu igorr ane iba tunne alaini bor bo nop. 3 Pharisees iyoro na torbe yor ba yonghe, yor bong ne ne na, "ikpekpe ibaine nogor nne nom mal-ibal ne nkalle nji ibabuga ikabor ti kpor?". 4 Jesu ba fangha bor won ka coke yok mbe nne yor laimobor nyor iyegetulor lamebor nnenom ne nenkal. 5 Nne yor laimobor kpel ba la ba bong na, mber tep nenor, nnenom ba itumor nde bone nyen shaga ji top nenkal fefene bor ba baga ba jol ngoji nyereng. 6 Fefene bor kpem ray ane abal bor fenghe sharay ngoji nyereng tep ne nor ijom jendegedege nji ishor ber bodo ne atem nene ti fele yab shaga atem". 7 Mbor ba bong nene, nan iwedoka Moses be worr ka ikor ber ufenghe ne akpanweir umal-ibal kar nogor ukamer shong shang? 8 A bong nebor tep ne utunor item benne Moses bu-won yaga abor nogor won kam akal bene. ngha ngor iyegetulor ijolem na. 9 Mer mbu bong ne nene ne-ndegedege wer malor ibal ne nkal-le itilor jol ngor ulangho ne anep lom ayelayele afe ji bal nendege, ulaimi ibebag nden" fefene nne nom yor bagor ji kor mborro nenkal yor be ba laim ibebag nden 10 Ba tuntolor iba bong ne Jesu ar njolor nor jor ireror ka nenom mbor ne nkale ilagem nogor ne kor nkal 11 "Jesu bong nebor" Nnendege shang ba tama ilom ibang ta shang mbor ba ireror ka bor. 12 Fefene ikpe aneba ika kpelor adogor ifanghe kpeb ngor ala ba nyen-bor fefene ikpe ane ba ika kpelor adogor nti iyonor gor nlame nne, ikpe ane ba ibomor iji bor nor tep ne ikung iborr. Nne degedge yor be mali itama nkpele nya nogor atama. 13 Mbor kollor abom abomshe ba ka ngor akono bor ubor ngho ashi jom der ba tuntolor be yor ba shede bor. 14 Jesu ba bong "yaga won abonshe ba, fefeme ka won teng won are naborr ti ba top mer tep nenan ikung iborr ireka mboro nyor" 15 Afenghe ne abor ye konno abonshe, ikukulor je aba tum turu idi ijor shaga. 16 Tembaga nenom yuro ba top Jesu ba bong, "Nkpekpele ba itentengh ijom nji mer mal ba llaime nogor nfun ikpen ti ika kpelor ikumkpok? 17 Jesus ba bong nene, "Nan iwedor aba mer bepber gum inanop? Njereng kene ji inobor nogor ntaga njolor ayagor yul ngor ikpen, bom mbene". 18 Nenom fornor ba bong ne-ne ba mbene? " Jesu ba bong ka yol, ka laim ibebag nden, ka yu uju, ka yeme ntenshe ntema ngor umemala, 19 fun nkaga ka nshua bone nyua nogor afenghe fun ikor tema na ita war fornor. 20 Njankone ba bong tuge, nyangha wa mer be fun nkaga ka ntenty nkpe ba ishebe? 21 Jesu bong tage nyolor amer shep oyol kpol, shong aji gorro abodo ya nya akpelor, nogor afenghe neya ka anep akanya, alaimor nor wor aba funor abodo feb ngho ikung iborr, fefene ba aba tunnor mer". 22 Igara nti njankon ber yok ijom ji Jesus ber bong, aba fengh tum imokimok, tep ne nan akpe bodo feb. 23 Jesu ba bong ne ba tuntulor ber, ngor item baga mer be bong ne nene, ikpe ijejeg nogor igboro ne mali iyele ikung iborr 24 fefene mbu won kpe tak, irany kpereng nogor nyam shortaka shang ngor ibangha uya nogor igboro nne mali iyele ngor ikung iborr ishor. 25 Igara ti ba tuntolor iber ba yok ijom ji ikor iba tan bor mbor ba bong, ntega ja jor nor mal ba funor nnogor? 26 Jesu ba berre bor ba bong, tunor ne anne inem-mal-ba laime ifangha, fengh ngor idi ishor abaga wa ire ikpereng. 27 Peter ba fangha bong nene na. Bres worr ubu tum yom-njendegedege shaga ba tunna, ntega jenji worr uba fannor?" 28 Jesu ba bong nebor ngor itembaga buwon tak igara ikpi baga nti mon ishor ba ibemer ngor inornop itembaga je, inor ji abe mer turnor fefene ababa bemer ngho item-baga igol ne-bal, yor lam igol ne ibugor ibal ngor Israel . 29 Nne degedege wer be tum itek je shaga, ba nybayen ba alep nom, neba anep kal, ba nte, ba nyen aborn afe ndege tap ne mbeng yama aba fornor nkpel atel-aron fu na kang shenghe fenghe fun ikpen ti ka kpelor ikukulor. 30 Feb-feb ba ikpolor barr iba fenghe kell njem, mba kellor njem iba fenghe kpor mbarr.