1 Ngho igara ntor ba tuntule iba gor idi Jesu ba bong, Nyonor galor fu ngor ukeniborr?" 2 Jesu kok monsher te kee, jolor igom bor, 3 abong, itembaga ji mme bong, shengoi mbe abu fenghe bajol na awuwerre abon-she, wo anommal bar yele ngor uken-iborr. 4 Tep-ne-no, nne-dege-ndege nyor yejol te rre na mon-shi shige mon wengha, weyo galor fu ngor uken-iborr. 5 Nne dege-dege nyo ye jol mon -she ngor mbem yama bumekor- 6 Nne-degedege nyor yelem mon-she nworren ngha mba ijor tamma tegeme yo-gbor, ibanobor nogor mbor kenne igborro utal gor-gor abodo ngho tmel row kak agboro alep. 7 Inamba nobor nne nfam ngor asha-shap iba-nobor nogor asha-shap iba, itinop nne-neyor le mor asha-shap ibalor. 8 Jolor abor ya affi akpada iye-wed alleni isha-shap, keme wuro gor ferr shaga-illa 9 Jolor ammerr ya iwedor allem isha-shap, yige wurogor fer shaga-illa ibanobor nogor wo ayel uken-iborr nne immerr nterong, iko-kor nji wo abayel ngon nne abor abal 10 Wo ka-ten nendege-ndege ngha igom abonshe mba. Mme nkpi bongho me ne ngor ukem-iborr ba rogitom ijor burre ushimurr nshuwurr nyo-gor uken-iborr. 11 Mon ishor balla nogor aba nog njor nji ibetan 12 Nanor wo at tobor? Jolor wo akpelor u jo no atul-arron, nwureng ba-tan, amom ba yagalborr ngor atul-annt ne ikurr ne anni ngor nkpa igolor, ji jang nyor be tanna? 13 Aye yem, ngor itembaga nji mma tark, item iye be ye be ngho nwurengnyo abe-yen shenge atul-anni nne ikurr nne anni mba ikatano. 14 Ngha fufor, ijom karr nshua ngor uken-uborr nogor monshe yondege-ndege kporr-tan. 15 Jolor ngbayi lemor ibebe gomma, shong targe nji wor ne-we won re rrow nenteng. Aye rangha attong, nnobor ba baga kar wo nne ngbayi. 16 Jolor aka rangha attong, tab nne wurreng affi ishi ibbal shong nne-na, iyo ngor nyo ishi ibal affi ishi ira iba yeme nna attenshe. 17 Jolor aka yoga, ko ilam fonor ji ikobashi. Jolor akakpelo rangha ikobashi attong, a jol kar nna nne-yor kao tamma tugge ishor nne nkogor akpanda. 18 Mkpe-tataga item-baga, ijom njin-degendege nji iye tamma ngha ndege iba ten-ne ngor uken-iborr, ijom njin-degen-dege nji wo aye yagabor ngha ndege iba-jolor nnor ngor uken-iborr. 19 Mne bakpe tark, won anne abal won-ye tama ngha ndege gara nne ijom nji mbo-ye bub, nshu-wama nyo rerow ngor uken-iborr ba-leme ka-bor. 20 Ngho idi anne abal affi anne arra irrerow idi-njereng ngor mbeng yama, mme mba jolor ngho nebor" 21 Peter ba-bong nne Jesu, "Ntol, nkpel ibek ngba-yen-jama ye leme isha-shap gom-me nyebe ba-ga? Nkpel iriminie? 22 Jesus bong nne-ne, "mme ntaguma me-ne nkpel irimi-ni, nkpel atul-arra nne-igol ngor idi irimini. 23 Tep-ne-no uken-ibor irre fungor ntol (king) nyi she-bor aken gara akobo nya ijolor nne ba-rogitom-be 24 Nna ayego-itu le nkaga, mbor kolor nrogitom nwurren ba-go idi-ge nyor fotne-ikon akobe feb. 25 Na akakuno nna abaleme kac, ada-je ka-ikor mbe mbo gorre, nne nkalle nne abon nne ijom njin-dege-dege nji affon-no, iyo aba kago akobo. 26 Ngha nrogitom jum-arrung, nerre ishi ngho mbok-me, fenghe bong, "Ada, fun terre ne-na-ma, mme ya-ba-ka-ga ijom njin-dege-ndege. 27 Ngha nna ada je funor uyeni-mok, ayage abor fenghe bage ikon fonnor. 28 Nro-gitom wengha ba jok ji wa-na ba rogitom-be, mba ibagor kpele ikon. Aba felle, ka-me ikon ji akpelor nme. 29 Ntrogitom we gbor jum-arrung gorre, bong, fum terre ne-na-ma, mme yaba kaga. 30 Ngbo-gonbarr nrojitom tern. Aba-tum ji ka-ge ngba gobor mbe akatoge ka ijom nji akpele ikon. 31 Igara nti nrogitom wegor yenor nti- ibe-jol, item iyam-bor mbo ba tark ada bor ijom njin-degen-dede nji ibe-jol. 32 Ngha ada nrogitom wen-gho koge bong nne-ne, wor isha-shap nrogitom, mme mba-bag akonn nya wo akpelo-me wa ngor na agoro-me. 33 Naro wo ayiti ba funor uyeni-mok ntema nrogitom, na-me mba yen-imogor? 34 Ada-je ba yami-tem tabe ji-ka ba kaga anne akan-ya te-te-te abe gal akonye wa. 35 Nnoyor nshu-wa-ma ngor uken-iborr ba-yaba lem-me aka bagor ngba-yi nne item-ta wa.