Ibgoro Ngbeg

1 Ngha igara ti Jesu balor ba kun be anep pharisees be yok na ayolor laim fenghe yor wuror alep shangheh atontonor John. 2 Ngha Jesu fornor yorlem worror alep shamphem ba tontonor beh. 3 Aba tum Judea shaga ba fenghe tum gor Galelee, 4 Ngha ijolor ber ate shang ngor ibugor samaria. 5 Afenghe ba gor ateng ibugor samaria, nji mbor kok neh sychar, ngor ikullor mon ijubor ndege nyor Jacob ber ka monner joseph. 6 Ngor uberr jacob jolor, Jesu ba la ba kerr njor ijen te aba bemmer ngor nkopa uberr fonor, igara tor ibe sgeng nkaranka irara. 7 Nnenkal samaritan bala norgor aba tuk alep ngor uberr. 8 Igara tor, ba tuntule ber,ibe yel ngor ateng ibege nogor mbor ji gunu ijom lili. 9 Nnekal isamaritan ba bong nene, "nan iwedor wor' ijew ameh me beb, mer nnenkal Isamaritan aleb wor-wor, pib ner ijews ne samaritan iworm konor ne atem. 10 Jesu ba fanghe fenghe bong na, ken ber yor abuyee nkaga Ishor, afi afenghe nyi neyor me bong nena bakameh alep, yor ajol yeber bebbeh,ngor ajol yaba kaga aleb ikpeng igang -geh. 11 Nnenkal fonor ba bong, ada wor akpem ijom kukor toke alep, nganor nnantega wor abkogor alep ikpeng egang geh? 12 wor afelem shenhe Jacobnshuwerre wer ji kalor werr uberr fenghe yor ba wor, ne monne ne uyam be. 13 Jesu ba fanghe fenghe bong na nene,"nedegedege wer yorlor alep nya uberr ber ikpeba fonor ikorr alep. 14 Nnen degedege wor wolor alep ma meh mba kaga, anem kpe fon ikorr alep. Tip ne alep ma mer mba kaga ma iriror alep ma iriror alep ikpen. 15 Nnenkal fonor ba bong nene, ada ka mer alep magho iyorji mer ntikpe ba fonor ikorr alep,fefenne iyorji ntikpe ba baga ngar yor ba turr alep. 16 Jesu ba bong nene, shong aji kok nnoma, nogor afenghe ba. 17 nnenkal fonor fanghe fenghe bong nene, mer nkpem nnom." Jesu ba fanghe, " wor abong itimbaga, 'mer kpem nnom; 18 Tep ne nan wor afon alom aron, fefene wer akpilor ilela uwa shang. Na wor abebong item baga. 19 Nnenkal fonor ba bong nene,"ada, me ba yen wor nyene amerr yor. 20 Ba papa jere itekge-Ishor nyha igol ta, wor wob ber Jeruselem ji iriror idi ji ane iyoba tege Ishor. 23 Ngha ntiga igara fonor ikpe baga nyer tiga ibulumu nyha, nti anemba iyor tek Ishor iyege tege ngor itimbaga. 24 tip ne ada kpi jaya anebangho nogor nbor tege. Ishor, ufu bi, fefenghe anebber ime tek iyege tege ngor ufu ne itimbaga. 25 Nenkal fonor bong nene, "meh nyiyi meneh nogor an kpi baga nyor mboyo koge neh Christy . 26 Igara ti abalor aba toror abaga wa rebeh ka wurr. Jesu bong nene, mer yor ngha, mer ji mer bong ne na. 27 Ngor igara ntor ba totule be iba fenghe ba. ikor ba tan bor na iwedor amer bong ne nenkal, nene tegim bong. "Ba jom amer sheb?" afe "nan iwedor amer bong nene?" 28 Nenkal fonor ba tum irong je shaga ba fenghe tum ngor itek ji bong ner anne, 29 Ba wun ba nyen nenom nyor be mer tak ntendegedege nti mer beh laime. 30 Ngha nem mal ba jolor Chrity, afi aba jolor? mbor tum ibogor fonor shaga ba torber. 31 Ngor igara tekeba tuntole yor nure ba bong, "nkpekpele, li ijom lili." 32 Aba bong ne bor, "mer nkpi ijomlili nji wun ka yelor." 33 Ngha ba atuntole iba bong ka atem,Nene ka kor ejomgendegede ba kae, Abi ali?" 34 Jesu ba bong ne bor, "ijomlili jama irembeh mer laim ijomji ada tomor mer norgor nfenghe mal ifangha te. 35 Wun ka bong na? ibu shaga amerr anee norgor ukpaga akpukonghor ilomor? Mer nkpi bongho kawun, bree ngor iborr ayen ifield, tip ne nan ibu bel iyor kpakpa! 36 wer nji mer kpa ba ikogor akobo ifangha kpo amote lok ngor ikon ti ikal kpelor, wer njitalor newer ji kpalo iba gere n atem. 37 ho ba tep mber ilom ti ibongho mbeh talo newergor kpa ikukorn. 38 Ntomer mene aji kpa ngor idi aka ber ti leme ifangha, mbor mbagor ibe laim wor, aji shang yel ngor ifangha 39 A samaritan na feb ngho ibogor njor iba tama tuge tep ne na nenka nyor jolor jituror gara ataga mer abaga wa nyq mer be laim." 40 Igara nti ne samaritan yoror ba toba, mbor ba tage mber ajol nebor, aba jol ngho atu abal . 41 Ane feb iba tama tep ne alom yer. 42 Mbor ba bong ne nenkal fornor, "wor unem kpe ba tama tep ne wor ba funor ubu yok ufenshe nyiyi wrrare wengha ngor item baga nogor nfam yor." 43 Igara nti atu abal iber bar re , aba tunor fengho Galilee. 44 Jesu fornor ba bong ikpol, ber nyena amerr yom lop ngor ibugor je . 45 Igara nti abalor ngor Galilee,anep Galileans, iba koeh, tep ne mbor yen abodo wa nya aber laim ngor Jeruselem ngor ikak tep ne nan mbor ba jolor ngor ikak fonor. 46 Ngha akpe ba fenghe ji gor Canan ngor Galilee, ngor idi alamor alep ishiro amem .Ngor iba fun ne ifangha wer yoro gor utulor utol wer ji mo neh ngor Capernum yolor yam. 47 igara nti aber ba yok ber Jesu yor gor Judea ba gor Galilee, aji top Jesu ber abodor ba nogor aba laim monner nnop wer nji jol ba kpogor . 51 igara nti amer fenghe nrogitum wer, ba korner ba bong ber monner, kpe nener. Ngha ab be bor igara nti ikpekpe mbongha. 52 Mbor bafangha,"iyana ijara ti iber shang nkaranka irimini iba shaga. Ngha nde ba renghe mbe ngho igara . 53 Ngha nde ba renghe mbe ngho igara tor yor Jesu laimor ilom tuger,"moner ba nene, ngho wer fornor ne anep itek be war iba tama. 54 Ngho igara ti aber jok Judea to Galilee.