1 Ngha Jesu ba bong ne igome ane ne batonutulor ber. 2 Aba bong, "anep Scribes ne Pharisees ibemer ngor ite Moses". 3 Tep nenor ijom nji mbor taga nogor alim, laim abodo fonor nogor ayo-brr, kabor-lem, tep nenon mbor yor bong abodo nya mbor kayor lem 4 Mbor lang gboro shol nyi ifulor sheng nsholor, fufor mbor tap konor ane ngor ikpakpak-ga ibek mborba-fornor ikpem a-yogorbor nya mbor babor sholor. 5 Mbor yor lem abaga mbor nogor ane iyen. mbor yor lem ajiom bor iyangha, fenghe nyangha akpa wuro. 6 Mbor kpe ikorr ikag ngor itek Ntol ne ubemer ngor ite Ntol ngor ikobashi, 7 mbor sheb igafor njibor ngor idi-arer nogor bor kok bor nkpekpele ane bamer. 8 Wun nbor tiwunkok ne nkpekpele tep ne-wun ikpe ngkpekpele nwereng, fufor wun waa ugbayel bi. 9 fufor ka wun kok ngdegede, ngha ndege nshuwer tep nenan wun ikpe Nde nwereng yo reror ngor iborr. 10 Wor mbor tier kok ne ngkpekpele tep-nenan ukpi nkpekpele nwereng "Charisty". 11 Ne-yor fulor shesheng ngho igom-jene bajolor mon-inene wene. 12 Neyor yepbor ijiber mbor yeber kago fufor neyor kagor ijiber mbor yebe yeber 13 Ndon jol ka wun anep Scribes,Pharisees ne Hypocrites! Wun-bam ikun-iborr tugor ane, wun fonfor wun nyim dege ba-yele na wun katamor mbagor mba shebor yel nogor mbor lim-nor. 14 Ndon jol ka wun aneb Scribe, Pharisees ne Hypocrites, wun yo rongor atek abep-kal ugul fenghe yor-lem irarab-ndor, wun bakogor iboro nrongor, 15 Ndon jol ka wun, aneb scribes, Pharisees ne Hyposcrites, wun yo jen ji ngor mkpa aboro aya ne ndege yangha ane fongngho wun, afengho jol na wun, wun leme nkpel ibal na mon yo feror ngor ngor ngon 16 Ndon jol ka wun awaga-merr bagom-idi wun ba wun bongho mber nedegedege teror itaba-ndor, irem-ijomjom. Nedegede yo teror igoid itaba ndor, are kaukonyo-ber. 17 wun Adamane awaga-merr nginji igalor-fu igold afi itaba-ndor nji limmor igold inonob 18 Fufor ndegede yor teror ushimerr ikobashe rem-ijom-jom; nedegede yo teror ngho nkaga nyi ireror ngho are ka ukono yo-ber. 19 Wun awaga-merr ane inginji igalor-fu nkaga afi ushimerr mbi lemmor nkaga inonob? 20 Tep nenor ne yor teror gum ushimerr ikobshe, teray gum abodo waa ngho ating. 21 Neyor teror gum itaba ndor teray gum mor, neyo nenor ngho. 22 Neyor teror gum ikun-iborr teray gum ite utol Ishor ne wer nji bemor ngho. 23 Ndon jol ka aneb Scribes, Pharisees ne Hypocrites! ka wor nji aypr nkaga, mint ne dill ne cumin afenghe tum alolop abaga ibene shaga. Nlama, ne imog ne ntama nyagha ya ilagor nyor amelem kafenghe tum-nya-gor shaga tilem. 24 Wun awaga-merr ba-gom-idi wun-ba iyor joke kum alol fenghe mele mborkang 25 Ndon yenee, aneb Scribes ne Pharisees, Hypocrites!ka wun yor row akpakpa igbangala ne ikpkpeghe, Ating yene iburo ne nkuro neufugor-ji. 26 Wun awaga-merr Pharisees bor-mbrr row ating igbangala ne ikpkpeghe nyo ji akpakpa ibangba wele. 27 Ndon jol ne aneb Scribes ne Pharisees Hypocrites! wun rena ulum mbi bor-ber rongha, ngho idi-gbol mer-nob ken ngor Ating, Akporkpor akup aneblom ne ijom nji degede ji ikabrr ufufor. 28 Ngho mbrr yor wor fufor idi gbole ja iyor tep na abeplom ikpekpe ken ngor ating wuu iburol na Hypocrites ne idi nji ibene ikareor. 29 Ndon jol ka wun aneb Scribes na Pharisees, Hypocrites! Wun yor nyor alum bayen-ambrr fenghe kak ayonor ngor alum ane kpekpe. 30 Wor mbe ken-mber unenene na atu ba-ishuwerr, , ujolem ba jolor ane-ba ijolor gba fada along bayen-amerr. Ngha ngtiga nan wun-mal-ba 31 bongho gum-ijibene na abon ba yolor ba-yen-amerr. 32 Wun fenghe ba tap abaga ba inushuwene. 33 Wun ashashap abon uyor na wun malba wele shaga nglamangon 34 Ngha ntiga nkpe wun tomo wun bayen-amerr ne ba nyabaga ne ascribes. mba-dege wun balor yolo fenghe kum laga-ite, fufor mba-dege wun babor fib-bi nti-ite ngor itaba ikobashi fenghe robor ngor ibugor lomo ibugor. 35 Nfenghe re-mber along ane ba-ireror kpekpe ifador iba kono ngho ishi-jine ngor mfam gbep ngor anonob along Abel regor along Zechariah mon Barachiah, nyo wun yole ngor itingdege ushimerr ikobashi. 36 Ngor itibaga jame mber bong ka wun abaga aya iba-baya ngor ishi mfam. 37 Jerusalem, Jerusalem wun ji ayolo ba yen-amerr mba tomo utuga fenghe top mbor atal kpel ibek mer mba wun kogo konor ashi idijreng, na nkok yor wulor abon mberr ngor akpukpug, wun jolem shepnor. 38 Yen-ge itek ja ibu shaga ikpaga. 39 Mme bong ka wun,mene wun nimer ikpe yen teter wun bon, na iya ijol ka neyo balo ngor mbeng Ada.