1 ngor attu ararra ibe sheng Jesso tap Peter, James nne John ngbayem, fenghe tap bor nenteng tom-ngor igol nti irabor. 2 Aba yangha irran ngo ushimerr bor-ushimerr bee iya nna njol, fufo awerre ye iyo nna irrana. 3 Ngha, Moses nbonne Elijah iyoba bong nne-ne. 4 Peter fangha fenghe bong nne Jesu, "Ntol, innobor nogor ujol ngha. Nna ashebor ijol, mme mba leme itek irarr ngha idi-nja, njereng ka njereng ka Moses, njereng ka Elijah" 5 Nna a jolor bong, ngha, irana igbodo iba-bolo bor fufo ngha, illome iba jok ngor igbodo bong, " mon nama nyor jor korr mme yoh ngha, ngho idije mme nrekpepe. Ranghe attong". 6 igara nti ba tuntule beh iyogor mmber gborr kuge ashmerr ngor ndege. 7 Jesu ba lagga bor abbor fenghe bong "Tum-won yeme ka-won kpe-beh". 8 Mbo brre ngor iborr, nne-ne mbor yennun shengm Jesus. 9 Nna mbor jolor budor ngor igol, Jesu kar-bor ikor, ba-bong, "ka tark nne-ne nfongho nyi abe-yen ngha shengm mbe mon ishor bukpor fenghe yem-me" 10 Ba tuntule beh ibube, bong, 'Nna-nor iwedor ba nyon-yonor (scribe) ibongho mbe Elijal ba jolor igbogom-barr?" 11 Jesu fangha fenghe bong, "Elijah ngor ittem-baga ba baga ba-jorrow abaga wah 12 mme mba tark, Elijah bu-bar, mbor rengm meh. Uko-kor-bulop mbor mbor lemer ijom ji ikoro bor-fufor, mon ishor ba yenne akaya ngho abor-bor" 13 Ngha ba tuntule bee ikune mbe ajol bongho nne-bor garra nne John the Baplist. 14 Igara nti mbor ballor ngor igom anne, nne-nom yondege ba-kpere kumarung kae, fenghe bong 15 "Ntol, fun uyenimock kar monnama, akpe nkongho, abuyen akaya rap-ikede. Ajor kont gbogor yel ngone ne allep (water) 16 Mme be kor ba ngor idi bar tumtule ba, mbor mame leme annopn 17 Jesu fangha fenghe bong, "ireng renghe nfam nyi kao tarma, nnamo won meshep nogor mme njol nne-nene rap ikede? Nna iba rabikede mme nkum termer? Koe ba ngha bakame" 18 Jesu kam ibe be uffu, iba jok shage, mon funnor nob uyam ngho igara ntor. 19 Ba tumtule Jesu iba kpere igara nti arerow nenteng fenghe bong, "Nnanor worr ukamalor bor yege jok? 20 Jesu bong nne bor "na won kpelo nta ma nyi terker. Mme nkpe bongho nnenar ngor ltombagar, Jolor appelor ntama jol ishele nna amogor affeme iffo, ino ayi na bong nne igotta, tum ngha shong ngor: Iba tume, ikpem ijom nji wo ayitimal ba leme. 21 Nkpet ashap-shap affu nyanfha ijom ma jok shengm nne ndor nne ubume njal. 22 Nna mbor jolor ngor Galilee, Jesus bong nne ba tuntule beh "mon ishor ba joler ngor ubub anne mbor yebe yollo, 23 ngor attu-arra aba yimme jok" Ibaka ba tuntule beh ilam 24 Igara nti mbor balor ngor capernaum, aneplom mba ikolor akobo Greeks ibal bar ngor idi Peter ba bong, "Nkpel-kpele wa jor ka ikobo Greeks ngor Tkpanda?" 25 Abong "ay" igara nti Peter balor ngor itek, Jesu gbo-mbarr bong nnene, "Ba-jom wo atttobor, Simon? Ngor idi yonor atol ngha ndege ijor kor akpanda? Ngor idi abon affi ngor idi anne mbagor?" 26 "Ngor idi anne mbagor" Peter fangha. 27 Nnogor utilem ba kogor akpanda illem abebag, shong ngor ayar, kak ulor, nogor wo ayige nkobor nyi gbolo mberr bar. igara nti wo aribe nyor, wo aba yene ikobo. kor nogor aka ba kogor akpanda ka mme nne wo".