igboro ngbek

1 Ngha pharisee wer nyenor ne Nichodemus, nenkol jews. nnenom yer ba top Jesu netu ba bong na nene; 2 Nkpekpele worr-uyeyi na areror nkpekpele wer yoro ngor idi Ishor, tep nnene nem ma laim atanikor nya wor amer laim shangheIshor reneneh. 3 Jesu ba fengho, "ngor itembaga shanghe ber ne bor ber joro bel, anem mal ba nyene ikung iborr Ishor." 4 Nichodemuss bar bong nene, "nannor ne bor kpe yebe belle nji aber kol? anem mal ikpe ba ifenghe ngor nkpeliba yel ngor ala nyen mbor kpe bell, ayema"? 5 esu ba fengha, "ngor itembaga shenghe ber mbor be bell, ne alep ne unonop ufu anem mba yele ngor iken iborr Ishor. 6 Wer nji mbu be bell ngor ufu,njoji yi, fefene, wer nji mbor ber bel ngor ufu, ufu bi. 7 ka fon utanikor ka nbeh mer bu bongn nena, 'wor nbor yeba joru bell. 8 Ifehfeh iyor laim bre ngor idi jendegedegenji ikore,ayor york iyork te, idi yono yorr ba ayem af idigi iferor, noyor fefene iraror ka nendege nyor mbor bel ngor ufu. 9 Nichodemus ba fangha, ba bong na, "nan mbor ibaga nya ba jolor?" 10 Jesu ba fangha fenghe ba bong nene,"wor yor ariror nkpekpele ka Israel' wor ayitigimal ba rengheh abaga nya? 11 Ngor itembaga meh nkpilataga,uyor bong ijum nji uyelor ufenghe toro gum ijom ji uber bong. 12 Njolor mer ntaga gum abaga nyaga ndege aka malor tama, nan nor yor alamba tama njolor ntaga gum abaga nyaga ikun iborr? 13 Nnene ka yorr tun ngor iken ibor mon Ishor. 14 Irena Moses yebor itunor je yorror ngor ikankan ifu, noyor fefene mon Ishor mbor ba yebe yerre, 15 Iyor ji ane wa ba iba tama tuge ba funor ikpen ti ka kpelor ikukulor . 16 Ngor na, Ishor fornor ikorr ka nfarm, aba ka mone wereng nyoor akpele, fenghe rege, ber nedegedege nyor tamor tuge nem kpe kpor tan, aba fonor ikpen ti ka kpelor ikukule. 17 Ishor tumen moner ba nga nfarm ngor aba runge nfarm, shonghe nogor abaga nfarm sheng ngor wer. 18 Ne yor tamor uge anem ma rungho, fefene ne yor ka tama bu rung hor bubom, tep ne nan aka tama ngor mben mon Ishor. 19 Ngha nor yor iwedor nlama reror, irana iba yel nga mfarm, ane agenghe ji iyor korr bor shanghe irana, te nenan nleme bor kpi shaba. 20 Nendegedege yor laimor ashashap yirm shep irana fefene ayom ba ngor edi rana 21 ireroryor nji nlemeh yeh ti ba rebe gbol. Irena neyor yor laim itembaga yor jen ba ba mgor idi iranaiyor ji mbor yebe yene kpol mber laime yer regor idi Ishor. 22 Igara nt nta iber sheng, Jesu christy ne ba tontele beh iba tum ngor ndeji Judea. ngor ba runghor mon ijara ngor nebor fenghe wonor alep. 23 Fefene john yol ba worror alep ngor aenon ngor kullor salim tep nenan alep ijolor feb. Ane yol yom ba tober ayor worror bor alep. 24 Ngor igara ntor John mbor ka roe kak ngor ngbagobor. 25 Ngor igara tor aon alam ibaliba-jol ne ba atontulor John neanep jews ngor ikak hrogo. 26 Mmbor ba ji tob JOhn, babong nene, nkpekpele neyor jolor ne na ngor ugbangha aya jordah, wer nji ayolor toro gumer akpe worror alep, ane waa ikpe toboji tobeh" 28 Wun ba fonor wun ba ibong na mertagor wun merne mer shang nraror Christy. mer bor tom mer lele bernkpor barr. 29 nla reka nkogor nkal. atem kogor nkal mba iyenor yor yoge iba fon uyebitem na kang tep no nan mbor yogor ilom te,ijolor naiyen ber uyebitem bama ikon. 30 were ba roroh mer mba irede. 31 Wer nji yoro iborr, fulor shang waa. wer nji yoror ngor ndege ry ngor ndege. Ayor bong gum ndege, wer ji yorror ngrikung iborr. 32 Aatoro gum nti na ber yun fenghe,yoke, ngha nene tatamum atotoror nya. 33 Ne yor ber kor atotoror nya mbe tama be Ishor itembaga . 34 Ner wor Ishor tumer bar bongho ilom ishor. Tep nenan ayom ka ufu ngor ngana. 35 Nde fonor ikorr mon noyor abe ka abaga waa ngor ndabor. Ne yor tamotige mon kpe ikpen igang ge. 36 neyor tenor tegeh mon ner nemba fonor ikpen.Tib ne nan, akanya Ishor yeba konu ngho ngomji.